Giovanni Pierluigi da Palestrina ima sada komposer musik Gareja Katolik Roma na tarmashur i maso Renaisans. Ia sorang i pangujung taon 1525 i Palestrina, Italia, dot maninggal i Roma i tanggal 2 Februari 1594. Ia mamparsiajari musik i Roma i taon 1540, atia pangaruh Renaisans dompak markombang i si.[2] Siding i, Palestrina mulak tu kota hasorangannia dot karejo manjadi komposer i sadun.[1]
Palestrina manggubah 104 misa dot 375 motet.[1] Misa-misa na adong isusun marbontuk koor i opat sampe salapan sora.[1] Karya na paling termashur ima Misa Brevis dot Misa Papae Marcelli.[1] Karya-karya Palestrina ampir ipake sudena mocoman misa na adong i partongaan dot pangujung abad pa-16 i Gareja Katolik Roma.[2]
Sumberna