Wp/blk/ဇာတ်ဝတ္ထု(၇)

< Wp‎ | blkWp > blk > ဇာတ်ဝတ္ထု(၇)

"ထာꩻလွꩻတွမ်ႏထာꩻကုဲင်း"

၁။ (က) မဥ်ႏလွꩻမာꩻ ကာယဒုစရဲက်သွံပါꩻ၊ မဥ်ႏလွꩻဒေါ့ꩻ ဝစီဒုစရဲက်လစ်ꩻပါꩻ၊ မဥ်ႏလွꩻယူႏ မနော်ဒုစရဲက်သွံပါꩻနဝ်ꩻ ဟဝ်ဒျာႏ။

(ခ) လွꩻသွော့ အကုသိုလ်ႏဟုဲင်း၊ ကုဲင်းကုသိုလ်ႏမꩻ သꩻနဝ်ꩻ မာꩻဗွာဗွာသွော့နော။

၂။ (က) မဥ်ႏကုဲင်းမာꩻ ကာယသုစရဲက်သွံပါꩻ၊ မဥ်ႏကုဲင်းဒေါ့ꩻ ဝစီႏသုစရဲက်လစ်ꩻပါꩻ၊ မဥ်ႏကုဲင်းယူႏ မနော်ꩻသုစရဲက်သွံပါꩻနဝ်ꩻမꩻ ဟဝ်။

(ခ) ကုဲင်းမွိုန်းအကုသိုလ်ႏမꩻ၊ လွꩻမွိုန်းကုသိုလ်ႏဟုဲင်း၊ မာꩻဗွာကုဲင်းကုဲင်းသွော့ သꩻနောဝ်ꩻနော။

"အွꩻဒေါဝ်-သီ၊ အွꩻထီ-မွန်"

၁။ အွꩻဒေါဝ်နောဝ်ꩻ - သီ

၂။ အွꩻထီနောဝ်ꩻ - မွန်

နာꩻမဥ်သီထာꩻနဲ့ - မဥ်မွန်ထာꩻနဲ့

၃။ မဥ်ႏမဥ်မွန်တဲ့ အွꩻဒျာႏသွော့ထီ

၄။ မဥ်ႏမဥ်သီတဲ့ အွꩻသွော့ဒေါဝ်နော။

"နာꩻနောဝ်ꩻ ခေါင်ꩻနဲ့ ဖီးထူꩻနဲ့"

၁။ သေဝင်ꩻကေꩻဇူꩻနဝ်ꩻ - သူႏတောႏကောင်ꩻ၊ ဥပမာႏ - ဗွန်ခေါင်ꩻ။

၂။ လိုꩻမွိုက်နောဝ်ꩻ - သေတဝ်းဝင်ꩻကေꩻဇူꩻ၊ ဥပမာႏ - ဗွန်ဖီးထူꩻ။

၃။ ခေါင်ꩻနဝ်ꩻ ထုမ်ႏဒျာႏ ကဝ်ႏတရေꩻရေꩻ နွုမ်ꩻဟွမ်ဟွမ်။

၄။ ဖီးထူꩻနဝ်ꩻ ထုမ်ႏဒျာႏ အေႏဝွေႏဝွေႏ နွုမ်ꩻသေင်သေင်။

၅။ နာꩻနောဝ်ꩻ ထူႏအဟွမ်နဲ့၊ တွမ်အဝွေႏနဲ့။

၆။ နာꩻနောဝ်ꩻ ခေါင်ꩻနဲ့၊ ဖီးထူꩻနဲ့။

"နာꩻနောဝ်ꩻ လိုꩻနဲ့ - ထွီႏနဲ့"

၁။ ထွီႏတဗာႏ ပေါႏဗွူႏအဆာႏနောဝ်ꩻ "ကေꩻဇူꩻတင်ႏငါသီ - ဝီနယ်အမေး"

၂။ ထာꩻခေ့ꩻထာꩻနာꩻ ရဲးခါꩻဖေႏ ရန်ႏသူႏ၊ ဝွေꩻအူႏဝွေꩻဟောင်၊ ထောင်နဝ် ထွားထင်ꩻ။

၃။ နာꩻဟာ - မွိုးဖါကလွူးတန်သွူနာꩻနောဝ်ꩻ "ကေꩻဇူꩻတင်ႏငါႏ မွိုးဖါ" ငေါဝ်းတငွါ နာꩻဒေါ့ꩻဖိုနေဟာင်း။

