Wp/blk/စျူးဘာႏသာႏ

< Wp‎ | blkWp > blk > စျူးဘာႏသာႏ

ဘာႏသာႏတရာꩻ
စျူးဘာႏသာႏ Star of David Ten Commandments Menorah

သꩻမဲင်ꩻ
ဆရာႏ (အစရိယ)
ထာꩻယူႏဝါႏဒ
ဂွိုဏ်ꩻ
ခမ်းထီတောမ်ႏဒေႏသဖိုင်ႏ

စျူးဘာႏသာႏ Judaism (လဲတ်တဉ်ငေါဝ်းနေး လူဒါအစ်မာ့သ်၊ ဂရိငေါဝ်းကိုနောဝ်ꩻ လောက်ဒါအစ်မော့သ် Ιουδαϊσμός Ioudaïsmos )ယင်း ဟီဘရူးငေါဝ်းကို တဲမ်း יהודה ရဟုဒယုဒ ယို ထာꩻယုမ်းလှူꩻ၊ ထာꩻဝုဲင်ႏထူႏ အောဝ်ႏဟီဘရူးလိတ်ဖှူꩻ အမဉ်ꩻလꩻ တန်နက်ဟ် ကိုဖျောလှောန်။ မော့ꩻလှောန်ꩻလꩻ လိတ်ဖှူꩻထန်ႏလှောန်ဆုဲင်ꩻဆချာ ဗှိုန်ပီနုဲင်း တယ်မွတ်လိတ်ဖှူꩻကိုသှူ။ စျူးဘာႏသာႏသား ကယုမ်းခါꩻနောဝ်ꩻ စျူဒါအီသဲမ်ယို ထာꩻအှောန်ႏဟှောင်ႏနယ် ဘုရာꩻကထွတ်ထေခါꩻဖေႏဒါႏ သမ္မာလိတ်ဖှူꩻပဋိညဉ်ႏ၊ သှိုတုမ်ႏ အစ်သရေးလ်လိုꩻပေႏသီးဖုံႏ တဲ့ရိုꩻ။ မူလပထမနောဝ်ꩻ အစ်သရေးလိုꩻပေႏဖုံႏယိုထွာ သမ္မာလိတ်ဖှူꩻကို ကအောဝ်ႏပါဒါႏ ဖာဖြားတန် ပဲတ္ထရီအတ်ဆ် စဲက်ကော့ဘ် ကလှူးလင်ꩻခါꩻ လိုꩻခှိုꩻ ၁၂ ခှိုꩻတဲ့၊ ဆုဲင်နောဝ်ꩻ ထွာလှောန်စျူးလိုꩻခှိုꩻ။ အစှိုꩻခေါသားလို့လို့ရိုꩻ ဗွေႏဘုရာꩻနောဝ်ꩻ ဒေါ့ꩻလောဝ်းဖေႏ ဝွေꩻဥပဒေႏ၊ ယင်း ပညဲတ်ထာꩻရဲးခါꩻ မော့သဲ့သ် (Moses)ထျꩻ အှိုး... သဉ်နုဲင်း(Sinai) ကောင်လောင်း၊ ငေါဝ်းနေးတဲ့ ဒေါ့ꩻခါꩻ၊ လိတ်လောင်းတဲ့ တဲမ်းဖေႏပါနေး တိုရာလိတ်ဖှူꩻ။ ကွဲးတှော့ꩻ ကာရိတ်စျူဒါအီသဲမ်သားနောဝ်ꩻ နာႏငေါဝ်းလှောန်ꩻဗော့ꩻ ထာꩻကတဲမ်းခါꩻနေး တိုရာကို။ စျူဒါအီသဲမ် သေလိုꩻနေးဒျာႏထာꩻသား၊ အုံဒေါင်အုံနောင်တောဝ်းထာꩻသားဖုံႏနောဝ်ꩻ ဘာႏသာႏအဲန်ထောဝ်းသှူ။

Judaica
စျူးဘာႏသာႏကို ထာꩻခြိုꩻဖုံႏ (အောဝ်ႏဖဲ့ꩻကီ လေပ်နာႏရီႏဗင်နေး) ရာဘတ်မေႏတဉ်ꩻခင်ႏလမ်ႏ၊ ကောက်ꩻဟွာႏစူ၊ တရာꩻလိတ်ဖှုꩻ၊ တိုရာထာꩻယီႏနယ်၊ ထာꩻအူ၊ ယင်း တှိုက်ပေႏ။

စျူဒါအီသဲမ်ယိုရိုꩻ ထာꩻမော့ꩻခွဲးလှောန်ဖိုခြောင်ꩻ (သမိုင်းစဉ်ဆက်) ညဆွာꩻလှိုလဲန်း အနေင်ႏခြောန်း ၃၀၀၀ လှိုတဲ့။ စျူးဘာႏသာႏယို ဗꩻတှိုႏယိုခါ အောဝ်ႏမွန်ဗန်နေဒှိုန်းက၊ ပါသော့ꩻ အစောဝ်းသွတ်ꩻ ဘာႏသာႏတရာꩻအာကို တဗာႏ။ ဘာႏသာႏနောဝ်ꩻဗာႏကိုကပါဒါႏ ထာꩻဒေါ့ꩻခါꩻ၊ ထာꩻထုံစံႏ မာꩻလှောန်တသေႏ၊ ထာꩻအှောန်ႏခါꩻအငိုꩻဖုံႏယို အမာꩻအောဝ်ႏလှောန်အီလꩻ ထာꩻယုမ်းအမ်ႏနုဲင်း ခရစ်ဆျာန်ႏ၊ အစ်သလမ်၊ ဘဟေးဖုံႏ၊ ယင်း ဆတှို့ꩻဖဲ့ꩻခေါဝ် အေဗရာဟဉ် ဘာႏသာႏသားဖုံႏ နောဝ်ꩻသှူ။ စျူးဘာႏသာႏ ထာꩻထီႏ၊ အခှောန်အလုဲင်ꩻဖုံႏယို စှို့ꩻစှောန်ႏတဲ့နောဝ်ꩻ၊ ဟှိုန်လှောန်ꩻနေးတဲ့နောဝ်ꩻ အဗဉ်ႏလꩻခါꩻ ဟမ်ႏအခေါဝ်တှို့ꩻသား လိုꩻသီးနမ်းကျင်ꩻ ဝတ္တရာꩻ၊ ယင်း ဝေင်ꩻဖဲ့ꩻဥပဒေႏဖုံႏကိုသှူ။

အာႏကွိုꩻEdit