Wp/blk/ဆောင်ႏတဝ်းဣန္ဒြေႏစင်ꩻပေႏ

< Wp‎ | blkWp > blk > ဆောင်ႏတဝ်းဣန္ဒြေႏစင်ꩻပေႏ

"ကဋုဝိယသုတ် (ဆောင်ႏတဝ်းဣန္ဒြေႏ စင်ꩻပေႏတပါꩻ ဘုရာꩻဆွုံꩻမꩻ)"

အွိုးခꩻတရောဝ်ꩻ- နီဗွေႏဘုရာꩻနဝ်ꩻ ရွုံႏသင်္ကန်ꩻ၊ ထူႏသပိတ်ထွူတဲင် ကျွꩻဒဲင်တွုံꩻသွမ်ꩻ ဝေင်ꩻဗာႏရာꩻသီႏကို၊ တဖူꩻလောင်း၊ ခင်ႏလမ်းတခြာ၊ ဖြေꩻစာဖိုးပင်၊ တွူန်းဟုံꩻမွူးတန်ထျꩻနဝ်ꩻ ထီႏလꩻခန်း ရဟန်ꩻတပါꩻ။ ရဟန်ꩻနဝ်ꩻနဝ်ꩻ သꩻတဗွို့ꩻတဝ်းတရာꩻ၊ သꩻဗွို့ꩻဒျာႏ ကာႏမဂွုဏ်ႏ၊ အွဥ်ႏတဝ်းသတိꩻ၊ အသꩻစွူတဝ်း၊ ဣန္ဒြေႏအဲဥ်ထဝ်းတဲင် နီဗွေႏဘုရာꩻ ဆွုံꩻမꩻရဟန်ꩻနဝ်ꩻနုဲင်းယို- ရဟန်ꩻဟွေး- - နာꩻနမ်းနဝ်ꩻ မာꩻဝွေႏမွုန်း နုဲင်းဖြော့ꩻနဝ်ꩻလုဲင်း - နာꩻနမ်းနဝ်ꩻ မာꩻနွုမ်ꩻတရီမွုန်း နုဲင်းစဥ်ႏထနဝ်ꩻဟုဲင်း - ပေါႏနာꩻနမ်းဝွေႏ-နွုမ်ꩻတရီနဝ်ꩻ မဲ့ꩻဖီးထူꩻဟွံနာꩻကွေး၊ နီဗွေႏဘုရာꩻ ဆွုံꩻမꩻနုဲင်းနောဝ်ꩻသွူ။ နီဗွေႏဘုရာꩻ တွုံꩻသွမ်ꩻသဲင်ꩻ၊ သွုံꩻသွမ်ꩻထွူနဝ်ꩻ ခြုဲင်းနယ်ရဟန်ꩻသီးဖုံႏနုဲင်းယို- ရဟန်ꩻသီးဖုံႏဟွေး- ဟန်ႏရောဝ်ꩻ ခွေလွေꩻတွုံꩻသွမ်ꩻတွင်ꩻ တဖူꩻလောင်းနဝ်ꩻ ခွေခွဲရဟန်ꩻတပါꩻ၊ ရဟန်ꩻနဝ်ꩻ အောဝ်ႏလိုႏဆွုံꩻမꩻတဲင် ခွေဆွုံꩻမꩻနုဲင်းယို- "ရဟန်ꩻဟွေး- - နာꩻနမ်းနဝ်ꩻ မာꩻဝွေႏမွုန်း နုဲင်းဖြော့ꩻနဝ်ꩻလုဲင်း - နာꩻနမ်းနဝ်ꩻ မာꩻနွုမ်ꩻတရီမွုန်း နုဲင်းစဥ်ႏထနဝ်ꩻဟုဲင်း - ပေါႏနာꩻနမ်းဝွေႏ-နွုမ်ꩻတရီနဝ်ꩻ မဲ့ꩻဖီးထူꩻဟွံနာꩻကွေး၊ ခွေဆွုံꩻမꩻနုဲင်းနောဝ်ꩻသွူ။ ရဟန်ꩻသီးဖုံႏ ဟွူန်ဗာႏနုဲင်းနဝ်ꩻတဲင် သံႏဝွေႏဂလꩻတွော့ꩻ ရဟန်ꩻတပါꩻ ရီစွော့ꩻဗွေႏဘုရာꩻနုဲင်းယို- "ဩဗွေႏ ဘုရာꩻမျတ်ဗွေႏဩ- - 'ဖြော့ꩻ'ကရိုꩻနဝ်ꩻ ဗွေႏဘုရာꩻ ရေႏရွယ်ႏထမုဲင်ꩻဩ၊ - 'ဝွေႏ-နွုမ်ꩻတရီ'ကရိုꩻနဝ်ꩻ ဗွေႏဘုရာꩻ ရေႏရွယ်ႏထမုဲင်ꩻဩ၊ - 'ဖီးထူꩻ'ကရိုꩻနောဝ်ꩻ ဗွေႏဘုရာꩻ ရေးရွယ်ႏထမုဲင်ꩻဗွေႏဩ၊ ဥပမာႏ- နဝ်ꩻသွံမျိုꩻ၊ အရိုꩻထမုဲင်ꩻ၊ ရေႏရွယ်ႏထမုဲင်ꩻ သျင်ꩻနယ်စဲင်းဖေႏ နီသွဥ်းသီးမွိုင် ဗွေႏဩ"လောဝ်းနုဲင်းနဝ်ꩻတဲင် နီဗွေႏဘုရာꩻရိုꩻ- - အဘိဇ္ဈာ ကဋုဝိယံ - 'ဖြော့ꩻ'ကရိုꩻနဝ်ꩻ 'အဘိဇ္ဈာ-လောႏဘꩻ' - ဗျာပါဒေါ အာမဂန္ဓော - 'နွုမ်ꩻတရီ'ကရိုꩻနဝ်ꩻ 'ဗျာပါဒ-ဒေါႏသꩻ' - အကုသလာ မက္ခိကာ - 'ဖီးထူꩻ'ကရိုꩻနဝ်ꩻ 'အကုသိုလ်ႏ'ခွေရေႏရွယ်ႏ နုဲင်းနောဝ်ꩻသွူ။ ရဟန်ꩻသီးဖုံႏဟွေး- ပေါႏစူꩻလောႏဘꩻ၊ ပေါႏလွောက်ꩻဒေါႏသꩻတဲ့ အကုသိုလ်ႏဟိုမ်စွဥ်ႏလဲင်ႏချင်ꩻ၊ ဘဝယိုတဲ့ အုံစွဥ်ꩻနုဲင်ꩻကိုကိုတဲ့ယဝ်း တကြောင်းတဝ်း၊ တရောင်းတဝ်း၊ တွိုႏဘဝငါသူꩻတဲ့ လင်ꩻထဲ့ဗာႏ ငါးရုဲင်ꩻနောဝ်ꩻသွူ။ ရဟန်ꩻသီးဖုံႏဟွေး- စူꩻတောဝ်းလောႏဘꩻ၊ လွောက်ꩻတောဝ်းဒေါႏသꩻမꩻ ထွာတောဝ်းအကုသိုလ်ႏ၊ ထွာဒျာႏ ကုသိုလ်ႏ၊ ထွာဒျာႏအကြောင်း၊ ထွာဒျာႏအရောင်း၊ ဘဝယိုချမ်ꩻသာႏ၊ ဘဝငါတာႏ၊ တွိုႏလွေꩻဗာႏ ဘွုံႏဘဝဟောဝ်သွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ တိကနိပါတ်၊ ကဋုဝိယသုတ်)[1][2]

အာႏကွိုꩻEdit

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၁၁၆)