Wp/blk/သာႏသာႏနာႏနေင်ႏငတ်ꩻရေင်ကရိုꩻနဝ်ꩻ

< Wp‎ | blkWp > blk > သာႏသာႏနာႏနေင်ႏငတ်ꩻရေင်ကရိုꩻနဝ်ꩻ

သာႏသာႏနာႏကရိုꩻနဝ်ꩻ အဆုင်ꩻအမꩻ ကလွောက်ꩻနာႏလွဉ်ꩻ ကကံကျင်ꩻအာႏထွုတ်လွဉ်ꩻ နီဗွေႏဖရာꩻငဝ်းငွါ အဆွုံꩻအမ့ꩻဖုံႏနဝ်ꩻ ထွာသာႏသနာႏသွူ ၊၊

ဗုဒ္ဓသာႏသနာႏတော်ႏယိုနဝ်ꩻ ပဲင်ႏချာꩻသေꩻခါꩻထွူတွမ်ႏနေင်ႏသက်တန်ꩻလဲ့ တမွေးတဝ်းသွူ ၊၊

သာႏသနာႏနိန်ႏ ငတ်ꩻရိန်ကရိုꩻနဝ်ꩻလဲ့ နီဗွေႏဖရာꩻ( တိုက်ရိုက် )တဟော်ꩻသေꩻခါꩻဗာႏတဝ်း အဋ္ဌကထာဆရာႏမထေရ်မျတ်သီး ဗွောင်ဖွင်ꩻသေဉ်ႏလျောႏငီꩻချာယင်းဒျာႏ နီဗွေႏဖရာꩻကဟော်ꩻဟော်ꩻသေꩻခါꩻဒါႏ သာႏသနာႏတဉ်ႏခွေါင်ပွုံႏတွမ်ႏ သာႏသနာႏကဆွုတ်ယွုတ်သဲင်ꩻထိုꩻပွုံႏအလောင်းဖုံႏနဝ်ꩻမ့ꩻ အထွာလွဉ်ဗာႏ သာႏသနာႏနိန်ႏ ငတ်ꩻရိန်နဲုင်းနဝ်ꩻသွူ ၊၊ နဝ်ꩻမꩻ သာႏသနာႏနိန်ႏ ငတ်ꩻရိန်ကရိုꩻဒါႏငဝ်းနဝ်ꩻ သာႏသနာႏတမွေးတဝ်းသွူ ၊၊

သာႏသနာႏကရိုꩻနဝ်ꩻ အဆဲင်ႏ ( မူတည် )ဒျာႏ လွောက်ꩻနာႏ ၊ တလွောက်ꩻနာႏတဝ်းအလောင်းနဝ်ꩻသွူ ၊၊

လွောက်ꩻနာႏသားတဲ့မဉ်ႏအဝ်ႏဒျာႏ ကေားကဖြေ့ꩻလီသားလဲ့မဉ်ႏအဝ်ႏထဲင်းထဲင်းဒျာႏ သှိုနနွသ့ꩻရာနခါနဗှနဖရောꩻအဆှုံꩻအမꩻယို မဉ်ႏအဝ်ႏသော့ꩻတသေႏသေႏဒျာႏနဝ်ꩻ သာႏသနာႏယို နိန်ႏငတ်ꩻရိန်တကာႏတဝ်း နိန်ႏတသောင်ꩻ ၊ နိန်ႏတသိန်ꩻလဲ့ အဝ်ႏတဉ်ႏနွောင်ꩻဒျာႏသွူ ၊၊

နီဗွေႏဖရာꩻငဝ်းအဆွုံꩻအမ့ꩻယို လွောက်ꩻနာႏသားမဉ်ႏတအဲဉ်ထဝ်းဒွုမ် ကေားကဖြေ့ꩻလီသားမဉ်ႏတအဝ်ႏတဝ်းဒွုမ် သꩻရာႏကို ဖရာꩻအဆွုံꩻအမ့ꩻယို မဉ်ႏတအဝ်ႏသော့ꩻတဝ်းဒွုမ်နဝ်ꩻ နီဗှနဖရောꩻသာနသနာန အရော့ꩻခေ့ꩻထိုꩻ မွူးရဝ်ꩻတရူꩻလဲ့ ခေ့ꩻနွောင်ꩻဒျာႏသွူ ၊၊

သာႏသနာႏတဉ်ႏ ၊ တတဉ်ႏတဝ်းနဝ်ꩻ အဆဲင်ႏ ( မူတည် )ဒျာႏ ကေားကလွောက်ꩻကံကျင်ꩻလွဉ်ꩻသားအလောင်းသွူ ၊၊

ကွပ်ပွိုးနဝ်ꩻမ့ꩻ----ရွစ်ခြိင်ဗော့ꩻ " ဗုဒ္ဓ သာသနံ စိရံ တိဋ္ဌတု " နဝ်ꩻ တလ့ꩻတဝ်းတဲင် နမ်းသွိုန်ႏသ့ꩻအောင်ခါႏ သ့ꩻရာႏဖူꩻကိုတဲ့ လွောက်ꩻနာႏဗာႏ နမ်းတဲ့ထိန်ꩻသိမ်ꩻဗာႏ ၊ ဖေႏအာႏဗာႏ ၊ မျောက်ပင်ႏဗာႏ ဖြေ့ꩻလီနွောင်ꩻထဲင်းထဲင်းဒျာႏမ့ꩻ နီဗှနဖရောꩻသာနသနာန ညဆွာꩻခိန်ႏခါႏအီႏတဉ်ႏညဗာႏသွူ ၊၊

သာႏသနာႏ နိန်ႏငတ်ꩻရိန်ခရာႏ လိုႏသေထွိုက်သေသင်ꩻငါႏယူႏနဲုင်းနဝ်ꩻမ့ꩻ ထာꩻသေဥာဏ်ႏကထွꩻထွꩻရာꩻ ကဟော်ꩻခါꩻဖိုဖိုဗာႏအတွိုင်ꩻ ဆေ့ꩻဆေ့ꩻဒွေါင်ႏဒွေါင်ႏ တဲမ်းထန်ႏနယ်ဗာႏ သာႏသနာႏခွိုꩻနွယ်ႏသီးနုဲင်းယိုသွူ ၊၊

[1]

အာႏကွိုꩻEdit

  1. ခွိုꩻသွီႏရုဲင်း-ဗန်းကင်