Wp/blk/နမ်းကျင်ꩻဝတ္တရာꩻ

< Wp‎ | blkWp > blk > နမ်းကျင်ꩻဝတ္တရာꩻ

သံႏဃာႏတွမ်ႏတကာႏ၊ တပဲ့ꩻတွမ်ႏဆရာႏ၊ ဝါꩻတွမ်ႏမာ၊ မွိုးဖာတွမ်ႏပို ဖုံႏ ယမ်အုံငီꩻဒါႏဟောဝ်ဟောဝ်ဝင်ꩻတာႏတဲ့နောဝ်ꩻ၊ ယမ်မာꩻငီꩻဒါႏလꩻ ထာꩻမာꩻတစားစားတာႏတဲ့နောဝ်ꩻ တဖြာꩻတွမ်ႏတဖြာꩻ၊ တပါꩻတွမ်ႏတပါꩻ၊ တပါꩻတွမ်ႏတဖြာꩻ မေတ္တာႏယမ်ဖေႏနေး ကကုဲင်ထိုꩻမားထိုꩻမွုန်းဝင်ꩻတဲင် အောဝ်ႏအွောန်ႏခါꩻသေꩻ နမ်းကမ်ကျင်ꩻတာႏ ဝတ္တရာꩻဖုံႏသွူ။

ပိုဝတ္တရာꩻ ၅ ပါꩻEdit

  • လှူးမာꩻဖေႏဗာႏ မှိုးဖာနီပါꩻ
  • ခုမ်စမ်ႏမာꩻငီꩻဟောဝ်ဖေႏဗာႏ မှိုးဖာထာꩻမာꩻ
  • ရဲးဟောဝ် အုံကမ်းဖေႏဗာႏ စှိုးခှိုꩻ
  • ယမ်ထူႏဟောဝ်ခါꩻလꩻဗာႏ မှိုးဖာအမွီႏ ထာꩻလီ၊ ထာꩻအှောန်ႏအောဝ်ႏခါꩻ
  • မှိုးဖာနီပါꩻ မဉ်ႏသီထှူခါ ဖေႏပန်းလူႏတမ်ꩻနှောင်ꩻဖေႏဗာႏ ဝွေꩻသီးတာႏ

မှိုးဖာဝတ္တရာꩻ ၅ ပါꩻEdit

  • ဖေႏမာꩻတောဝ်း ထာꩻမာꩻလောလယ်
  • အှောန်ႏနယ်ဖေႏဗာႏဟောဝ်မာꩻထာꩻမာꩻ
  • သှောန်ဖေႏ၊ အှောန်ႏသှောန်ဗာႏ ပိုတာႏ ထာꩻဒါႏပညာႏ
  • အခိန်ႏမဉ်ႏတှိုႏ ဖေႏလင်ꩻဗာႏ ထာꩻခြိုꩻဥစ္စာအမွီႏ
  • အသက်မဉ်ႏမဲန်ႏ အမဉ်ႏတန် အှောန်ႏတောႏလမ်းဖေႏဗာႏပို

တပဲ့ဝတ္တရာꩻ ၅ ပါꩻEdit

  • တှူႏသှို ထွꩻတှောင်းဗာႏ သှောန်ထူႏလိတ်လုဲင်ꩻကို
  • နာႏငေါဝ်းဗာႏ ဆရာႏထာꩻသှောန်
  • ဆရာႏမဉ်ႏလှောန် ရပ်ဆုမ်ႏ ရိုႏသေႏဂါရဝေါစဆုမ်ႏဗာႏ
  • ထွားမာꩻဖေႏဗာႏ ဆရာႏကမဉ်လꩻထာꩻ၊ ကမဉ်ဖေႏထွာထာꩻ
  • သှောန်ထူႏဟောဝ်ဟောဝ်ဗာႏ ပညာႏ

ဆရာႏဝတ္တရာꩻ ၅ ပါꩻEdit

  • သှောန်ဖေႏပညာႏ
  • တပဲ့ဖေႏကမော၊ ကလိမ္မာႏတာႏ ဒေါ့ꩻနယ်ဖေႏဗာႏ
  • သှောန်ဖေႏလို့လို့ဗာႏ ထာꩻဒါႏ၊ အှောန်ႏကုဲင်ဗဉ်ႏထိုꩻဗာႏတောဝ်း
  • ရဲးကမ်းဖေႏဗာႏ အန္တရယ်ႏ၊ ရန်ႏအသောင်ဖုံႏ ကအီးထဲ့ဒါႏ ဝွေꩻတပဲ့လောင်း
  • ဝွေꩻသှောန်ဖေႏ မဉ်ႏစုမ်ႏထှူခါ ပသာဖေႏဗာႏတေားယင်း ဆရာႏအလင်ထျꩻ

