Wp/blk/ဝင်ꩻငဝ်း နီငဝ်း - ဗွန်ပီတဝ်း

< Wp‎ | blkWp > blk > ဝင်ꩻငဝ်း နီငဝ်း - ဗွန်ပီတဝ်း

ယိုခါ နီပအို၀်ႏပေႏဖုံႏ တဲမ်းလိတ်သား မနဲအာလွဥ်သွူ၊ ပုဂ္ဂိုလ်ႏကျောင်ꩻန၀်ꩻ ယိင်းအာအာသွူ ။ ပေါႏလိတ်စောင်ႏထန်ႏတဲ့ သေနန်းပါနီ ကဲဥ်းအာအာတဲင် ကပ်ပသာလွဥ်တွော့ꩻ သꩻရောင်းသꩻရေꩻ ဟော်ꩻထွားဆွုမ်ႏဗာႏန၀်ꩻသွူ ။ ယပါꩻပါꩻ/ ယဖြာꩻဖြာꩻန၀်ꩻ တဲမ်းလိတ် ပအို၀်ႏထုံꩻစဲဥ်ႏ င၀်းသုံꩻမဲဥ်ႏဒါႏ၊ (တဲမ်းပအို၀်ႏင၀်း အလွေꩻအသဲင်ꩻအတွိုင်ꩻဒါႏ၊ ယင်ဟန်ႏသားန၀်ꩻ ဒါႏတ၀်း (တဲမ်းလောင်း၀င်ꩻင၀်း)တဲ့ ပါနေနေသွူ ။ ကွပ်န၀်ꩻမꩻ မဲဥ်တဲမ်းနယ်ငါႏ ကဗျာခရာႏ၊ တဲမ်းလိတ်ပအို၀်ႏခရာႏ၊ ပအို၀်ႏင၀်းလွေꩻသဲင်ꩻခရာႏ-စတဲင်နုဲင်းန၀်ꩻ အ၀်ႏအာတန်၊ ယိုတလဲင်ႏန၀်ꩻ ခွုင်းအခိင်ႏကလꩻ တဲမ်းပျꩻနယ်ဗာႏ " င၀်းင၀်း နီင၀်း-ဗိုန်ပီတ၀်း" လယိုအတွိုင်ꩻသွူ ။

                                                  ပုံႏစံႏ  ( ၁ )

မန်းန၀်ꩻ တဲမ်းနုဲင်းယို - " ဤစာရေးသူသည် ဤစာကို သေသေချာချာ စဥ်းစားပြီးမှ ရေးပါသည် " ။ ပအို၀်ႏန၀်ꩻ တဲမ်းဗာႏနုဲင်းယို - " တဲမ်းလိတ်ယိုသားန၀်ꩻ ယူႏစဥ်ꩻစာꩻ သေႏသေႏချာႏချာႏထွူမꩻ တဲမ်းလိတ်ယိုန၀်ꩻသွူ " ( တဲမ်းလောင်းတ၀်းမန်းင၀်း ) ယင်ဟန်ႏသားန၀်ꩻ တဲမ်းနုဲင်းယို - " လိတ်ယိုတဲမ်းသားန၀်ꩻ လိတ်ယို သေႏသေႏချာႏချာႏ စဥ်ꩻစာꩻထွူမꩻ တဲမ်းန၀်ꩻသွူ " ( တဲမ်းလောင်းမန်းင၀်း ) ယူႏသွော့နုဲင်းယို - (က) " တဲမ်းလိတ်ယိုနဲ့ " - " လိတ်ယိုတဲမ်းနဲ့ "

         ( တဲမ်းလိတ်ယို - နုဲင်းန၀်ꩻဒျာႏ ) ။

( ခ ) " စဥ်ꩻစာꩻထွူမꩻ တဲမ်းလိတ်ယိုနဲ့ " - " လိတ်ယို စဥ်ꩻစာꩻထွူမꩻ တဲမ်းနဲ့ "

        ( စဥ်ꩻစာꩻထွူမꩻ တဲမ်းလိတ်ယို -  နုဲင်းန၀်ꩻဒျာႏ ) ။
        ကွပ်န၀်ꩻမꩻ တဲမ်းနယ်ꩻ (၂) နယ်ꩻလယို တဲက်ထွားဟော်ꩻယူႏ ထူႏသွော့အနယ်ꩻနေား ။

(က) တဲမ်းလိတ်ယိုသားန၀်ꩻ ယူႏစဥ်ꩻစာꩻသေႏသေႏချာႏချာႏထွူမꩻ တဲမ်းလိတ်ယို

      န၀်ꩻသွူ ။

( ခ ) လိတ်ယိုတဲမ်းသားန၀်ꩻ လိတ်ယို သေႏသေႏချာႏချာႏ စဥ်ꩻစာꩻထွူမꩻ တဲမ်း

      န၀်ꩻသွူ ။

မန်းန၀်ꩻ - စာရေးသူ ( ကတ္တား )၊ စာကို ( ကံ )၊ ရေး ( ကြိယာ )၊ ( ကတ္တား၊ ကံ၊

              ကြိယာ )

ပအို၀်ႏန၀်ꩻ - တဲမ်းလိတ်ယိုသား ( ကတ္တား )၊ တဲမ်း ( ကြိယာႏ )၊ လိတ်ယို ( ကံ )၊

                 ( ကတ္တား၊ ကြိယာ၊ ကံ ) ။

ကွပ်န၀်ꩻမꩻ " နီင၀်း၀င်ꩻင၀်း - ဗိုန်ပီတ၀်း " န၀်ꩻသွူ ။

အာႏကွိုꩻEdit

[1]

  1. လိတ်လုဲင်ꩻဥယျာဥ်ႏ