Wp/btm/Bima Sakti

Bima Sakti (i saro Inggris Milky Way, na marasal tingon saro Latin Via Lactea, ibuat buse tingon saro Yunani Γαλαξίας Galaxias na mararti "susu") ima galaksi spiral na godang tarmasuk i tipe Hubble SBbc dohot total masa sakitar $10^{12}$ massa mataniari, na puna 200-400 miliar bintang dohot diameter 100.000 taon cahayo dot apalna 1000 taon cahayo. Jarak ni antara mataniari dot pusat galaksi iparkiraon 27.700 taon cahayo. I bagasan galaksi bimasakti adong sistem Tata Surya, na i bagasanna adong planet Bumi inganan nita tinggal. Iduga i pusat galaksi marsemayam lubang nalomlom (EN: black hole) supermasif. Sagitarius A ianggap manjadi ganan lubang nalomlom supermasif on. Tata surya nita mamorluon woktu 225–250 juta taon ando manyaloseon sada orbit, jadi madung 20–25 kali mangitari pusat galaksi tingon sidung atia tarbontukna. Kacopatan orbit tata surya ima 217 km/d.