Wp/brh/Buzgal

Buzgal

Eŧ, Mat o Daģat tá(Daģar tá) bhází e buzga pára, andun laoz "Mál" am buzgal kin pánińgik. buzgal aŧí asiŧ án ziát "Jalab" o "kaŕda" marera, buzgal o mál ná xuája e "Bágiá" pára, o buzgal e xuáfok á bandaģ e "Şuán" pára. andun, astgár á Bágiá tá buzbal azár án geştir (Eŧ, Mat o Daģar) marek.guŕá şuán 'xuáfoká buzgal ná ar Eŧ, Mat o Daģatte pho mannińg o sarpand mannińg ná xátir án buzgal e şefko,giŕá tá rid aŧ jitá jitá pin o droşum teŧí başxik, tánki, ar eŧ, mat o daģar e gurj aná vaxt birrińg o jitá kannińg ke.

Rańg aná bábat Eŧ tá pińk

Morak

Morak laoz "Mon" án peştammáne, mon yání siágí, ará píun maff.buzgal yá Meļ teŧí Morak, amo Eŧ yá Meļ e pára, ará caŧ mon mare. oŧí mon ińgá rańg án bedis pen icc o rańg as baff. andun Morak, mon ińgá Eŧ e pánińg án bedis, Mon ińgá bandaģ kin am Morak pánińg mannińg kek.aráde "Muşkí" am pára.

Mallak

Mallak am rańg aná bábat Meļ(eŧ o kuhrr) tá asi vaŕ ase, mallak á meļk irá rańg aná avárí án droşum alera. Mallak á eŧ aná Xafk xísun o elo mucc á jon ti mon marek.

Búhrí

Búhrí amo eŧ ti pára, aráftá jon aŧí irá rańg mare. aga eŧ ase ná Xafk píun massur o elo muc á jon ti mon mass to amo rańg aná eŧ e "Búhrí" pára. laoz búhrí ará ná mána píuní ná e, dá "Búhrá" án peştammáne.