Wp/blk/ငဝ်းဝုဲင်ႏဘုရာꩻ ( ကျာႏသပတေꩻနီꩻ - အုံသန္ဓေႏခန်ꩻ)

< Wp‎ | blkWp > blk > ငဝ်းဝုဲင်ႏဘုရာꩻ ( ကျာႏသပတေꩻနီꩻ - အုံသန္ဓေႏခန်ꩻ)

၁။ တယ်ႏသုမေႏဓာႏ ကျိုꩻစာꩻရေႏ

        လစ်ꩻအသင်ႏချေႏ        လွိုငါကိန်ꩻ
        ကမ္ဘာႏတသိန်ꩻ            စွဥ်ꩻသက်သွီႏ
        ထဲမ်ပါႏရမီႏ                ဆုဲင်ꩻသွတ်ꩻဇာတ်
        ဘုရာꩻလောင်ꩻမျတ်     ခွန်၀ေဿန်ႏ
        ဘ၀ပြောင်ꩻထန်ႏ         ထွာတေားလူꩻ
        တုသီႏခမ်းသူꩻ             သာႏယာႏစု
        " သေတကေတု "        အမဥ်ꩻတွင်ႏ
         အ၀်ႏအုံပျောႏသွင်ႏ      အယံတွင်ꩻ
         တွိုင်ႏပင်ႏလို့၀င်ꩻ         လူꩻဗျဟ္မာႏ
         လွဥ်တောင်ꩻပြန်ႏဗာႏ    ဘုရာꩻလောင်ꩻ
         ထဲမ်ဗွေဆုတောင်ꩻ      ပါႏရမီႏ
         ခိန်ႏတွိုႏဗွေညီႏ           ယိုလဲင်ႏခါ
         လိုꩻခမ်းယံထွာ           ဗွေႏဘုရာꩻ
         ကွပ်ပွိုးလ၀်းခါꩻ         တောင်ꩻပြန်ႏလွ
         မဟာႏသက္က               သူဆီနွုတ်ꩻ
         လူꩻသက်လို့ယွုတ်ꩻ     လင်ꩻလိုꩻဒုံ
         သန္ဓေႏတယ်ႏအုံ          မွိုးနမ်းလောင်း
         ၀ါႏဆိုႏဗွေကောင်း       နီꩻကျပ်တေꩻ
         သꩻကိုယူႏလွေꩻ           ပီတိပြုဲင်
         မွိုးဟို့ꩻဗိုတုဲင်              ကကိန်ꩻသော့ꩻ
         တရေꩻပွုံႏရော့ꩻ           ခွန်ပေႏဆား
         ဟ၀်ရက်ဖုဲင်ႏထွား       သꩻကိုယူႏ
         ရောင်းရဲ့ခွꩻရျူႏ           စုံသွုန်ႏထီ
         စူနုံတဆီ                   ကတောင်ဒင်ႏ
         ရိုႏသေႏ၀ုဲင်ႏထင်ႏ        သန္ဓေႏဟို့ꩻကိုသြ ။      ။
         သန္ဓေႏခန်ꩻနေား          ၀ုဲင်ႏဓိဋ္ဌာန်ႏ
         မဂ်ဖိုလ်ႏနိဗ္ဗာန်ႏ          ယံလꩻမွိုင်
         တဏှာႏ၀ဋ်စွိုင်           ခုဲင်ႏလွစ်တ၀်း
         ဘ၀မုဲင်ꩻယ၀်း             အုံသန္ဓေႏ
         ယံမော့ꩻမွိုးဗွေႏ           သူႏတောႏမျတ်
         ကုဲင်ပြင်ꩻတရတ်         သီတခြို
         မွိုးဗွေႏဟို့ꩻကို             ဒုက္ခလျား
         ၀င်ꩻကကျံႏယား           အမျိုꩻမျိုꩻ
         ထွာလꩻကီလိုꩻ            မဲ့ခေ့ꩻလို့
         စူပွတ်ꩻခင်ႏထို့            ကုဲင်အင်ႏဂါႏ
         တအွိုင်တအာႏ          နီဖြာꩻဆွိုင်ꩻ
         စွုမ်ႏဘ၀တွိုင်ꩻ           ဒုက္ခခုဲင်ႏ
         ယံမော့ꩻဗာႏပုဲင်ႏ          ဆုတောင်ꩻနုဲင်းန၀်ꩻသြ ။

အာႏကွိုꩻEdit

[1][2]

  1. ပအို၀်ႏလိတ်လုဲင်ꩻစွစ်ꩻလီတာႏအစွိုꩻ
  2. င၀်း၀ုဲင်ႏဘုရာꩻ ကျပ်တေꩻနီꩻအုံသန္ဓေႏခန်ꩻ