Wp/blk/မွေႏတောႏကက္ကူႏ

< Wp‎ | blkWp > blk > မွေႏတောႏကက္ကူႏ

မွေႏတောႏကက္ကူႏ စေႏတီႏတောႏဘုရာꩻ ယို အဝ်ႏဒျာႏ ဖြဝ်ꩻခမ်းနယ်ႏဝေင်ꩻတောင်ႏကီꩻ ထျꩻ ကျောက်တလွုံꩻဒေႏသကိုသွူ ။

မွေႏတောႏကက္ကူႏစေႏတီႏတောႏ

ဘုရာꩻသမဲင်ꩻအအဲဉ်ႏEdit

ခလား ခရစ်နေင်ႏ လုဲင်ႏအဝ်ႏတောဝ်ႏခိန်ႏ ဘီစီ(၃၀၇)ဗာႏယို အိန္ဒိယခမ်း ၊ မဇ္စျိမဒေႏသ ၊ မကဓတွိုင်ꩻ ၊ ပါဋလိပုတ်ခမ်းကို ယို အွဉ်ႏအာႏကွိုꩻ သီရိဓမ္မာႏ သောကခွန် တဲင် သျင်ႏမဟာႏမောဂ္ဂလိ ပုတ္တတိဿ မထေရ် ယိုအွဉ်ငါလွေꩻ ခန်း ဗွေႏရဟန်ꩻ တာရေဉ် တဲင် အဝ်ႏမာꩻလွေꩻခန်းဒျာႏ တတိယအလဲင်ႏ သင်္ဂါယနာႏဒင်ႏပွယ်ꩻသွူ ။ သင်္ဂါယနာႏဒင်ႏပွယ်ꩻမိဉ်းထွူနဝ်ꩻ အထိမ်ꩻတဗာႏအနေႏ ကွတ်ꩻတွိုင်ꩻကွတ်ꩻဌာႏနကိုယို အွဉ်ႏစွꩻလွေꩻခန်း မာꩻလေသာႏသနာႏအစွိုꩻတဲင် တယ်ႏကိုꩻကွဲႏ လွေꩻခန်း စေႏတီႏ ( ၈၄၀၀၀ ) ဆူႏ နဝ်ꩻသွူ ။ အွဉ်ႏစွꩻလွေꩻဒါႏ မာꩻလေသာႏသနာႏအစွိုꩻနဝ်ꩻ ကွတ်ꩻတွိုင်ꩻကွတ်ꩻဌာႏန ကို တဲင် သုဝဏ္ဏဘူမိခမ်းထီ (မျန်မာခမ်းကို) ယိုလဲ့ꩻ အဝ်ႏပါဒျာႏနဝ်ꩻသွူ ။ သုဝဏ္ဏဘူမိခမ်း သာႏသနာႏအစွိုꩻအွဉ်ငါနဝ်ꩻ သျင်ႏသောနတွမ်ႏ သျင်ႏဉတ္တရ ဒျာႏသွူ ။ သုဝဏ္ဏဘူမိခမ်း သာႏသနာႏစွိုꩻနဝ်ꩻ ပင်ꩻလွဉ်ခန်း ကအဝ်ႏဒါႏ အိန္ဒိယခမ်း ၊ မဇ္စျိမဒေႏသ ကို ဗွေႏမျတ်ဘုရာꩻ ဓာတ်တောႏ တဲင် တယ်ႏပူႏဇောႏခန်း စေႏတီႏဘုရာꩻဖုံႏနဝ်ꩻ ကက္ကူႏဒေႏသကိုယို လဲ့ ပူႏဇောႏပင်ꩻလွဉ်ခန်း ဓာတ်တောႏတဲင် တယ်ႏကိုꩻကွဲႏခန်း ဒျႏ မွေႏတောႏကက္ကူႏ အသောကစေႏတီႏ ယိုသွူ ။ နဝ်ꩻအခိန်းခါႏယို မွေႏတောႏကက္ကူႏ ကိုယို ပူႏဇောႏပင်ꩻကျွဓာတ်တောႏပွယ်ꩻယို အောဝ်ႏဖိုဒျာႏသွူ ။ ပေါက္ကံႏစိုး ၊ အလောင်ꩻစီတူခွန်(အေဒီ ၁၁၇၄-၁၂၁၁) ယိုထွိုမ်း ခန်း ဖောင်ႏစကြာႏတဲင် လယ်ႏတယ်ႏကိုꩻကွဲႏခန်း စေႏတီႏဘုရာꩻ ဖုံႏနဝ်ꩻသွူ ။ ကက္ကူႏဒေႏသကိုယိုလဲ့ꩻ ဓာတ်တောႏဖုံႏတွမ်ႏ ရတနာႏအစွိုးစွိုး ဖုံႏယို ဌာႏပနာႏတယ်ႏပူႏဇောႏလွေꩻခန်း ဖောင်ႏတောႏဆွိုက်စေႏတီႏကိုယိုသွူ ။ အလောင်ꩻစီတူခွန်စိုးယို ပင်ꩻကျွပူႏဇောႏ ဓာတ်တောႏပွယ်ꩻယို အဝ်ႏဗာႏဖိုဒျာႏနဝ်ꩻသွူ ။

ဓာတ်ပွုံႏဖုံႏEdit

အာႏကွိုꩻEdit

[1]

  1. ဒေါက်တာသန်းထွန်း B.A. (Hons), M.A., B.L., Ph.D., D.Lit(london) (အဖွဲ့ဝင်၊ မြန်မာသမိုင်းကော်မရှင်)(၁၆၊ ၃၊ ၂၀၀၄)