Wp/blk/ဆို့ꩻနေးမဏ္ဍပ်လူႏကျပ်မွေး

< Wp‎ | blkWp > blk > ဆို့ꩻနေးမဏ္ဍပ်လူႏကျပ်မွေး

"သေရီသုတ် (ဆို့ꩻနေးမဏ္ဍပ် လူႏကျပ်မွေးထာꩻ)"

"သေရီ"ကရိုꩻဒါႏ လူꩻပိုတဖြာꩻနဝ်ꩻ လောဝ်းဗွေႏဘုရာꩻနုဲင်းယို- "ဩဗွေႏ- ဘုရာꩻမျတ်ဗွေႏဩ- လူꩻတဲ့နဝ်ꩻ၊ လိုꩻတဲ့နဝ်ꩻ အုံမဒဲဥ်တလꩻတဝ်းတဲင် ကော့ꩻမောင်ꩻသေႏသေႏဗာႏဒဲဥ်၊ လူꩻတကော့ꩻမောင်ꩻတဝ်းဒဲဥ် အဲဥ်ထဝ်းတဖြာꩻဖြာꩻ ဗွေႏဩ"လောဝ်းနုဲင်းနဝ်ꩻ၊ ဗွေႏဘုရာꩻရိုꩻ- "တကာႏလူꩻပို သေရီဟွေး- လူꩻတဲ့နဝ်ꩻ၊ လိုꩻတဲ့နဝ်ꩻ အုံမဒဲဥ်တဒါႏတဝ်းတဲင် 'လူႏဒဲဥ်သွမ်ꩻ'နဝ်ꩻ အကျိုꩻတန်ငါႏ၊ ဒါႏနကုသိုလ်ႏနဝ်ꩻနဝ်ꩻ ဘဝယို ဘဝငါ ပါလွေꩻသေႏသေႏ၊ တွိုႏဘဝငါသူꩻ အာႏကွိုꩻဗာႏ ဒါႏနကုသိုလ်ႏနဝ်ꩻသနယ်" "ဩဗွေႏ ဘုရာꩻမျတ်ဗွေႏဩ- ဗွေႏဘုရာꩻကဟော်ꩻနဝ်ꩻ မဲဥ်ႏမွေးစွဥ်ႏထာꩻဗွေႏ၊ ဇာတ်ကရီးပန်အွဥ် ခွေသွဥ်းထွာဖို ခွန်တန်တပါꩻ၊ ခွေသွဥ်းနဝ်ꩻ မဥ်ꩻ'သေရီ'၊ ခွေသွဥ်းနေးတွမ်ႏ သွုန်ႏစွဥ်ႏသꩻဗွာ လူႏဗာႏအာမွေးစွဥ်ႏထာꩻ၊ နမ်းတဲ့လူႏ၊ နိုꩻဆောႏတမာပါဝင်ꩻ၊ ထာꩻလူႏအကျိုꩻတန်ငါႏအကျောင်ꩻ ကားကသေနာႏ ခြုဲင်းနယ်ဟော်ꩻနယ်ဝင်ꩻ။ ဝေင်ꩻငွါကွဥ်ႏနဝ်ꩻ ဆို့ꩻမင်္ဂလာႏမဏ္ဍပ်၊ ဗွေႏမျတ်သံဃာႏတဲ့နဝ်ꩻ၊ ခြောခြောခြားခြား ထာꩻကွီအံႏသားတဲ့နဝ်ꩻ လူႏလို့၊ အဝ်ႏလူႏနုဲင်းနဝ်ꩻတွင်ꩻ နင်ꩻမူႏတွမ်ႏ အသွဥ်းအသယ်ႏဖု့ႏ ကွီလူႏသော့ꩻတဲင် ဖေႏလူႏသော့ꩻခန်းဒျာႏ ဝွေꩻသီး ဗွေႏဩ။ ခွေသွဥ်းလွေꩻဆို့ꩻတော မင်္ဂလာႏမဏ္ဍပ် ဝေင်ꩻငွါနဝ်၊ ဟောဝ်ဟောဝ်ဒါႏဒါႏ ထွူသေႏချာႏလဲဥ်းတဲင် အဝ်ႏလူႏသော့ꩻတွင်ꩻ ခွေသွဥ်းစူထောက် ခွန်ဖုံႏနဝ်ꩻ လွဥ်ကွီလူႏသော့ꩻတွော့ꩻ ဖေႏလူႏသော့ꩻတောဖျင်ဝွေꩻသီး၊ ဝွေꩻသီးလူႏသော့ꩻထိုꩻခန်းဒျာႏ။ ခွေသွဥ်းလွေꩻမာꩻတော မင်္ဂလာႏမဏ္ဍပ် ဝေင်ꩻငွါတွို့ꩻ၊ ထွူႏသေႏခေါင်းသေႏချာႏတဲင်ခါ ခွေသွဥ်းစအီႏလူႏသော့ꩻနဝ်ꩻ စဲ့ꩻပိုႏ စဲ့ꩻသားဖုံႏ သမ်းလွဥ်ကွီလူႏသော့ꩻထိုꩻခန်းဒျာႏ၊ နဝ်ꩻတဲ့ ဖေႏလူႏသော့ꩻဗာႏစွဥ်ႏဝွေꩻသီး။ ခွေသွဥ်းလွေꩻမာꩻတော မင်္ဂလာႏမဏ္ဍပ် ဝေင်ꩻငွါထင်ꩻ၊ တရောင်းတရေꩻ သေႏခေါင်းသေႏချာႏ ထွူလဲဥ်းဒျာႏတဲင် ခွေသွဥ်းစငါလူႏသော့ꩻလွုမ်ꩻနဝ်ꩻ သဌေꩻပုဏ္ဏာꩻ ထမ်ꩻသာꩻခမ်းသားဖုံႏ လွဥ်ကွီလူႏသော့ꩻထိုꩻခန်းဒျာႏ၊ နဝ်ꩻတဲ့ ဖေႏလူႏသော့ꩻဗာႏစွဥ်ႏ ဝွေꩻသီး။ တွို့ꩻကွဥ်ႏနဝ်ထင်ꩻ ခွန်နင်ꩻသီးထျꩻ ကလိုႏလꩻ အခွဥ်ႏဖုံႏနဝ်ꩻ ထွဥ်ႏခွေသွဥ်းလိုꩻလွေꩻကွီ၊ ဝွေꩻသီးရိုꩻ-'တွိုႏဝင်ꩻလင်နဝ်ꩻ ဝင်ꩻကလူႏဗာႏဟောဝ်ထာꩻ၊ တွိုႏနီယိုနဝ်ꩻ လူႏဗာႏနုဲင်းတဝ်းဝင်ꩻ'သမ်းခြင်ꩻထာꩻနုဲင်းနဝ်ꩻတဲင် ခွေသွဥ်းရိုꩻဖေႏ- 'သီကကေပ်ꩻလꩻ အခွဥ်ႏဖုံႏနဝ်ꩻ သီထူႏတထဝ၊ လူႏတထဝဟုဲင်း' ဖေႏကလူႏဗာႏနုဲင်းနုဲင်းဝင်ꩻ၊ ခွေသွဥ်းစိုး မော့ꩻနဝ်ꩻခါ ကလူႏဗာႏ ဒါႏနကုသိုလ်ႏနဝ်ꩻ တွိုႏလွေꩻဘဝမုဲင်ꩻတဲ့ ပါလွေꩻ၊ လွေꩻခြွေခြာႏ၊ လွေꩻချမ်ꩻသာႏ ဗွေႏဩ"လောဝ်းနီဗွေႏဘုရာꩻ နုဲင်းနောဝ်ꩻသွူ။ (သုတ္တန်ႏပိဋကတ်၊ သဂါထာဝဂ္ဂသံယုတ်၊ သေရီသုတ်)[1][2]

အာႏကွိုꩻEdit

  1. လိတ်ဗွောင်မဲ့နား(၄၉)
  2. ဗွေႏဗွန်-ကောဝိဒ(သီႏသဲင်ႏ)