Wp/blk/ငဝ်းမင်္ဂလာႏသျင်ႏလောင်ꩻ

< Wp‎ | blkWp > blk > ငဝ်းမင်္ဂလာႏသျင်ႏလောင်ꩻ

"ငဝ်းမင်္ဂလာႏသျင်ႏလောင်ꩻ" ဗုဒ္ဓသာသနံ စိရံ တိဋ္ဌတု၊ နီဗွေႏဘုရာꩻ သာႏသနာႏ၊ နေင်ႏပေါင်ꩻညတာႏ ယံကလေ၊ ထွက်ပေႏခွန်ခွေ အီႏဆုတောင်ꩻ၊ မူႏခိုလိုꩻပေါင်ꩻ နာႏသွော့နေား၊ အခိန်ႏလဲ့ခေါး အခါႏသင်ꩻ၊ မင်္ဂလာႏအဝ်ႏတွင်ꩻ နုဲင်းဟန်ႏနီꩻ၊ အီႏအောင်ႏဖြီꩻစီꩻ ပွယ်ꩻသဖင်ႏ၊ အီႏထွူအောင်ႏမျင်ႏ နာႏအကျိုꩻ၊ ယိုခါနဝ်ꩻရိုꩻ ပွယ်ꩻတကာႏ၊ နုမောဒနာႏ ငေါဝ်းနေစ်သက်၊ သျင်ႏပေႏခွန်ထွက် အီႏတွိုႏလွေꩻ၊ ပွယ်ꩻတန်တရေꩻ ဟန်ႏနီꩻယို၊ သျင်ႏဖါသီးပို တသီးရွိုး၊ သျင်ႏမွိုးသီးပို တသီးလေ၊ လောင်ႏလွိုးတခြေ မဲ့ငါသွင်ႏ၊ ခြွိုင်းထွူစုံႏလင်ႏ အီႏနွို့ပွယ်ꩻ၊ ရူႏရဲန်ႏပဉ်တွယ်ꩻ အီႏနွို့ငါ၊ ကထွာမွိုးဖါ နေစ်သက်မွေး၊ ကယူႏကစွေး ကစဉ်ꩻစာꩻ၊ နေင်ႏပေါင်ꩻညဆွာꩻ ပိုခိုတာႏ၊ အီႏအွဉ်ႏဗုဲင်ဗာႏ ပိုခိုတွက်၊ စွုမ်းသွိုꩻနေစ်သက် ပိုခိုရင်ꩻ၊ ဟန်ႏနီꩻအတွင်ꩻ အီႏအောင်ႏသွူ၊ ခြွိုင်းဖျင်လဲ့ထွူ အီႏနွို့ထင်ႏ၊ ပွယ်ꩻသဖင်ႏ နုဲင်းဟန်ႏနီꩻ၊ စုံႏလင်ႏဖြီꩻစီꩻ ရဲန်ꩻကူစွိုး၊ သျင်ႏဖါသျင်ႏမွိုး တပဲ့ꩻပေါင်ꩻ၊ အီႏနွို့ထင်ႏကျောင်ꩻ ပဉ်ဗူႏဗူႏ၊ ခိုခိုမူႏမူႏ ပဉ်စွိုꩻစွိုꩻ၊ မွန်းပျောႏသွင်ႏသွိုꩻ အီႏနွို့ငါ၊ သသားလဲ့ခါ အဝ်ႏအုံပွေါး၊ ထုံမောင်းတဲ့နေား အဝ်ႏအုံတံꩻ၊ လိုꩻယွဲးမူႏနံꩻ အဝ်ႏအုံရဲန်ႏ၊ ပဉ်စွိုꩻပဉ်စဲန်ႏ အဝ်ႏစုံႏလင်ႏ၊ အီႏဗုဲင်ဗာႏသျင်ႏ လွိုးပယွုမ်း၊ မဲ့ငါလွိုးစွုန်း