Wp/brh/Xalkí kissa ģák (Ridband)

< Wp‎ | brhWp > brh > Xalkí kissa ģák (Ridband)

Xalkí kissa

Paxír ná varańdíkEdit

Asi bandaģ as paxír ase á iná; oŕán musi ít arrife. Avalíko dá: “Antae pára ki Xudá har jága ģá sáŕí e? Vale Í ic jága se á xampara ta. Kane nişán iti ta, aráŕeke?” Iraŧamíko dá: “Bańdaģ e gunáh kin antae sizá ittira, antas ki bańdaģ kek, Xudá ná páraģán are? Bańdaģ ná tená vass aff o Xudá ná marzí ná barxiláf icŕá kanning kappak. Aga bańdaģ e hokum massaka to o kul kárem te tenkin juán kareka.” Musiŧamíko dá ki “Xudá şaetán e dozax aŧí amar sizá ittik? Antae ki şaetán xáxar án vadí massune o xáxar xáxare amar uşik?” Paxír bhallo pođ as arfe o amo bańdaģ ná káŧum aŧí dekare xalk. O bańdaģ kází á iná o pare ki “Í paxír án musi ít arrifeŧ. O kane varańdí ná hand á xalk.” Kází paxír e tavár kare arrife ki “Ní oná ít átá varańdí e antae titaves, o oná káŧum á pođ as antae xalkus?” Paxír páre: “Xuája! Dá pođ oná ít átá varańdí as. O páik ki kaná káŧum aŧí xaļ e. O kane xaļ e nişán itte, Í od Xudá e nişán ittiva. O antae neton kaná şikáist e kare, antae ki antas ki Í karenuŧ; Xudá karene. Xudá ná marzí án bedis Í ode xaltanuŧ. O kaná ant ixtiyár e? Elo dá ki o miş án vadí massune; miş aná pođ án ode amar sizá rasengá?” Hamo bańdaģ habakka mass. Kází paxír ná varańdí án bház xuaş mas.

Nábúdá GháŧEdit

Asi ullí suár as asi şár ase á iná. O bińgusus ki oŕe duzz ák bház o. Nanikkán tená gháŧ e páre ki “Ní xác, Í nanikkán xácpara. Ullí tá samá e keva. Antae ki ne á icc bávar af, navá ní tungán inos.” Gháŧ varańdí tis, “Afsos! Ae kaná xuája! Dá amaro íŧ ase ki Í xáciv o kaná xuája xiyáldárí ke.” Gháŧ aná dá ít án guđ xuája xácá, musi pahr án pád samá kare o gháŧ e tená tavár kare páre ki “Ní ant kanningaŧíus?” Gháŧ hakkal karisá páre, “Xuája! Í andá xiyál aŧí túlol uŧ ki Xudá đaģár e amar dír aná zíá tálán karene?” Xuája páre, “Kane xulís as ki navá duzz ák baror o ne samá mafaroe.” Gháŧ varańdí tis, “Ae kaná xuája! Ní icc fikir kappa, ser tuģ xác, kane samá e.” Ullí suár duára xácá. Nem şaf á valdá samá kare o gháŧ e tená tavár kare páre ki “Ní ant kanningaŧíus?” Gháŧ varańdí tis, “Í dá ít á ŧakk xallingaŧíuŧ ki Xudá bedis tamba ģátiyán ásmán e amar salifene?” Xuája páre ki, “Ná duningá dalíl áteŧí navá duzz ák barer o ullí e cikkir der.” Gháŧ varańdí tis, “Ae kaná xuája! Í xáctanuŧ, kane samá e, duzz ák amar barera?” Suár duára xácá. Nan aná asi sáat as ki suár lojár samá kare to ghát e páre ki ní ant kanningaŧíus?” Gháŧ varańdí tis páre, “Í dá fikr aŧí túlok uŧ ki duzz ák bassuno, ullí e dareno. Pagga ullí ná zaen e ní tená káŧum á arfos, yá Í tená káŧum á tixoŧ ta?