Wp/blk/တယောဓမ္မဇာတ်

< Wp‎ | blkWp > blk > တယောဓမ္မဇာတ်

"တယောဓမ္မဇာတ်" ထွားသွဥ်ဟော်ꩻကျပ် တယောဓမ္မဇာတ်ယိုတဲင် ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻနဝ်ꩻ-

၁။ ကဖေႏအပ်ဒါႏ တာႏဝွန်ႏနဝ်ꩻ ဘေꩻရန်ႏတဲ့ ဖေႏကကင်ꩻ၊ အောင်ႏတဲ့ ဖေႏကအောင်ႏ၊ တာႏဝွန်ႏကေႏကေႏ မာꩻဖေႏဗာႏအကျောင်ꩻ၊

၂။ မာꩻထာꩻမာꩻ အမျိုꩻမုဲင်ꩻတရိုꩻတဝ်း မာꩻတမွိုꩻတမာꩻမွုန်း၊ ထွားခူခူက အခေႏအနေႏ၊ စဥ်ꩻစာꩻနေးဉာဏ်ႏ ဝွေႏဖန်ႏဟဝ်ဟဝ်ထွူမꩻ ကာဗꩻဗꩻ၊ မာꩻအောင်ႏအောင်ႏဗာႏအကျောင်ꩻ၊

၃။ မဥ်ႏမာꩻထာꩻမာꩻ ရန်ႏသူႏခြာနဝ်ꩻ နေးထူႏပါ "ဒက္ခိယ၊ သူရိယ၊ ပညာႏ"တရာꩻဖုံႏ ယိုသွံပါꩻ ခွုမ်မာꩻအီဗာႏအကျောင်ꩻ၊

၄။ (က) ဒက္ခိယ- ဝွေႏဖန်ႏဒါႏဒါႏ မာꩻဗာႏထွာထွာ၊ (ခ) သူရိယ- မာꩻကုဲင်းကုဲင်း မာꩻရုဲင်းရုဲင်းဗာႏ၊ (ဂ) ပညာႏ- လိန်ႏလိန်ႏမာႏမာႏ မာꩻဒါႏဒါႏဗာႏ၊ တရာꩻယိုသွံပါꩻဖုံႏနဝ်ꩻ ထွာတရာꩻနွောင်ꩻအီရန်ႏသူႏ၊ ထွာတရာꩻ ထူႏအောင်ႏမျင်ႏရေꩻနောဝ်ꩻသွူ။

"ဘေရိဝါဒကဇာတ်" ထွားသွဥ်ဟော်ꩻကျပ် ဘေရိဝါဒကဇာတ်ယိုတဲင် ကလꩻအီသတိꩻ၊ ကလꩻအီပညာႏ၊ ကလꩻဒါႏထာꩻသေတရာꩻဖုံႏနဝ်ꩻ-

၁။ ပေါႏတနာႏတဝ်း မွိုးဖါဆရာႏငေါဝ်းနဝ်ꩻ မော့ꩻဒါႏထာꩻဒုက္ခအကျောင်ꩻ၊

၂။ ထာꩻဒါႏပညႏ အမျိုꩻမုဲင်ꩻတရိုꩻတဝ်း ပေါႏဒါႏတဲပ်တဲပ်နဲပ်နဲပ်နဝ်ꩻ လꩻအီအခꩻ၊ လꩻအီဒါႏဆုꩻအကျောင်ꩻ၊

၃။ အန္တရာယ်ႏ ကအဝ်ႏဒါႏအရပ်နဝ်ꩻ ဟောဝ်လွေꩻတောဝ်းအကျောင်ꩻ၊

၄။ မာꩻထာꩻမာꩻ အမျိုꩻမုဲင်ꩻတရိုꩻတဝ်း ပေါႏအချက်တထို့တဝ်းနဝ်ꩻ တယံတဝ်း၊ ထွာထဲင်းဒါႏ အန္တရာယ်ႏအကျောင်ꩻ-စတဲင်နုဲင်းနဝ်ꩻဖုံႏသွူ။[1][2][3]

အာႏကွိုꩻEdit

  1. ပအိုဝ်ႏလိတ်လုဲင်ꩻစွစ်ꩻလီတာႏအစွိုꩻ
  2. ဗွေႏဗွန်ကောဝိဒ(ဇဝနာရာမ)
  3. ဇာတ်ဝတ္ထု(၅၅၀)အမုဲင်(၆)