Wp/bnn/mapatuhavit

< Wp‎ | bnn
Wp > bnn > mapatuhavit

mapatuhavit(協議、合談)

              maaz a mapatuhavit a halinga'in hai sintupa tu asa tu matusuhtis mas sinpatumantuk tu sinpalatuza tu sinpalisnulu tu halinga i mais nii
              tu mapakimaupa mas sinpatumantuk tu sinpalatuza tu sinpalisnulu tu halinga hai na saduas Dihanin at na ingkadaas ispaingkakuang tu na 
              is'ataaz tu kananag.
              ung at, maaz a siaan tu halinga hai paisnasia habas daingazang tu sinpalihabasan mas madadaingaz tu sintatahus uvaaz. tupa tu tis'uni 
              daus itsauhzang dau a itu havit a uvaaz a pataazus bunun at kan'asangun dau a bunun mas havit at aupa masa aipintin dau hai 
              mintatulun dau a bunun at kausain dau sia havittia tupa tu na mapainsial a kata at masa mapatumantukin dau a naia hai maaz a inaitia a
              sinpalatuza a mas sinpalisnulu hai sinasainun sia na is'ataz tu sinpatumantuk.aupa paiskatupin a bunun mais aiza a na ispalatuza tu na 
              ispatumantu tu sinpalisnulu hai tupaunin tu mapatuhavit.

kaviaz(血緣友氏族)

              maaz a siaan tu halinga hai painasia itu bunun tu sinpalihabasan tu pailpakapaatazan mas bunun mas havit tu pailihabasanan at masa 
              tupin tu na mapainsialin a bunun mas havit hai tupin tu na ingkavaizunin a havittan at na niin kata bunun mapapaataz mas havittan at na
              niin amin a havittan kakalat mas unun . ung at mais sadundu'anan a havittan mallahnut sia daan hai asa tu apinis mas madanghas tu
              kulali tu mahaiav masaiv dau mas havittia at tupaun dau tu mudaanin i saivaninkuas mas ulus tu na painukun mas masuu. tudii dau a 
              havittan mahtu kalat bunun mais kandamusan mas bunun.
              maivia tu tupaun a havitan tu kaviaz is? aupa maibunun dau a havittan at aizas itu bunun tu haidang at pahasia pin'unius bunun mas 
              tas'an sadu i!
              ung at, maaz a kaviazan tu halinga mais istunasia itu bunun tu siduh sadu hai aupa habas a bunun mais tas'an tus kautuszang mais aiza a 
              paikakuangan paihaungunan pailkapatazan hai aupa mais niin asa maluskun at mudaan sivaivi hai mapising mais mapalmasamu i maitasa ang a
              haidang hai tunasainun sia kaviaz tu niin kai dau maluskun tu minvaaz minmavaiviin hai tu paldadaukun a haidang amapal'aiza. 

mapalmasamu(婚姻禁忌)

             siaan tu halinga hai istunasiaan sia mapadangi tu palisasamu tu halinga. ung at maaz dau a itu Bunun a mapadadangian hai aizaas nii tu 
             ama'ama mahtu sizaun mapinpinilumah tu samu tu hansiap. maaz a itu kautuszang a uvaaz hai nii tu mintuza ama'ama mapadangi at maaz a itu
             paitilain a uvaaz mas itu tina tu ulumahun tu taingkadaan tu uvaaz amin hai nii amin mahtu sitmangaun siza, asa tu malantiun ang at na 
             tudiipin mahtu sizaun is papadangi. mais masipul tu na malanpia hai aizaan a sia dau mas issisipul mas malantiun tu halinga. mais 
             mailas'an ang  hai tupaun tu uvaaz at mais malanpus'anin hai tupaun tu lading at mais malantiunin hai tupaunin tu suhisvalaiin. tupa tu
             mais pansainin sia suhisvalaiin dau hai tudiipin dau mahtu sizaun mapadangi a itu paitilaintia a uvaaz at mahtuin dau amin a itu tinatia
             a ulumahun a taingkadaan a uvaaz a suhisvalai a sizaun mapadangi.

suhivalai(回到婚娶的原始點)

             maaz a ismut mais apsiun kadapan at kaazin ka malsasabah sia dalah at mais min'anak'anakin minduldul a sia dau minhumis hai tupaun tu 
             suhisvalai. aupa mais saduan hai niin sahalan tu adu laihabanin mas bunun tus titi kandapan hai tupaun tu suhisvalai.ung at, mais 
             istunasiaan sia mapadadangi tu samu hau sintupa tu udaizin dau tu maldahda'in tu matamalin tu masaningsingin a haidang a hai mahtuin 
             usuhaisun siza mapadangi.

Lamungan(族靈之地)

             maaz a Lamunganan hai itu Bunun tu usuhaisanis mudaanin nastutin. maaz bunun mais na maatazin tu na mudaanin sia dalahtin hai tukakivang
             tutupa tupa tu na musuhisinik kauLamungan. pahasia maaz a Lamunganan hai maszang mas panadaan mas itu bunun tu hanitu mais maatazin tu
             mudaanin siaan dalahtin.ung at, mais istunasiaan sia dalahtin hai sintupa tu ladindimpuhan dau mas danum mais hudanan tu dalah.

Buan-malahtangia(射耳祭儀)

             Bunun mais taunasainin sia kanahtungin manatu mas maduh tu makaniin talpatazun hai kitngabin minnasia lus'as malahtangia tu 
             islulus'an. maaz a malahtangiaan tu islulus'an hai pailis'unis itu iskakaupa tu mininhumis tu hanitu tu islulus'an.