Wp/blk/ထာꩻယေန်ႏငဲး

< Wp‎ | blkWp > blk > ထာꩻယေန်ႏငဲး

ထာꩻယေန်ႏငဲးကရိုꩻနောဝ်ꩻ ထွာ အောဝ်ႏထာꩻဖဝ အထျꩻအသောင်ကို လိုꩻသီးနမ်းချာဒျာႏ ကမာꩻထူႏဒါႏ ထာꩻကှို့ꩻထာꩻခေါဝ် တဗာႏဒျာႏသှူ။ ထာꩻယေန်ႏငဲးကရိုနောဝ်ꩻ ထွာ လိုꩻတခှိုꩻ တယ်ႏ မာꩻ လှူးတန်ထာꩻဖုံႏဒျာႏ။ လိုꩻအစှိုꩻအဗူႏကို လိုꩻသီးကအုံအောဝ်ႏ ဒေါ့ꩻရီဒေါ့ꩻဖြာဝ်ႏ အမ်ႏအွꩻ ရုဲင်ꩻနမ်းမဲ့ထီႏဖုံႏယို ထွာ လိုꩻသီးယေန်ႏငဲးထာꩻနယ်ꩻ။
ယေန်ႏငဲထာꩻ အဓိက အောဝ်ႏ (၃) စား

  • ပထမ တစားနောဝ်ꩻ ထာꩻယေန်ႏငဲး ထိုတန်တသှောင်း၊ နောဝ်ꩻကိုနောဝ်ꩻ ထာꩻမာꩻစူခြောင်ꩻ အယမ်ဟောဝ်လှောန်၊ လိုꩻအုံအောဝ်ႏအရန်းထိုထိုထာꩻ သားဖုံႏအောဝ်ႏပါ။
  • ဒုတိယ တစားနောဝ်ꩻ လိုꩻသီးစှိုးခှိုꩻတခှိုꩻ ထာꩻသေ၊ ထာꩻယုမ်း၊ ထာꩻထွားလှူꩻ ဝွေꩻသီးကခုမ်အီဒါႏ ထာꩻကဲတ်ꩻမာꩻတောင်ꩻခါꩻဖုံႏ သွီႏယာႏခန်ဖုံႏ။
  • တတိယ တစားနောဝ်ꩻ ထွာ ကအှောန်ႏထော့ခါꩻဒါႏ လိုꩻအစှိုꩻအဗူႏတဗာႏ ထာꩻရေႏမိုး ထာꩻမဲင်ꩻလွေꩻ၊ အှောန်ႏသꩻဖုံႏ၊ အငိုꩻဖုံႏ၊ အစဲန်ႏအဆှိုပ်သီး ဝိသေသလက္ခဏာႏ ထာꩻလုဲင်ꩻဖုံႏဒျာႏသှူ။


ရိုꩻနုဲင်းမုဲင်ꩻမုဲင်ꩻတယောဝ်း ထာꩻယေန်ႏငဲးယို ထွာ လိုꩻတဖြာꩻအတာႏ ဖꩻဝတဖူꩻတာကှို့ꩻဒျာႏသှူ။ လိုꩻအစှိုꩻအဗူႏအာဖုံႏယို တဗူႏတုမ်ႏတဗူႏ ဗွှန်ပီတောဝ်းဝင်ꩻတဲင် ထာꩻယေန်ႏငဲးလဲ့ ပီတောဝ်းနေနေ။

ထာꩻယေန်ႏငဲးဖုံႏရာEdit

ထာꩻယေန်ႏငဲးဖုံႏရာနောဝ်ꩻ တောင်ꩻခါꩻနုဲင်း လယို

  • ထာꩻယေန်ႏငဲး လမ်းကို (၃၂) စား
  • ထာꩻယေန်ႏငဲးကျောင်ꩻကို (၁၄) စား
  • ထာꩻယေန်ႏငဲးတဖူꩻလောင်း (၁၄) စား
  • ထာꩻယေန်ႏငဲး အောဝ်ႏလွေꩻညာꩻထာꩻကို (၁၁) စား
  • ထာꩻယေန်ႏငဲးလောင်းလင် (၂၁) စား

ဖုံႏနောဝ်ꩻသှူ။[1]

ထူႏတောမ်Edit

  1. အရက်သွတ်ꩻ တဲမ်းပအိုဝ်ႏဖေႏ "လိမ္မာယဉ်ကျေး ပြည့်ရင်သွေး၊ ပြည်သူ့နီတိနှင့် လောကနီတိ၊ မောင်မောင်တိုး။ (စာမျက်နှာ ၁၃)"