Jacques Cartier (Saint-Malo, Perancis, 31 Desember 1491 - 1 September 1557) ima panjelajah markabangsoan Perancis na manurut pandapot ni alak najaji ima salah sada na mandegeon patna sanga mandapotkon Kanada, sanga lobi topekna, luak-ibagasan nangkan manjadi bagian luak naparjolo nangkan manjadi negeri on.
Raja Perancis François I mamili ia anso mandapotkon certaines îles et pays où l'on dit qu'il se doit trouver grande quantité d'or et autres riches choses ("pulo dot tano na tarbonggal puna bahat sere dot sinakayoan lain"). I 1534 ia marangkat get manjakaki dalan barat tu Asia. Ia manjelajahi bahat luak na saonnari ima Newfoundland (muloi tanggal 10 Mei taon i) dot Canadian Maritimes dot i sada ganan ia mandapot parbinotoan satontang adongna sada batangaek i bariba barat dope Batangaek St. Lawrence) nai ia purcayo ima dalan barat laut na ijalaki bahat kalak. Ia marlabuh parjolo sanoli i ganan na saonnari ima Gaspé, Quebec dot pajonjong salib i si, patandaonna luak on luak ni Perancis. Lalu ia marlayar tu Québec City, na woktu i margorar Stadacona. I pardalanan na onan, ia manangko dua anak ni Katua Suku Donnacona, Domagaya dot Taignoagny dot mangoban kalai mulak tu Eropa.
Cartier mamuloi palayaran padua i tanggal 19 Mei sataon dungni dohot tolu kapal, 110 awak, dot dua daganak nai tangko (na get paulakon tu katua suku). Ia marlayar tu julu, tu huta Stadacona puna suku Huron dot desa Hochelaga puna suku Iroquois (Montreal) dot sampe i tanggal 2 Oktober 1535. Ia mandapot barita tontang negeri i bariba utara margorar Saguenay, na bahat dohot sere dot sinakayoan nalain.
I 23 Mei 1541 ia marangkat sian St-Malo patolu nolina. Sakalion ia manjalaki Saguenay; tai, pardalanannia maradian i Hochelaga. Sidung mangalewati musim ngali na parah i Kanada, ia mulak tu Perancis sataon dungni. Ampir sade pelaut maninggal ambaen scurvy atia kapali tarjorat i bagasan es sadangkan panganon urang. Cartier mangido alak pribumi get ubat tradisional. Cartier mangabiskon matobangna i Saint-Malo dot bagasnia donok i si, dot maninggal i 1557. Ia maninggal dompak soadong dope inganab i luak na dapotniaon; i angkon napainteon Samuel de Champlain taon 1608
Pautan ruar edit
- Biografi i Dictionary of Canadian Biography Online
- Bref récit et succincte narration de la navigation faite en MDXXXV et MDXXXVI 1863 facimile edition French
- Les voyages de Jacques Cartier (Saro Prancis)
- Jacques Cartier at Civilization.ca
- Watch a Heritage Minutes feature on Jacques Cartier