Pánámá Kaenál (Angrezí: The Panama Canal, Ispení: Canal de Panamá) 77.1 kilomíŧar (48 míl) murģuno kaenál as e. Dá Látíní Amríká ná mulk Pánámá ŧí e. Dá kaenál Caribbean Sea án gidrengisá Paesifik sarzir e Aeŧlánŧik sarzir ton gańđik.
Pánámá Kaenál ining banning kin sarkárí rid aŧ 15 Agast 1914 á malingá. 34 sál ná kárem án pad Paesifik o Aeŧlánŧik sarzir ák asi elo ton gańđingár. Dá kaenál ná kárem e avalsar aŧí, 1880 aŧí Fráns ná xalkat biná karesus, vale 1903 aŧí Amríká ná Baddhí Riyásat ná amaldárk tená zimmevárí ŧí kárem e moní darer. Dá kaenál ná joŕ kanning injiníaring ná amo vaxt iskán maroká kárem teŧí ģuŧŧ án đukkiá ģá kárem ass. Sí hazár án geş poriágir andá kárem aŧí kaskur. Dása Pánámá dá kaenál ná intizám ná zimvár e. Sarjam manning án pad dá kaenál 80 kilomíŧar murģun e. Asi díríjaház e dá káŧum án elo káŧum iskán raseng kin 8 ganŧa laggik.