Etika (Yunani Kuno: "ethikos", artianna "ro tingon kabiasoan") ima sanga aha i dia dot songondia cabang utamo filsafat na mamparsiajari nile sanga kualitas na menjadi studi mangenai standar dot panilean moral. Etika mancakup analisis dot pambaenan konsep songon peto, sala, denggan, jat, dot tanggung jawab.
St. John of Damascus (abad pa-7 Masehi) patibal etika i bagasan kajian filsafat praktis (practical philosophy).
Etika imuloi muda ala marefleksion unsur-unsur etis i pandapot-pandapot spontan. Porlu ni refleksi on nangkan i rasoi, songon arani pandapot etis inda jarang marbeda dohot pandapat ni alak nalain.[1]
Sacara metodologis, inda satiop hal manile parbuatan bisa idokon etika. Etika porlu sikap kritis, metodis, dot sistematis dina mambaen refleksi. Arani i etika ima sada elmu. Manjadi sada elmu, objek tingon etika ima panjaro ni alak. Tai marbeda dohot elmu-rlmu lain na manyise jou parange ni alak, etika puna sudut pandang normatif. Maksudna etika mangaligi tingon sudut denggan dot jat tu parange ni alak.[2]
Manjadi cabang ni elmu filsafat na manorangkon panjaro ni alak, etika mangalehen standar sanga penilean tu parange on. Arani i, etika tarbagi menjadi opat klasifikasi ima :
- Etika Deskriptif : Etika um na manorangkon songoni maia inda mangalehen penilean tu objek nai sise.
- Etika Normatif : Etika na mangobarkon sada penilean di nadenggan dot najat, dot aha na sadegesna ibaen ni alak.
- Etika Individual : Etika na objeknia alak na individualis. Markaitan dohot arti dot tujuan ngolu ni alak
- Etika Sosial : Etika na mangobarkon panjaro ni alak na makhluk sosial dot namarurusan dot alak nalain. Bope i lingkup tarmenek, ibagas, sampe na godang marnegara.
Klasifikasi iginjang palidang molo etika solkot kaitanna dohot panilean. Arani i hakikatna etika mangobarkon sifat ni alak mambaen sasada alak bisa idokon denggan, bijak, jahat, susila sanga nalainnai. Sacara khusus etika adong i prinsip nialak manjadi subjek sakaligus objek, sanga songondia alak marpanjaro tu tujuan tu ibana dot tujuan tu kapontingan sudena.