Archimedes dari Syracusa sanga Ἀρχιμήδη (sakitar 287 SM - 212 SM). Ia ima ahli matematika dot panemu tingon Yunani na targorar.[1] Ia marsiajar i kota Alexandria, Mesir. I woktu i na manjadi raja i Sirakusa ima Hieron II, donganni Archimedes. Archimedes on ima sada matematikawan, astronom, filsuf, fisikawan, dot insinyur maarbangso Yunani. Ia ibunuh sada prajurit Romawi i panjarahan kota Syracusa, bope adong parentah ngon jendral Romawi, Marcellus molo ia inda tola iparkanciti. Sadebana ahli sejarah matematika mamandang Archimedes manjadi salah sada matematikawan targodang sejarah, mungkin rap dohot Newton dot Gauss.
Hukum Archimedes edit
I sada ari Archimedes isuru Raja Hieron II anso pareso mahkota serenia marcampur perak sanga indak. Archimedes mamikirkon masalah on dohot botul-botul. Sampe ia maraso sangat loja dot mangamburkon ibana tu bagasan bak mandi biaso napol dohot aek. Lalu, ia parate-ateon adong aek na sampak tu pantari dot langsung woktu i ia manfapotkon jawapanna. Ia torus jongjong, dot marlojong sapanjang dalan tu bagas dot salang-salang. Satolapna tu bagas ia oruk tu adaborunia, "Eureka! Eureka!" na artianna "madung pasuo! Madung dapot au!" torus ia mambaen hukum Archimedes.
Dohot on ia mambuktion molo mahkota raja icampuri dohot perak. Tukang na mambaen nai iukum mate.
Panomuan na lain edit
Panomuan na lain ima satontang prinsip matematis tuas, sistem katrol dot idemonstrasionna dohot manarik sada kapal dohot sada alak sajo. Ulir penak, ima rancangan model planetarium na bisa patidaon gorak mataniari, sirumondang, planet-planet, dot amungkinan rasi bintang i langit.
i bidang matematika, panemuannia taradop nile pi lobi mandonoki pado ilmuwan naparjolo, ima 223/71 dot 220/70.
Archimedes ima alak na mandasorkon panomuanna dohot eksperimen mambaen ia igorar Ayah IPA Eksperimental.
Pautan ruar edit
Sumberna edit
- ↑ Ready Susanto. 2007. Ensiklopedi Tokoh Sains. Jakarta: PT. Kiblat Buku Utama. 2007 Hal. 14.