လမ်းသားမာမူႏ ဝတ္တရာꩻ ၅ ပါꩻEdit

  • သေမာꩻဗာႏ အဒှိုႏအသွတ်ꩻ၊ ထာꩻမာꩻလမ်းကို
  • ထွားအှောန်ႏဟောဝ်ဗာႏ လမ်းသားဝါꩻခို ကထုမ်ႏလှောန်ဖေႏဒါႏ ထာꩻခြိုꩻဖုံႏ
  • လှိုနမ်းဝါꩻခိုယို ကျုက် မဉ်လꩻတေားဗာႏတောဝ်း လိုꩻခိုလင်
  • ဖေႏယောင်းစွဲးကမ်းဗာႏ နမ်းဒျာႏဖူးဝေး၊ ဝါꩻခိုဖူးဝေးဖုံႏ
  • ထာꩻမာꩻပေႏတန်မဉ်ႏအောဝ်ႏ သေနာႏဗာႏ၊ လွꩻဗာႏတောဝ်း၊ အုံအောဝ်ႏလမ်းသားမူႏယမ်ဗာႏထာꩻ

လမ်းသားဝါꩻခိုဝတ္တရာꩻ ၅ ပါꩻEdit

  • ရက်ဗာႏမာမူႏ
  • ထီႏပေႏထီႏဖွီဗာႏတောဝ်းမာ
  • ထုမ်ႏကလꩻလှောန်ဒါႏ ရှောင်(ရောန်) ခမ်ꩻထာꩻခြိုꩻဖုံႏယို ဖေႏခါꩻဗာႏ မာမူႏထျꩻ
  • လှိုနမ်းဒျာႏမာတှော့ꩻ ရက်တေား၊ အှောန်ႏတေားဗာႏတောဝ်း မေတ္တာႏ လိုꩻမူႏလင်လောင်း
  • ခြှုင်းနမ်းဖေႏဗာႏ မာမူႏတာႏ ထာꩻတုဲင်ကꩻ ခုမ်လာꩻထာꩻခြိုꩻဖုံႏ

သွဥ်းသယ်ႏဝတ္တရာꩻ ၅ ပါꩻEdit

  • ဗေင်ႏထွိုင်ႏရီးဗာႏထဲင်းအဗွေႏ
  • အဗွေႏမဉ်ႏဗေင်ႏမꩻ ကွဲးဗေင်ႏဗာႏ
  • အဗွေႏမဉ်ႏဖေႏမꩻ ထူႏဗာႏ
  • မာꩻယမ်ယမ်ဗာႏထာꩻမာꩻ
  • သေငါꩻဗာႏ အဗွေႏကေꩻဇူꩻ ထာꩻဖေႏယောင်း

အဗွေႏဝတ္တရာꩻ ၅ ပါꩻEdit

  • သေထှောန်ႏမာꩻငါထာꩻမာꩻ ခှုင်းအကနှောင်ꩻအာႏ
  • ဖေႏတှောင်းတှောင်းဗာႏ ထာꩻမာꩻငိုꩻ
  • ထာꩻမာꩻသားမဉ်ႏဆာ၊ မဉ်ႏခြှုင်ႏတောဝ်း လုမ်ꩻလာꩻဖေႏဗာႏ
  • ထာꩻအမ်ႏအွꩻဟောဝ်မဉ်ႏအောင်ႏလဲင်ႏ ဖေႏဖဗဲင်းဗာႏ
  • မဉ်ႏရော့ꩻတနꩻလဲင်ႏ ဖေႏအုံခြေင် ဖေႏအုံနာႏဗာႏ၊သေဖေႏဗဲင်းဗာႏ ခုမ်လာꩻ ထာခြိုꩻ