သျင်ႏပေႏလောင်ꩻ၊ ဗွေႏသျင်ႏလိုꩻကျောင်ꩻ အီႏထင်ႏထွာ၊ ဆရာႏဗွေႏငါ အီႏရွစ်လွ၊ သံသာရ ဝဋ္ဋ ဒုက္ခတော၊ ငဝ်းနုဲင်းယိုနေား ကွီသင်္ကန်ꩻ၊ ဆရာႏရဟန်ꩻ အွဉ်ႏဗုဲင်ဖေႏ၊ ထွာထွူသျင်ႏပေႏ သဉ်ဆီပါꩻ၊ ထိန်ꩻကံသေꩻခါꩻ နမ်းသီႏလ၊ သံႏသရာႏဒုက္ခ ယံလွစ်ထန်ႏ၊ ဝေင်ꩻညိမ်ꩻနိဗ္ဗာန်ႏ ယံတွိုႏစူꩻ၊ သွုန်ႏသꩻကိုဖူꩻ ရေႏထွူခါ၊ သာႏမဏေႏထွာ ထောက်ထံꩻဗာႏ၊ ဘုရာꩻသာႏသနာႏ ကရိုꩻယို၊ သဲင်ꩻထွာလိုꩻပို တန်ႏဟဝ်မွေး၊ မွိုးတွမ်ႏဖါကွေး ကလူႏတန်ꩻ၊ ကထောက်ကထံꩻ ကဖေႏအာႏ၊ ကထွာတကာႏ ကပင်ႏထို၊ အကျိုꩻလꩻယို ပလွိုႏတဝ်း၊ မွိုးဗွေႏဖါစဝ်း အကေꩻဇူꩻ၊ ပိုခိုအထူꩻ အီႏဆပ်ဖေႏ၊ ဖဝသျင်ႏပေႏ ထွာထွူခါ၊ ဝွတ္တရာꩻအာ သေခိယ၊ စုဒ္ဒသခန္ဓက သွဉ်ဒါႏလဲပ်၊ အုံအဝ်ႏလဲ့တဲပ် ကြောင်းစင်သျင်ꩻ၊ ဘာႏဝနာႏကမ္မဋ္ဌာန်ꩻ ပွါꩻအားထုတ်၊ နာမ်ႏယိုတွမ်ႏရုတ် သေပဲင်ႏချာꩻ၊ နီဗွေႏဘုရာꩻ သာႏသနာႏ၊ တဉ်ႏခွေါင်ညတာႏ အီႏအုံလွေꩻ၊ သီႏလအွဉ်ႏရေꩻ ထိန်ꩻကံသေႏ၊ ဖဝသျင်ႏပေႏ ထွာဗာႏယို၊ သဲင်ꩻထွာလိုꩻပို တောႏတောႏတဝ်း၊ အသုမ်ꩻအဲန်ထဝ်း မျတ်ငါငါ၊ ဖဝယိုခါ မျတ်တေားတေား၊ ကွပ်နဝ်ꩻမꩻနေား သာႏသနာႏ၊ ထောက်ဗာႏထံꩻဗာႏ အကျိုꩻထူꩻ၊ နိဗ္ဗာန်ႏခမ်းသူꩻ အီႏတွိုႏထင်ႏ၊ ကထွာဗွႏသျင်ႏ ကျိုꩻစာꩻနေား၊ ဝနစငဝ်းခေါး ခီႏမျောက်ဗာႏ၊ ငဝ်းမင်္ဂလာႏ ခီႏမျောက်လင်ꩻ၊ အွဉ်ႏသွတ်ꩻကရင်ꩻ တခွိုင်းယို၊ စွုမ်ႏဖြာꩻမူႏခို သီးယာဟွေး။ (သာႏဓု-သာႏဓု-သာႏဓု)[1][2]

အာႏကွိုꩻEdit

  1. ခွန်ကုဝေ
  2. ဘာႏသာႏရေꩻငေါဝ်းမျိုꩻစွုမ်ႏ