Wp/blk/ပွယ်ꩻတန်မွူးနီꩻခွိုꩻပအိုဝ်ႏ(ဒဲဉ်သီႏလာဗွေ)

< Wp‎ | blkWp > blk > ပွယ်ꩻတန်မွူးနီꩻခွိုꩻပအိုဝ်ႏ(ဒဲဉ်သီႏလာဗွေ)

သမဲင်ꩻအအဲဉ်ႏ

နေင်ႏ ၁၉၄၈ ဗာႏ လာမတ် ယို ဝေင်ꩻသထွုံႏကို ဖဆပလ အစိုႏရနဝ်ꩻ အီးဖန်းဖြဲလွေꩻ ချံ၊ဟံႏယာႏ ဖုံႏတဲင် ပအိုဝ်ႏဖုံႏနဝ်ꩻ ကန်ꩻကွက် ဖောႏထန်ႏခန်း ဆန္ဒတဲင် ဖောႏထန်းတွမ်ႏ အချက်(၃)ချက်နဝ်ꩻသွူ ။ အချက်(၃)ဗာႏ နဝ်ꩻ ပအိုဝ်ႏလိုꩻခွိုꩻ ယို တွမ်ႏဟဲ့ꩻတဲမ်းမွဉ်း တောင်သူလိုꩻခွိုꩻ တဲင် ဟဲ့ꩻတဲမ်းဗော့ꩻ ပအိုဝ်ႏလိုꩻခွိုꩻ အချက်ယိုတဗာႏနဝ်ꩻ ဖဆပလ အစိုႏရ စွူဒျာႏနဝ်ꩻသွူ ။ တယ်ႏစခိန်ႏနဝ်ꩻမာꩻငါ ဝေင်ꩻသထွုံႏ ရွေစာရံ စေႏတီႏတောႏ မူႏလ တကာႏ ပအိုဝ်ႏခွန် သူရိယစန္တာႏ ကလွူးဖွာꩻဒါႏ မွူႏနီꩻ ကထွာဒါႏ ဒဲဉ်သီႏလာဗွေမွူးနီꩻယို မာလွေꩻခန်း ပွယ်ꩻတန်မွူးနီꩻခွိုꩻပအိုဝ်ႏနဝ်ꩻ တွိုႏလွေꩻစွဉ်ႏ ခိန်ႏယို စွုမ်ႏနေင်ႏ မာလွေꩻဒျာႏနဝ်ꩻသွူ ။ ကမာꩻဗာႏ မွူးနီꩻခွိုꩻပအိုဝ်ႏယို အင်းမိုးချက်နဝ်ꩻ ပအိုဝ်ႏစွိုးခွိုꩻတခွိုꩻလွုမ်း လွောင်ႏဗူႏဖြွုမ်းရေꩻ ယံကတင်ႏသျာꩻ ၊ ဖောႏထန်ႏ ယိုယာႏယေန်ႏငဲးတာႏ တွမ်ႏ ပအိုဝ်ႏလိတ်လုဲင်ꩻ ယံကတိဉ်ႏခွေါင်တသေႏသေႏ အတာႏ ဖုံႏတဲင် ဖောႏထန်ႏပါယင်း ပွယ်ꩻအကျူႏပဒေႏသာႏဖုံႏ ၊ ဖတ် ခမ်းထီလိုꩻတန် တွမ်ႏ ပအိုဝ်ႏစွိုးခွိုꩻအွဉ်ငါလိုꩻတန် သီးလိတ်သဝဏ်ႏ ဖုံႏ ၊ ဒေါ့ꩻငွေါဝ်းတမာ ဖုံႏ ၊ ထာꩻခွုမ်ꩻပဆိုးပွယ်ꩻဖုံႏ ယို အစဲဉ်ႏကိုအတွိုင်ꩻ အဝ်ႏမာꩻလွေꩻဒျာႏတသေႏသေႏသွူ ။ နေင်ႏ ၁၉၉၆ ဗာႏ နအဖ စဲ့ꩻအစိုႏရနဝ်ꩻ အဝ်ႏမွူးနီꩻခွိုꩻပအိုဝ်ႏယို အွဉ်ႏပြောင်ꩻမာꩻလွေꩻခန်း ပအိုဝ်ႏအမျိုꩻသာꩻပွယ်ꩻတန် တဲင် တွိုႏယိုခါနဝ်ꩻ အဝ်ႏလီꩻလီꩻဒျာႏ မွူးနီꩻခွိုꩻပအိုဝ်ႏ နဝ်ꩻသွူ ။ [1]

ကဆဲင်ႏဒါႏအခရာႏယို

အာႏကွိုꩻ

  1. နေင်ႏ ၂၀၂၀ မွူးနီꩻခွိုꩻပအိုဝ်ႏ(ရန်ႏတကွုန်ႏ)