Wp/blk/ဝေင်ꩻပင်သင်ꩻ

< Wp‎ | blkWp > blk > ဝေင်ꩻပင်သင်ꩻ

ဝေင်ꩻပင်သင်ꩻ(ပင်ခမ်ꩻ) (အဲင်းကလေတ်: Pangkham (Pangsang) (မန်း: ပန်ဆန်းမြို့) နဝ်ꩻ အဝ်ႏဒျာႏ မျန်မာခမ်းထီဖြဝ်ꩻခမ်းနယ်ႏအခဝ်ကွဉ်ႏ၊ ဝ နမ်းပဲင်ႏအိုပ်ချုတ်ခွင်ꩻလꩻတွိုင်ꩻ မက်မန်းခရဲင်ႏဝေင်ꩻနယ်ႏပင်သင်ꩻကို ကအဝ်ႏဒါႏ ခမ်းကူဝေင်ꩻတန်တဝေင်ꩻဒျာႏသွူ။ ဝေင်ꩻပင်သင်ꩻနဝ်ꩻ အထူꩻဒေႏသ-၂ ဝခမ်းသွီႏထီꩻလွောင်ႏဗူႏရေꩻပါတီ/ဝခမ်းသွီႏထီꩻလွောင်ႏဗူႏရေꩻတပ်မတောႏ (UWSP/UWSA) စဲ့ꩻဝစူခွုမ်သားစွိုꩻ ဗဟိုႏဝေင်ꩻတန်ဒျာႏတဲင် ဝေင်ꩻကိုနဝ်ꩻ ဗဟိုႏဌာႏနချုတ်၊ ဒေႏသ၊ ခရဲင်ႏ၊ ဝေင်ꩻနယ်ႏအိုပ်ချုတ်ရေꩻရွုမ်ꩻဖုံႏ အဝ်ႏသော့ꩻနဝ်ꩻသွူ။[3] ဝေင်ꩻပင်သင်ꩻကိုနဝ်ꩻ ဝ၊ ဖြဝ်ꩻ၊ ခယ်ႏလိုꩻမျိုꩻ စတဲင် တောမ်ႏလိုꩻမျိုꩻလင်ဖုံႏအဝ်ႏအုံညီꩻ အဝ်ႏရဝ်းလွဝင်ꩻနဝ်ꩻသွူ။ ဝေင်ꩻပင်သင်ꩻ အကူအနားနဝ်ꩻ အဝ်ႏဒင်ႏအဝ်ႏရောင်ꩻလွေꩻ ခယ်ႏခမ်းကူ၊ အိုပ်ချုတ်ရေꩻအာႏဏာႏလဲ့ တအဝ်ႏသော့ꩻတဝ်း မျန်မာခမ်းထီတန်အစိုႏရစူကို အဝ်ႏသော့ꩻဒျာႏ စဲ့ꩻဝစူခွုမ်သားစွိုꩻ ထိန်ꩻချုတ်မုꩻဆꩻလ့ကိုသွူ။

ဝေင်ꩻပင်သင်ꩻ
bāng kam, ပင်ခမ်ꩻ
ဝေင်ꩻ
ဝေင်ꩻပင်သင်ꩻ သည် မျန်မာခမ်းထီ တွင် တည်ရှိသည်
ဝေင်ꩻပင်သင်ꩻ
ဝေင်ꩻပင်သင်ꩻ
မျန်မာခမ်းထီဟံႏပုင်ႏကို ဝေင်ꩻပင်သင်ꩻ
ကိုဩဒိနိတ်: 22°10′0″N 99°11′0″E / 22.16667°N 99.18333°E / 22.16667; 99.18333ကိုဩဒိနိတ်: 22°10′0″N 99°11′0″E / 22.16667°N 99.18333°E / 22.16667; 99.18333
ခမ်းထီမျန်မာခမ်းထီ
ခမ်းနယ်ႏဖြဝ်ꩻခမ်းနယ်ႏ
ခရဲင်ႏမက်မန်းခရဲင်ႏ
ဝေင်ꩻနယ်ႏဝေင်ꩻနယ်ႏပင်သင်ꩻ
ထိုထဲင်းပင်ႏလယ်ႏ ထီခိုႏဆꩻကီ[1]၁,၆၉၆ ပေ (၅၁၇ မီတာ)
လိုꩻဖြာꩻခြွဉ်း (၂၀၁၄)[2]
 • ဝေင်ꩻကို၁၅,၉၃၆
အခိန်ႏအွိုင်ꩻမျန်မာအခိန်ႏအွိုင်ꩻ (UTC+6.30)

ပင်သင်ꩻနဝ်ꩻ အဝ်ႏပါသော့ꩻဒျာႏ မျန်မာခမ်းထီကိုရိုꩻလဲ့ စီꩻပွာꩻရေꩻ ဖြေꩻစာကူꩻကားကွန်ႏဖုံႏ၊ တျာႏမေႏ၊ သွုပ်ဆွိုက်ရေꩻ ဖိုန်းအဉ်တာနဲက် တီဗီလဲင်း စတဲင် အရေꩻဖုံႏနဝ်ꩻ သွုပ်သံႏအာဒျာႏ တောမ်ႏခယ်ႏသွူ။ အကူအဝ်ႏဒင်ႏဒျာႏ ခယ်ႏခမ်းထီ ယူနန်ခမ်းနယ်ႏ နန်းခခြောင်ဖင်ႏတဲင် အံႏအွꩻရေꩻတာႏဖုံႏလဲ့ ဒင်ႏသွင်ꩻအာဒျာႏ ခယ်ႏဖဲ့ꩻ သွုပ်ဆွိုက်ဖြေꩻစာကူꩻကားကွန်ႏတာႏ ကဲက်တဲ့အဝ်ႏနဝ်ꩻသွူ။ အဓိက ကထူႏသုင်ꩻဒါႏ ရွဉ်စေးဗီႏနဝ်ꩻတဲ့ သုင်ꩻအာဒျာႏ ရွဉ်ခယ်ႏ"ယွမ်ꩻ"ဗီႏနဝ်ꩻသွူ။ ပင်သင်ꩻကိုနဝ်ꩻ နမ်းပဲင်ႏ ပညာႏတာႏ သွဉ်တန်ကျောင်ꩻ၊ ခြွိုင်ႏသန်ꩻတာႏ တသီႏယုင်ႏတန်၊ စဲ့ꩻပညာႏ သွဉ်တန်ကျောင်ꩻ၊ တယ်ႏဆို့ꩻရေꩻဖုံႏ၊ ဟိုတယ်တန်ဖုံႏ၊ ဆေꩻတန်သူပါမားကဲစ်ဖုံႏ၊ ဗား၊ ကာသီနိုထာꩻခွုမ်ဆိုးယုင်ႏ စတဲင်စီꩻပွာꩻရေꩻဖုံႏလဲ့ အဝ်ႏနဝ်ꩻသွူ။ [4] [5][6]

အာႏကွိုꩻ

  1. GoogleEarth
  2. သန်းခေါင်စာရင်း အစီရင်ခံစာ။ ၂၀၁၄ ခုနှစ် လူဦးရေနှင့် အိမ်ထောင်စု သန်းခေါင်စာရင်း အစီရင်ခံစာ။ အတွဲ-၂။ နေပြည်တော်: လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန။ မေ ၂၀၁၅။ pp. ၆၆။
  3. Shan Herald Agency for News (S.H.A.N) (2016-01-22)။ 24 September 2015 ကို ဒင်ႏထွူလဲဉ်း မူရင်းမော်ကွန်း။ 2016-02-05 ကို ထွားစဲစ်ချာထွူလဲဉ်း။
  4. Andrew Marshall, Anthony Davis။ "Soldiers of Fortune"၊ TIME asia၊ December 16, 2002။ 2009-02-21 ကို ထွားစဲစ်ချာထွူ။ Archived from the original on 24 July 2008။ 
  5. Tor Norling။ "Haven or Hell"၊ The Irrawaddy, July 11, 2008။ 2009-02-21 ကို ထွားစဲစ်ချာထွူ။ Archived from the original on 6 October 2010။ 
  6. "Panghsang tightening security"၊ Shan Herald News Agency (S.H.A.N.)၊ 2005-06-04။ 2009-02-21 ကို ထွားစဲစ်ချာထွူ။ Archived from the original on 11 February 2009။