တကာႏဝတ္တရာꩻ ၅ ပါꩻEdit

  • ရက်သေဗာႏ၊ အှောန်ႏဗာႏသꩻမေတ္တာႏ
  • မာꩻတသေႏသေႏဖေႏဗာႏ ကလိုႏမာꩻဒါႏ ဝတ္တရာꩻပေႏတန်
  • မဉ်ႏခွဲးသံႏဃာႏ ဒေါ့ꩻရီလွေꩻဗာႏ ငေါဝ်းခြှုင်ႏသန်ꩻ၊ ငေါဝ်းခွꩻငိမ်ꩻ၊ ငေါဝ်းသရဏီယကထာ
  • ထောက်ကမ်းဗာႏ သံႏဃာႏသီးတာႏ ပစ္စေလစ်ꩻပါꩻ၊ သံႏဃာႏမဉ်ႏမဉ်လꩻ ယမ်ဖေႏဒါႏတဲင် ဖစ်ဟှိုန်ဗာႏစှို့ꩻစှို့ꩻနေး ဝိိနည်း
  • ထွာဖေႏပစ္စေလစ်ꩻပါꩻတကာႏ၊ ဖေႏလူႏပူႏဇောႏဗာႏ ကားကနှောင်ꩻအာႏ

သံႏဃာႏဝတ္တရာꩻ ၆ ပါꩻEdit

  • ရဲးခါꩻဖေႏဗာႏ ယမ်ဖေႏကမာꩻတောဝ်းဝင်ꩻ ကာယကမ်ႏလောလယ်၊ ဝစီႏကမ်ႏဆှော့ꩻတကုဲင်၊ မနောꩻကမ်ႏစုက်ဖုံႏ
  • အှောန်ႏနယ်ဗာႏ ထာꩻမာꩻဟောဝ်တဲပ် သုစရဲက်(သုစာရိတ္တ) ထာꩻကမ်ကျင်ꩻ
  • ဟောꩻခြုဲင်းဖေႏဗာႏ တရာꩻတသာသာဖုံႏ
  • ယမ်ယူႏလꩻချာဝင်ꩻတာႏ ဟောꩻခြုဲင်းနယ်ဖေႏထဲင်းဗာႏ တရာꩻကဟှိုန်ဖိုလဲန်းစား
  • ယီးနယ်လောဝ်းဟှိုန်ဖေႏဗာႏ ထာꩻမာꩻတှိုႏဒါႏ လူꩻခမ်း နိဗ္ဗာန်ႏ
  • အှောန်ႏလီဖေႏဗာႏမေတ္တာႏ တကာႏ တကာႏမူႏ အကျိုꩻကေꩻဇူꩻ ကအောဝ်ႏခါꩻဒါႏ နမ်းဗွေႏလောင်း

သွꩻဝတ္တရာꩻ ၅ ပါꩻEdit

  • ဖေႏယောဝ်းလူႏလုဲင်ႏဗာႏဝင်ꩻ
  • သꩻလောဝ်း နမ်းပါ အုံအောဝ်ႏတခှိုန်ဗာႏဝင်ꩻ
  • တဖြာꩻလှူးနမ်းတာႏ တဖြာꩻစွဲးကမ်းလူႏလုဲင်ႏဗာႏ
  • ဒေါ့ꩻရီဒေါ့ꩻဖြှောဝ်ႏဗာႏ ငေါဝ်းအွီႏငွါသာႏ
  • သွꩻရုဲင်းဖက်ဒျာႏချာချာ မာꩻစှို့ꩻဖေႏဗာႏဝင်ꩻ

ဥပကာ လူႏလုဲင်ႏ သွꩻဝတ္တရာꩻ ၅ ပါꩻEdit

  1. မဉ်ႏအှောန်ႏဖေင်ꩻ၊ ထွားငီꩻဖေႏဝင်ꩻ
  2. ထွာႏငီꩻဖေႏ သွꩻထာꩻခြိုꩻဥစ္စာႏ
  3. ထာꩻငမ်းခရာႏ မဉ်ႏလှောန်တှိုႏ ယုမ်းအာႏလူႏလုဲင်ႏဖေႏဗာႏဝင်ꩻ
  4. မဉ်ႏခွဲးအထျꩻအသောင် အန္တရယ်ႏ အှောန်ႏကုဲင်နꩻတောဝ်း၊ ခွꩻတဲ့ငီꩻငီꩻ လျားတဲ့ဗွှန်ဗွှန် အုံကမ်းဖေႏဝင်ꩻ
  5. သွꩻပို၊ လီꩻ၊ လင်ꩻ အရန်းရန်း ခမ်ႏကုဲင်ဗာႏတောဝ်း ထာꩻမွှတ်ဖဉ်း

