Wp/blk/အင်ႏဂါႏနီꩻ ကူꩻနိဗ္ဗာန်ႏခန်ꩻ

< Wp‎ | blkWp > blk > အင်ႏဂါႏနီꩻ ကူꩻနိဗ္ဗာန်ႏခန်ꩻ

၆။ လယ်ႏဟော်ꩻနယ်ပျꩻ ချွစ်၀ွေႏနေႏ

       ဘုရာꩻနီဗွေႏ                   ကကျိုꩻစာꩻ
       ခေ့ꩻလေနီꩻနာꩻ                မအုံဗာႏ
       လစ်ꩻဆီငတ်ꩻ၀ါႏ             န၀်ꩻတဲင်ခါ
       သက်တောႏဗွေငါ           သွစ်ꩻဆီတွင်ꩻ
       ခွန်သီန၀်ꩻရင်ꩻ                လွဥ်လ၀်းဖစ်
       မဟာႏသက္ကရာဇ်            ရျာꩻလစ်ꩻဆီ
       သွစ်ꩻဗာႏလွိုကီ              ဒဲဥ်ရုတ်ꩻသြ
       လာဗွေဟာနေား            နီꩻအင်ႏဂါႏ
       အင်းချင်းမွူးခါႏ             ကိန်ꩻတလွာꩻ
       နီဗွေႏဘုရာꩻ                  ကူꩻနိဗ္ဗာန်ႏ  
       မဲ့ထီရီႏထန်ႏ                  လိုꩻပေါင်ꩻအာ
       ကယ်ꩻစွဥ်ႏမွိုးဖါ             အွဥ်ႏကုဲင်နꩻ
       တလွိုးပေႏသꩻ               စွုမ်ႏဖြာꩻဖြာꩻ
       ငွိုးရောင်လွထာꩻ            ခိုခိုမူႏ
       ခွေသွဥ်းထင်ႏယူႏ           န၀်ꩻကိုခြာ
       တလွိုးလဲ့ပါ                  ဟွုန်လောႏကာႏ
       ကီညိုႏမွေးငါႏ               ဗွေႏဘုရာꩻ
       စွုမ်းသွိုꩻလွဥ်ꩻထာꩻ        ပီတိပြုဲင်
       စူခုမ်ꩻဗိုတုဲင်                 ယွော့ကီဒင်ႏ
       ရိုႏသေႏ၀ုဲင်ႏထင်ႏ          နီဗွေႏဘုရာꩻသြ ။         ။
       ၀ုဲင်ႏဗာႏယိုနေား           ကူꩻနိဗ္ဗာန်ႏ
       သꩻဖူꩻဓိဋ္ဌာန်ႏ               ကရေႏခါꩻ
       မဂ်ဖိုလ်ႏတရာꩻ            ယံလꩻဗွေႏ
       တဏှာႏ၀ွဋ်ဟွေႏ           မခုဲင်ႏဖေ့
       ထီႏမေႏလောႏထေ့        နုဲင်းထာꩻသား
       လောဘသꩻဗား            မလို့စင်
       မဥ်ႏကွုတ်ထဲင်းဖျင်      စိုးမုဲင်ꩻယ၀်း
       ထာꩻကုဲင်ကွုတ်တ၀်း    မျတ်မွိုးဖါ
       ရွဥ်ခံꩻလွိုင်ႏအာ           သဲင်ꩻခြွေခြာႏ
       သေထုမ်ႏမာꩻဒျာႏ         ကုသိုလ်ႏခန်ꩻ
       သက်ထိုခြွိုင်ႏသန်ꩻ        ချမ်ꩻသာႏမွေး
       မဥ်ႏသီန၀်ꩻဟွေး           တနီꩻခါ
       ဆာညနေင်ႏလာ           မမော့ꩻဗာႏ
       အ၀်ႏလွိုႏလွိုႏကာႏ        ထာꩻသာထဲ့
       နုဲင်းပါꩻဆိမ်ꩻမဲ့              ဗေင်ႏအွီႏထာꩻ
       ပေႏတန်အမျာꩻ            ဟွုန်လောႏကာႏ
       ၀င်ꩻမာꩻယံငါႏ              ပွယ်ꩻတရေꩻ
      သံႏဃာႏလꩻလွေꩻ          ကသမ်းအာ
      တရာꩻနာႏပါ                ကုသိုလ်ႏဖန်း
       အပါယ်ႏလစ်ꩻခမ်း       ကင်ꩻလွစ်လꩻ
      ဘွုံႏဟ၀်ရွစ်ဗꩻ            စွုမ်ႏဇာတ်ဇာတ်
      နိဗ္ဗာန်ႏခွꩻဓာတ်            ချမ်ꩻသာႏသေႏ
      ယံလꩻမွိုင်ဗွေႏ            ဆုတောင်ꩻနုဲင်းန၀်ꩻသြ ။          ။

[1][2]

အာႏကွိုꩻEdit

  1. ပအို၀်ႏလိတ်လုဲင်ꩻစွစ်ꩻလီတာႏအစွိုꩻ
  2. အင်ႏဂါႏနီꩻ ကူꩻနိဗ္ဗာန်ႏခန်ꩻ