Wp/brh/Támil bolí

Támil (தமிழ்) soelí Inđíá ná riyásat Támil Náđo, Sirí Lanká o Singápúr ná sarkárí bolí e. Dá bolí Inđíá ná vaxtí o handí maxlúk ná bolí tá xáot aŧí lekingik ki Drávaŕí pára ta. Dá bolí ŧí geştir soelí Inđíá ná maxlúk ít kera. Bházá zántkár o polkár átá xiál e ki dá bolí e Áriá maxlúk tenton esus us. Elo zántkár o polkár átá xiál aŧí soelí Inđíá ná bolík, Támil, Telugú, Malyálam, Gońđ dáe, andá jága ná vaxtí á handí maxlúk Kol, Bhel o Drávaŕ átá bolí ko, o dáfte Drávaŕí bolí pára.

Inđíá o Sirí Lanká ná nakşa ģáteŧí Támil bolí ná iláka ģáte xísun rang aŧ záhir kanningáne.

Bráhuí o Támil ná siyálí

Eun to pakk á Drávaŕí bolík Támil, Telugú, Kanŕ o Malyálam o vale bházá zántkár o polkár ák Bráhuí bolí e am Drávaŕí bolí tá xáot aŧí lekira. Bráhuí e Drávaŕí tá xáot aŧí leking kin ará dalíl ák tiningira ofteŧí dá am are ki asi bhallo kacc ase aŧ Bráhuí bolí o elo Drávaŕí bolí teŧí loaz átá buncux asiŧ e. Támil o Bráhuí bolí teŧí hisáb ná giŕás laoz ák dá vaŕ aŧ o:

Hisáb (Támil)	Hisáb(Bráhuí)
ondru	asiŧ
iranda	iraŧ
rmu:ndru	musiŧ

Drávaŕí xáot ná elo bolík

• Maláyálam: Inđíá ná riásat Kerálá ŧí ít marek iŧí ta.

• Telugú: Inđíá ná riásat Ándrá Pardeş aŧí ít marek iŧí ta.

• Kánađ: Karnáŧak aŧí ít marek iŧí ta.

Dáfte am ubbo

• Bolí
• Bolí tá xáot ák
• Bráhuí
• Drávaŕ

Darí Gańđ

• Bolí tá ethnologue xáotbandí