၄။ အုံတခြာကို သူနေင်ႏတွင်ꩻ
ခြေင်းဆွော့ꩻကံကျင်ꩻ စွုမ်ႏနီꩻဟာ
တရျာꩻသွံခါ ဒဲဥ်ရုတ်ꩻသြ
လာဗွေနီꩻနေား ဗုဒ္ဓဟူꩻ
အ၀်ႏအုံဒင်ႏစူꩻ ပလ္လင်ႏလောင်း
ခွန်သုံစွိုꩻကောင်း လွဥ်တွိုက်ꩻခꩻ
နွောင်ꩻတ၀်းတပ်ပꩻ ခွန်သုံလွင်း
လောင်ꩻမျတ်ယူႏယင်း အုံတရာꩻ
သစ္စာႏလစ်ꩻပါꩻ ထီႏဖြောင်ဖြင်
ကိလေႏလို့စင် ဉာဏ်ႏရောင်ႏထန်ႏ
သဗ္ဗညုဉာဏ်ႏ လꩻသွုပ်ငါ
ဗွေႏဘုရာꩻထွာ မျတ်လွို၀င်ꩻ
သꩻကိုန၀်ꩻရင်ꩻ ခွေသွဥ်းယူႏ
ခွꩻစုံရောင်းရျူႏ ကီညိုႏမွေး
နစ်သက်စွုမ်းစွေး ၀ုဲင်ႏရိုႏသေႏ
ခေါက်၀ုဲင်ႏနီဗွေႏ ဘုရာꩻကွိုနဲးသြ ။ ။
က၀ုဲင်ႏဗာႏနေား ထွာဘုရာꩻ
ယံလꩻယိုꩻမာꩻ သꩻဓိဋ္ဌာန်ႏ
မဂ်ဖိုလ်ႏနိဗ္ဗာန်ႏ န၀်ꩻသွူရင်ꩻ
ခါးလားလꩻတွင်ꩻ ခွေသွဥ်းယို
ကကွုတ်ထဲင်းကို စိုးမုဲင်ꩻယ၀်း
ဘုံႏလင်လွေꩻတ၀်း ထွာချာလိုꩻ
ခြွေခြာႏမျတ်မျိုꩻ အာႏဇာႏနီႏ
သိက္ခာႏကျင်ꩻအွီႏ သီႏလခွေါင်
မဲ့နားလေဗွောင် ကုသိုလ်ႏမာꩻ
ကားကရေႏရာꩻ ထွူအောင်ႏမျင်ႏ
တရာꩻရောင်ႏတင်ႏ သေထီႏမွိုင်
၀ဋ်ရွီးထပ်ထွိုင် ခူႏထန်ႏလꩻ
မဂ်ဉာဏ်ႏဆေႏပꩻ ဖွန်ႏဖန်ႏလီ
ကွုတ်ဖြားဆာသီ ကင်ꩻခန်းဒျာႏ
ယံကထွာဗာႏ နုဲင်းန၀်ꩻခါ
စွုမ်ႏနီꩻစွုမ်ႏဟာ ဆုတောင်ꩻသေႏသေႏသြ ။ ။
အာႏကွိုꩻEdit
<refereneces/>