လိုꩻတန်ဝတ္တရာꩻ နာယကဂုဏ်ႏ ၆ ပါꩻEdit

ခမ ဇာဂရိယ ဥဋ္ဌာန သံဝိဘာဂ ဒယာ ဣက္ခနာ
သယ်ႏခမ်ႏဖေႏ၊ အှောန်ႏဖေႏခန္တီႏတရာꩻ ထာꩻသေအောဝ်ႏဗှို့ꩻဗာႏသေႏသေႏ၊ အောဝ်ႏစွှန်းဗာႏ ဝီရိယဟောဝ်ထဲင်းဗာႏ လိုꩻဆလသား စွဲးကမ်းပင်ႏထိုဖေႏဗာႏ ရရော့ꩻဖဲ့ꩻ ရက်ဗာႏ၊ သညင်ꩻသေဗာႏ အလောင်းအလင် ယူႏချာငါသေ၊ ရီရောင်ထောင်လှောန်ꩻသေဗာႏထာꩻ

နာယကပုဂ္ဂိုလ်ႏသီး ထာꩻသေဉာဏ်ႏ ၅ ပါꩻEdit

အတ္ထညူ ဓမ္မညူ မတ္တညူ ကာလညူ ပရိသညူ
သေဗာႏနမ်းတာႏအောဝ်ႏ အောဝ်ႏတောဝ်း ဟောဝ်ဒေါ့ꩻ၊ ဟောဝ်ဒေါ့ꩻတဝ်း သေငါꩻဗာႏ သေဗာႏ သွꩻသီးဝတ္တရာꩻ သေဗာႏ ထာꩻမာꩻတဗာႏယို အခိန်ႏတှိုႏ၊ တှိုႏတောဝ်း သေဗာႏပရိသတ် ကေားထွေလှောန်ꩻသားသꩻ

ခွန်ဝတ္တရာꩻ ၁၀ ပါꩻEdit

ဒါန သီလ ပရိစာဂ မုဒုက ဥပေါသထ အက္ကောဓ အဝိရောဓ အဟိဟိံသန ခန္တီ သမ္မာပဋိပန္န
လူႏထာꩻ ထူႏခါꩻဗာႏ သီႏလ ၅၊ သီႏလပါꩻဆီ ဖေႏယောဝ်း၊ ဖေႏယွဲး၊ စှောန်ꩻဖေႏဗာႏ ငေါဝ်းစှို့ꩻမဲန်ႏဗာႏ၊ နမ်းယဉ်ႏငဲးဗာႏ ထူႏခါꩻဗာႏ သီႏလ ၈ ပါꩻ သꩻလျား၊ သꩻပှေါတ်ꩻဗာႏတောဝ်းထာꩻ လှိုငေါဝ်းဗာႏတောဝ်း လိုꩻ၊ သံႏဃာႏ ကွီအာစှိုးဗာႏတောဝ်း အခှောန်ႏ ထာꩻထူႏဖ ရပ်သားလိုꩻအာလောင်း သယ်ႏခမ်ႏဗာႏ၊ အွှန်ဗာႏ အုံအောဝ်ႏစှို့ꩻမဲန်ႏဗာႏထာꩻ

စောဒက ဝတ္တရာꩻ ၅ ပါꩻEdit

ကာလေန ဘူတေန သဏှေန အတ္တသံဟိတ မေတ္တာစိတ္တ
ရော့ꩻဒေါ့ꩻခိန်ႏမꩻ ကွဲးဒေါ့ꩻဟှိုန် ဒေါ့ꩻဗာႏငေါဝ်းစှို့ꩻမဲန်ႏ ဒေါ့ꩻဗာႏ ငေါဝ်းအွီႏ ငွါပနဲန်ႏ ဒေါ့ꩻငါထာꩻအနမ်းအောဝ်ႏ အကျိုꩻအဲန် ဒေါ့ꩻဗာႏတုမ်ႏမေတ္တာႏ[1]

အာႏကွိုꩻEdit

  1. ယဉ်ကျေးလိမ္မာဓမ္မစာပေ ဟံဂံရာမညမြေ၂၀၁၅