Wp/bnn/via

via(刀)

Maaq a via a iskulut, istabal, istuktuk, islupa ki titi siin duma tu qaimamangsut.

Ikma-aiun i qanup

Maaq dau ka Bunun qanup a nii dau ka via puktanun.

(1) Via daing--isqailian i via daing, maaq a kaingaz-aqan a sikaupa laipaz ima, sikaupa masqanan a kaidauqpusan. Maqtu istuktuk lukis, iskulut i titi.

(2) Baungan--Malansuzauk a manusqaitan, mahaipi la-iiq i titi. Islaupa ki vanis, tumaz, qanvang.

(3) Dadaus--maputuq tu manusqait, ikma-aiun matuka ki titi. Haiza amin bunun a pisanun kuling na ikma-aiun dis minkanaangi.

Ikma-aiun munquma

Maaq dau ka Bunun munqumq a, asa madas i via, na iskusia munquma, maqtu amin istabal i ivut siin duma na kalat i bunun tu miniqumis.

(1) Kaul--Haiza kaul-daing siin kaul-tikis, maaq a kaul-dainga a, maqtu ispaquun i lukis siin ismuut: maaq a kaul-tikisa a, musqa iskusia mavalval i ismuut.

(2) Qaina--Maaq dau ka qaina ka a, haiza nipun maszang i kukulut, musqa aingka iskulut i paaz.

(3) Via daing--Sia dau bananaza isqailian, ista’liq i lukis siin talum, isangsang i lukis, maqtu aimn ispaluq i maququlpiq tu lukis.