Wp/blk/ငဝ်းတွိုင်ꩻ တဲႏဂ-ဗꩻင

< Wp‎ | blkWp > blk > ငဝ်းတွိုင်ꩻ တဲႏဂ-ဗꩻင

(ဂ) ဂျိုဟ်ႏတဟဝ်တဝ်းပါပ၊ စနစ်တဟဝ်တဝ်း ဝါႏဒ၊ ခွန်တဟဝ်တဝ်း ပွိုးလောဘ။

(င) ၁။ ငခဲဥ်ႏလမ်းကို မပေါႏလျား၊ မောက်ꩻဖါးလမ်းကို မပေါႏဆျာႏ၊ တသာႏလမ်းကို မပေါႏဆွံ။ (ခွုမ်မာꩻဒေါꩻ့ဖြဝ်ႏထာꩻ တယွုမ်းအံႏတဝ်း၊ ပါꩻတမတ်လောက်တဝ်း၊ ကေားအွဥ်ႏရေꩻ ထူႏရေꩻသားဆေ့ꩻဆဲဥ်း။)

၂။ ငရာႏ ငသီ၊ ဝါႏရာႏ ဝါႏသီ။ (ပါꩻမုဲင်ꩻမာꩻ ထာꩻကုဲင်လဲ့ ပါꩻမုဲင်ꩻမော့ꩻဒျာႏ ထာꩻဒုက္ခ။)

၃။ ငဲ့ꩻ ဝါးကီႏ ဒီႏ ဝါးရွို့။

၄။ ငမ်းကေတွော့ꩻ အာႏကွိုꩻသျင်ႏ၊ သျင်ႏကယိန်းဟုဲင်းလဲဥ်းကေ။

၅။ ငဝ်းခိုဗင်ႏ ငွါမူႏနံꩻ၊ ငဝ်းဝင်ꩻမူႏ ငွါဝင်ꩻခို။

၆။ ငဝ်းငွတျာႏဆေႏ ရေႏတွိုင်ꩻတနꩻ၊ ခꩻတွိုင်ꩻမဲဥ်ႏအနမ်း၊ ပြုဲင်ပြင်ꩻအဆာႏလီ၊ အလူးတွီး မေႏထန်ႏ။

၇။ ငဝ်းငွါမဥ်ႏလွဥ်ꩻ ဗဲ့ꩻချာခုဲင်ႏ၊ တရေႏအိန်ႏမဥ်ႏကုဲင် ဖျင်ဆုဲင်ꩻယပ်ꩻ။

၈။ ငဝ်းစခါ ငွါစခေါင်ႏ။

၉။ ငဝ်းစွဥ်ႏနာႏယပ်ꩻ၊ သေင်ႏစွဥ်ႏ ထင်ႏယပ်ꩻ။

၁၀။ ငဝ်းဆေ့ꩻငါႏထာꩻ ကယ်ꩻစွဥ်ႏထီဒဲဥ်ဟား၊ ငဝ်းကားငါႏထာꩻ ကယ်ꩻစွဥ်ႏထီဒဲဥ်သီႏ။

၁၁။ ငဝ်းတချင်ꩻတွမ်ႏကဗျာ ထွာအနုပညာႏ တသာႏဖြွီꩻတလီးချင်ႏ။

၁၂။ ငဝ်းပေႏသူငွါ ထွာလိုꩻခြာ၊ လစ်ꩻငွါဝန်ꩻထိုꩻ နီငွါကျိုꩻ။

၁၃။ ငဝ်းဖျင်ꩻတစား၊ ငဝ်းယားတမျိုꩻ၊ ယွုမ်းယိုꩻပြွိုင်းငါႏ ကျိုꩻဆေ့ꩻငါႏ။

၁၄။ ငဝ်းမွေးမꩻ မာꩻငွါ၊ ခွါမွေးမꩻ ဆေႏသိုႏ။

၁၅။ (က) ငဝ်းယွုမ်းယိုꩻ အကျိုꩻဆေ့ꩻ (ခ) ငဝ်းယွုမ်းယိုꩻ အကျိုꩻအဲဥ်ထဝ်း။

၁၆။ ငဝ်းရာႏတယွို့ ထာꩻငနွို့။

၁၇။ ငဝ်းလဲဥ် ဝန်ꩻသော့ꩻထောင်ႏ၊ ငဝ်းယောင်ႏ ဝန်ꩻသော့ꩻကပ်။

၁၈။ ငဝ်းသီးအမျိုꩻ တစင်တဝ်း နုဲင်းထီသူႏလောင်း၊ တကြောင်းတဝ်း နုဲင်းထီသူႏလာႏ။

၁၉။ ငဝ်း အငွါတရျာꩻ တတွာတဝ်းလိတ်ဖြုံႏ။

၂၀။ ငဝ်းအာ လွꩻဟွုန်၊ လွဥ်အာ လွꩻထီႏ။

၂၁။ ငဝ်းအဲဥ်ထဝ်း မာꩻငွါ၊ ခွါအဲဥ်ထဝ်း ဆေႏသိုႏ။

၂၂။ ငဝ်းအွီႏထွာသျိုႏ။

၂၃။ ငဝ်းအွီႏ နာႏခါႏ၊ ခရာႏတလꩻတဝ်း။

၂၄။ ငိတ်ꩻငေါက်ꩻဒျာႏ အကတူႏ နုဲင်းသေ့ꩻထွီႏ (ရီလဲ့ တဒေါ့ꩻတဝ်း။)

၂၅။ ငွီႏသဲင်ꩻလိုꩻခမ်း အဲဥ်ထဝ်းသာႏ၊ ထသဲင်ꩻလိုခမ်း အဲဥ်ထဝ်းအမီး၊ လိုꩻမူႏတသီး သဲင်ꩻလိုꩻခမ်း အဲက်ထဝ်းပိုဝါꩻ။

၂၆။ ငွီႏ အွီႏအထီ၊ ထီ အွီႏအကတူႏ၊ လိုꩻမူႏ အီႏအငဝ်း။

၂၇။ ငွိုးငါႏလဲ့ လင်ꩻ၊ ခြင်ꩻငါႏလဲ့ လို့။

၂၈။ ငွိုး တရျာꩻ တဖြာꩻင။

၂၉။ ငွိုးဗာႏမꩻ ကော့ꩻမွိုး၊ တလွိုးဗာႏမꩻ ကော့ꩻဖါ။

၃၀။ ငွိုး မလꩻ၊ င မထွာ။

၃၁။ ငွိုး အံႏမ၊ င အံႏဗာႏ။

၃၂။ ငွဥ်ꩻပူႏမဥ်ႏတန် ယားဒါႏယောင်ꩻ၊ ငွဥ်ꩻထောင်ꩻမဥ်ႏတန် ယားဒါႏလွိုး။[1][2]

အာႏကွိုꩻEdit

  1. လိုꩻအမျာꩻဒေါ့ꩻငဝ်းတွိုင်ꩻ
  2. စင်ꩻဝိဇ္ဇာနန္ဒတဲမ်းစု