Ísáí dín asiŧŧá Xudá e mannoká tá dín ase arásiŧ ná bundar Ísá ná zind o Injíl ná kitáb e. Dá dín e mannok áte Ísáí pára. Ísáí tá ímán e ki Ísá Xudá ná már e ki Xudá ģán jitá aff, o duniá ŧí maxlúk ná rakkeng kin bass. Andá xátirán Ísáík mudámí Ísá e rakkenok yá mehrván pára. Ísáí tá ímán e ki Ísá amo Messiah e ki arásiŧ ná báravaŧ Yahúdí tá kitáb Torát aŧí likkok e. Ísáík mannira ki Ísá dubar vadí marek o maxlúk (zinda o kahok aŕtomá) átá ázmáiş kek ofte hakk o rást aná sabax ittik o ofte iraŧŧamíko zind e başxik. Ísáík Ísá ná kulav e Hakk aná Kulav (Gospel) pára.
Firka ģák edit
- Roman Kaetolik (Roman Catholics)
- Deŧikkí Ortođoks (Eastern Orthodox)
- Proŧaesŧanŧ (Protestants)
Ímán ná bunhişt ák edit
Dun to Injíl aŧí nivişta ít átá Ísáí dín aná mannok ák jitá jitáo matlab pára vale dáfteŧí giŕás anduno arer ki ģuŧ Ísáí teŧí asi vaŕ aŧo.
Amanna ģák (Creeds) edit
Dá guanđo giŕás ít o ki díní amanna ģátián joŕo. Dáfk avalsar to Gunáh tá Şoling (Baptism) ná vaxt á xuánoko amanna assur, vale rand aná ixtiláf átián pad jitáo ímán ná amanna joŕ massur. Giŕás amanna dá vaŕaŧ o:
- Aposŧal Amanna (Apostles Creed)
- Nişín Amanna (Nicene Creed)
- Calkedonían Amanna (Chalcedonian Creed)
- Atánasían Amanna (Athanasian Creed)
Geştir Ísáík, ki oftk ará firka ton am ki ganđok marer, asi na asi amanna e zarúr mannira.
Ísá edit
Ísáí dín aná bundar dá ít á íman ating e ki Ísá Xudá ná Már e o Rakkenok (Messiah/Christ) e. Oftá ímán e ki o asi bandaģ as joŕ mass bass o súlí e gicen kare ki ģuŧ maxlúk ná gunáh te tená lixaŧŧí ale. O súlí ná daŕd áke am andá xátirán tene á alk ki andá ná savab án maxlúk ná gunáhk başxingir. Ísáí tá ímán e ki Ísá dubar dá duniá ŧí vadí marek.
Ísá ná Dubar Vadí Manning edit
Ísáí tá ímán ná bunhişt dá amanna ŧí e ki Ísá dubar vadí marek o andá insáníat ná táríx ná ģuŧŧ án gicená ít maro. Injíl páik ki Ísá e súlí á suár kanningá, oná badan kask od adíra seŧí kađđ kanningá, o musi de án pad dubar zinda mass.
Xudáí kitáb ák edit
Ísáík Injíl o Torát e Xudá ná kunđán mon tiroko kitáb lekira.