၄။ မွိုးနောဝ်ꩻ ကွဲးဖြားငါငါ၊ ဖါနောဝ်ꩻ ကွဲးဖြားထဲင်းထဲင်း၊ နာꩻဖေႏဗဲင်းဖါ၊ နာꩻလူႏချာမွိုး အွီႏအွီႏနွိုးနွိုး ကားမုဲင်ꩻလဲင်ႏ။

၅။ နာꩻမဥ်ႏသေတောဝ်း မွိုးဖါကေꩻဇူꩻနောဝ်ꩻ နာꩻညမ်းလဲဥ်းက "ထွီႏ"ကွေးနော။

"နာꩻနောဝ်ꩻ လိုꩻနဲ့-တိရစ္ဆာန်ႏနဲ့"

၁။ ထွီႏဖုံႏနောဝ်ꩻ ပေါႏပါꩻအဲင်ႏ အသွꩻတဲ့ ဝွေꩻသီး လွေꩻအဲင်ႏဟွံ - ရန်ႏသူႏ။

၂။ ဖိုးဖုံႏနောဝ်ꩻ ပေါႏပါꩻနုဲင်ႏအသွꩻတဲ့ ဝွေꩻသီးလွေꩻနုဲင်းဟွံ - ရန်ႏသူႏ။

၃။ နာꩻဟာ - စွိုးခွိုꩻမော့ꩻထာꩻဒုက္ခနောဝ်ꩻ နာꩻထွားဗော့ꩻနုဲင်းနောဝ်ꩻနဲ့၊ သညင်ꩻဝွေꩻသီးယို နာꩻစွဲကိုဒျာႏနဲ့။

၄။ ခွေချမ်ꩻသာႏငါမဥ်ႏထွူ - ပါꩻမဥ်ဒုက္ခဒုက္ခ၊ ခွေလꩻငါမဥ်ႏထွူ - ပါꩻမဥ်မွမွ၊ နာꩻနိစ္စက်ချာ စွိုးခွိုꩻနုဲင်းနောဝ်ꩻနဲ့။

၅။ နာꩻမဥ်ႏရက်ချာတဝ်း - စွိုးခွိုꩻ၊ နာꩻမဥ်ႏနိစ္စက်ချာ - စွိုးခွိုꩻနောဝ်ꩻ နာꩻညမ်းလဲဥ်းက "ထွီႏ"၊ နာꩻသွီႏလဲဥ်းက "ဖိုး"ကွေးနော။

မဲ့ꩻဟက်မာႏ ပါꩻတခွေကွေး"

၁။ ထပေႏချင်ꩻချင်ꩻနဝ်ꩻ အံႏချာဒါႏလို့ဝင်ꩻစွဥ်ႏတဲ့ ထယံ - ထတန်နောဝ်ꩻ အံႏချာတဝ်း - ထ၊ မာꩻဒုက္ခချာတောဝ်း - စွိုးခွိုꩻ။

၂။ လိုꩻယံ - လိုꩻတန်နာꩻနဝ်ꩻ အံႏခြွꩻချာတဝ်း လိုꩻယာႏ၊ အံႏဆျာႏချာတဝ်း စွိုးခွိုꩻမွေးနေဟောင်း။

၃။ ခွေခြွေငါမဥ်ႏထွူ နာꩻအွဥ်ႏသꩻ၊ နာꩻမဥ်ႏအံႏခြွꩻချာယိုꩻယာႏ၊ နာꩻမဥ်ႏအံႏဆျာႏချာ စွိုးခွိုꩻနောဝ်ꩻ မဲ့ꩻ နာꩻ"ဟက်ꩻမာႏ"ပါဒါႏ "ပါꩻတခွေ"ကွေးနော။[1][2]

အာႏကွိုꩻEdit

  1. ဇာတ်ဝတ္ထု(၅၅၀)အမုဲင်(၇)
  2. ဗွေႏဗွန်-ကောဝိဒ