Wp/blk/ဆွုံꩻမꩻယပ်ꩻငါႏ ခေးဒျာႏလို့ဝင်ꩻ

< Wp‎ | blkWp > blk > ဆွုံꩻမꩻယပ်ꩻငါႏ ခေးဒျာႏလို့ဝင်ꩻ

"ဩဝါဒသုတ် (ဆွုံꩻမꩻယပ်ꩻငါႏ ခေးဒျာႏလို့ဝင်ꩻ ဟော်ꩻတရာꩻ)"

နီဗွေႏဘုရာꩻအောဝ်ႏအုံ ရာႏဇဂျိုဟ်ႏခမ်း၊ ကျောင်ꩻဝေဠုဝွန်ႏကိုအတွင်ꩻ ဗွေႏမဟာကဿပ ကျွꩻလွဥ်ဗွေႏဘုရာꩻထျꩻ၊ ကန်းတော့ꩻရိုႏသေႏ ဝုဲင်ႏဗွေႏဘုရာꩻထွူခါ ဗွေႏဘုရာꩻရို- "ကဿပ- ဆွုံꩻမꩻရဟန်ꩻဖုံႏနဝ်ꩻလုဲင်း၊ ဟော်ꩻဖေႏရဟန်ꩻသီးဖုံႏ တရာꩻဟုဲင်း၊ ဘုရာꩻခွေယိုတဲ့နဝ်ꩻ၊ နာꩻတဲ့နောဝ်ꩻ လိုႏဆွုံꩻမꩻခွိုꩻခွိုꩻရဟန်ꩻဖုံႏ၊ လိုႏဟော်ꩻဖေႏကုဲင်းကုဲင်း ရဟန်ꩻသီးဖုံႏတရာꩻ" "ဩဗွေႏ ဘုရာꩻမျတ်ဗွေႏဩ- ရဟန်ꩻယိုခါဖုံႏနဝ်ꩻ ဆွုံꩻမꩻယပ်ꩻငါႏဗွေႏ၊ အကုသိုလ်ႏ အဝ်ႏဗွေသော့ꩻအသꩻ၊ ဆွုံꩻမတလꩻတဝ်း၊ ဗွေႏအာနန္ဒာႏတပဲ့ꩻ ရဟန်ꩻ'ဘဏ္ဍ'တမ်ႏ အနုရုဒ္ဓါႏတပဲ့ꩻ ရဟန်ꩻ'အဘိဇိက'သီးနဝ်ꩻ ခေးဒျာႏလို့ဝင်ꩻ ဟော်ꩻတရာꩻ။ 'ပါꩻယိုနဝ်ꩻ မဥ်ႏကျတဲ့လွဥ်ဟုဲင်း- ဟော်ꩻခေးလို့ဝင်ꩻ တရာꩻယို၊ ခွေဟော်ꩻအာအာနွောင်ꩻနဲ့၊ နာꩻဟော်ꩻအာအာနွောင်ꩻနဲ့၊ ခွေဟာ်ꩻညညနွောင်ꩻနဲ့၊ နာꩻဟော်ꩻညညနွောင်ꩻနဲ့၊ ခွေဟော်ꩻတရာꩻယံနဲ့၊ နာꩻဟော်ꩻတရာꩻယံနဲ့' ဟဲ့ꩻဟော်ꩻခေးလို့ဝင်ꩻ တရာꩻနုဲင်းနဝ်ꩻ၊ နေးတွမ်ႏအဟွန်ုအထီႏ ဝွေꩻသီးဗဟုသုတပေႏတဲင် ထေင်လို့ဝင်ꩻ၊ အာငေါဝ်းလို့ဝင်ꩻ ဗွေႏဩ"၊ ဗွေႏဘုရာꩻရိုꩻ- "ယိုဗွေႏစင်ꩻနဝ်ꩻ လွဥ်ယိုမွိုင်- လွေꩻဟဲ့ꩻလွဥ် ဘဏ္ဍတွမ်ႏ အဘိဇိတသီးသူꩻ၊ 'ဘုရာꩻဟဲ့ꩻလွဥ်ယိုခါခါတဲ့'-ရိုꩻနုဲင်းနဝ်ꩻနော" ဗွေႏဘုရာꩻ ထွဥ်ႏလွေꩻဟဲ့ꩻ နုဲင်းနောဝ်ꩻသွူ။ ရဟန်ꩻနဝ်ꩻနီပါꩻ ဖျော်လွဥ်တဲင် ဗွေႏဘုရာꩻရီနုဲင်းယို- သီယိုနီပါꩻ ခေးလို့ဝင်ꩻဟော်ꩻတရာꩻ၊ ပါꩻမုဲင်ꩻဆွာꩻ ပါꩻမုဲင်ꩻည-ရိုꩻနုဲင်းနဝ်ꩻ မွေးနေဟောင်း" "မွေး-ဗွေႏဩ" 'ဟော်ꩻခေးလို့ဝင်ꩻ တရာꩻလုဲင်း၊ ပါꩻမုဲင်ꩻဆွာꩻ ပါꩻမုဲင်ꩻည'ဘုရာꩻထွဥ်ႏခေး ငေါဝ်းနုဲင်းနောဝ်ꩻ သီဟွုန်ဖိုဟောင်း၊ 'ပါꩻယိုတွမ်ႏပါꩻယို ဟော်ꩻခေးလို့ဝင်ꩻတရာꩻ၊ ပါꩻနဝ်ꩻဆွာꩻ ပါꩻနဝ်ꩻည'ကရိုꩻနောဝ်ꩻဟာ ဟွုန်ဖိုနေဟောင်း" "နီသွဥ်းသီး ဟွုန်ဖိုတောဝ်း ဗွေႏဩ" မောဃပုရိသာ- ရဟန်ꩻခွဥ်ႏဆေ့ꩻဖုံႏဟွေး- ခွေမဥ်ႏတဲ့ ထွဥ်ႏဖိုတဝ်း၊ ဝင်ꩻမဥ်ႏတဲ့ တခေးဖိုတဝ်းနဝ်ꩻ တွိုႏသီနီပါꩻ အွဥ်ႏကျသီနမ်း၊ သီငမ်းတဝ်းလို့ဝင်ꩻ၊ ထေင်ညင်ꩻခွန်းနေး၊ သီမခေးတွိုးလို့ဝင်ꩻ ဟော်ꩻတရာꩻဟောင်း" တွိုႏနဝ်ꩻခါ ရဟန်ꩻနဝ်ꩻနီပါꩻနဝ်ꩻ တွမ်ႏအကတောင် လွေꩻအွဥ်ႏတွစ် ဗွေႏဘုရာꩻခင်ႏထွူတဲင်- "ဩဗွေႏ ဘုရာꩻမျတ်ဗွေႏဩ- - ယထာ ဗာလေ - ကွပ်နီသွဥ်းသီး မွိုက်ငါႏတဲင် - ယထာ မူဠှေ - ပွိုးနီသွဥ်းသီး သူႏသေတဝ်းထာꩻတွော့ꩻ - ယထာ အကုသလေ - ကွပ်ပွိုးနီသွဥ်းသီး တလိန်ႏမာႏတဝ်းနဝ်ꩻမꩻ အပဲ့စ်ဗွို့ꩻလꩻလဲဥ်း နီသွဥ်းသီး၊ ကားယိုမာꩻငါနဝ်ꩻ နီသွဥ်းသီး ဟော်ꩻဖေႏတဝ်းဒွုမ်လို့ဝင်ꩻ၊ အွဥ်ႏစွꩻခွင်ꩻသွော့ နီသွဥ်းသီး ဗွေႏဩ" လောဝ်းတောင်ꩻပြန်ႏယင်း နုဲင်းနဝ်ꩻတဲင် နီဗွေႏဘုရာꩻရိုꩻ- ရဟန်ꩻသီးဟွေး- သီအမာႏသီစဲစ်၊ သီအပဲ့စ်သီမော့ꩻ သီကန်းတော့ꩻ နုဲင်းယိုနဝ်ꩻ မွေးငါႏ၊ ဆရာႏဗွေႏဘုရာꩻရင်ꩻ အွဥ်ႏစွꩻခွင်ꩻဖေႏ နုဲင်းနောဝ်ꩻသွူ။ (သုတ္တန်ႏပိဋကတ်၊ နိဒါနဝဂ္ဂသံယုတ်ပါဠိ၊ ဩဝါဒသုတ်)[1][2]

အာႏကွိုꩻEdit

  1. လိတ်ဗွောင်မဲ့နား(၇၅)
  2. ဗွေႏဗွန်-ေကောဝိဒ(သီႏသဲင်ႏ)