Wp/blk/ငဝ်းကပ်လူႏအီ အမျိုꩻမျိုꩻ

< Wp‎ | blkWp > blk > ငဝ်းကပ်လူႏအီ အမျိုꩻမျိုꩻ

ငေါဝ်းကပ်သွမ်ꩻတောႏEdit

ဂုဏ်ႏတောႏကွတ်ꩻစွိုး၊ စာင်ဖြွိုးလꩻခါꩻ၊ ဗွေႏဘုရာꩻယို၊ သꩻကိုရေႏမတ်၊ ယံမျတ်ဟောဝ်ငါႏ၊ ရသာႏမျိုꩻအွီႏ၊ စွုမ်ႏစီႏအာစား၊ ကားသွမ်ꩻတောႏယို၊ သန်ထိုစေႏတနာႏ၊ သဒ္ဓါႏကြောင်းဗွာ၊ ယောင်းငါလောင်ꩻကပ်၊ ဘုရာꩻမျတ်ဗွေႏဩ။ ယံခေါသေႏချာႏ၊ လောင်ꩻဗာႏသွမ်ꩻယို၊ တန်ထိုလꩻပိုႏ၊ ကုသိုလ်ႏယိုနဝ်ꩻ၊ အွဥ်ႏသဝ်ꩻဟို့ꩻခိုး၊ ယွုတ်ꩻဆွိုးလောဘ၊ ငိမ်ꩻခွꩻငိုꩻတန်ႏ၊ (နိဗ္ဗာန်ႏချံꩻသာႏ၊ ယံလꩻဗာႏဗွေႏဩ) ( နိဗ္ဗာန်ႏရသာႏ၊ ယံခံႏစာꩻဗာႏဗွေႏဩ)။

ငေါဝ်းကပ်ထီEdit

ဂုဏ်ႏတောႏကွတ်ꩻစွိုး၊ စာင်ဖြွိုးလꩻခါꩻ၊ ဗွေႏဘုရာꩻယို၊ သꩻကိုရေႏမတ်၊ ယံမျတ်ဟောဝ်ငါႏ၊ ရသာႏစုံခွꩻ၊ ထီအွꩻဖုံႏယို၊ သန်ထိုစေႏတနာႏ၊ သဒ္ဓါႏကြောင်းဗွာ၊ ယောင်းငါလူႏကပ်၊ ဘုရာꩻမျတ်ဗွေႏဩ။ ယံခေါသေႏချာႏ၊ လူႏဗာႏထီယို၊ တန်ထိုလꩻပိုႏ၊ ကုသိုလ်ႏယိုနဝ်ꩻ၊ အွဥ်ႏသဝ်ꩻအလျား၊ ထိုꩻမားအတဗော့ꩻ၊ တွိုႏသော့ꩻစာင်ကြောင်း၊ ခွꩻရောင်းငိုꩻတန်ႏ၊ (နိဗ္ဗာန်ႏချံꩻသာႏ၊ ယံလꩻဗာႏဗွေႏဩ) ( နိဗ္ဗာန်ႏထီခွꩻ၊ ယံအွꩻဗာႏဗွေႏဩ)။

ငေါဝ်းကပ်ကောဝ်ႏEdit

ဂုဏ်ႏတောႏကွတ်ꩻစွိုး၊ စာင်ဖြွိုးလꩻခါꩻ၊ ဗွေႏဘုရာꩻယို၊ သꩻကိုရေႏမတ်၊ ယံမျတ်ဟောဝ်ငါႏ၊ ကဝ်ႏလာႏမိုမ်ꩻတုဲင်၊ တကုဲင်တဝ်းရင်ꩻ၊ ယောင်ꩻဆင်ꩻဖုဲင်ႏထွား၊ ခွုင်းကားကဝ်ႏယို၊ သန်ထိုစေႏတနာႏ၊ သဒ္ဓါႏကြောင်းဗွာ၊ ယောင်းငါလူႏကပ်၊ ဘုရာꩻမျတ်ဗွေႏဩ။ ယံခေါသေႏချာႏ၊ လူႏဗာႏကဝ်ႏယို၊ တန်ထိုလꩻပိုႏ၊ ကုသိုလ်ႏယိုနဝ်ꩻ၊ အွဥ်ႏသဝ်ꩻယွုတ်ꩻဆွိုး၊ ကုဲင်တဗွိုးနွုမ်ꩻသူႏ၊ ထူႏဒူမ်အွဥ်ႏချꩻ၊ ငိမ်ꩻခွꩻငိုꩻတန်ႏ၊ (နိဗ္ဗာန်ႏချံꩻသာႏ၊ ယံလꩻဗာႏဗွေႏဩ) ( နိဗ္ဗာန်ႏကဝ်ႏလာႏ၊ ယံကဥ်ႏဗာႏဗွေႏဩ)။

ငေါဝ်းကပ်မေႏEdit

ဂုဏ်ႏတောႏကွတ်ꩻစွိုး၊ စာင်ဖြွိုးလꩻခါꩻ၊ ဗွေႏဘုရာꩻယို၊ သꩻကိုရေႏမတ်၊ ယံမျတ်ရောင်ႏလေꩻ ထီႏသေလို့စွဥ်ႏ၊ တွို့ꩻကွဥ်ႏနဝ်ထင်ꩻ၊ ထင်ႏလင်ꩻကီလ၊ ယံကျလေဖေႏ၊ မေႏတေန်ꩻဖုံႏယို၊ သန်ထိုစေႏတနာႏ၊ သဒ္ဓါႏကြောင်းဗွာ၊ ယောင်းငါလူႏကပ်၊ ဘုရာꩻမျတ်ဗွေႏဩ။ ယံခေါသေႏချာႏ၊ လူႏဗာႏမေႏယို၊ တန်ထိုလꩻပိုႏ၊ ကုသိုလ်ႏယိုနဝ်ꩻ၊ အွဥ်ႏသဝ်ꩻမောဟ၊ အွဥ်ႏချꩻအဝိဇ္ဇာႏ၊ နေးဒျာႏဉာဏ်ႏမဲ့၊ စဲင်းစဲ့သေထွꩻ၊ ငိမ်ꩻခွꩻငိုꩻတန်ႏ၊ (နိဗ္ဗာန်ႏချံꩻသာႏ၊ ယံလꩻဗာႏဗွေႏဩ) ( နိဗ္ဗာန်ႏရောင်ႏသာႏ၊ ယံထီႏဗာႏဗွေႏဩ)။

ငေါဝ်းကပ်လူႏနံႏသာႏEdit

ဂုဏ်ႏတောႏကွတ်ꩻစွိုး၊ စာင်ဖြွိုးလꩻခါꩻ၊ ဗွေႏဘုရာꩻယို၊ သꩻကိုရေႏမတ်၊ ယံမျတ်ဟောဝ်ငါႏ၊ မေႏနံႏသာႏယို၊ သန်ထိုစေႏတနာႏ၊ သဒ္ဓါႏကြောင်းဗွာ၊ ယောင်းငါလူႏကပ်၊ ဘုရာꩻမျတ်ဗွေႏဩ။ ယံခေါသေႏချာႏ၊ လူႏနံႏသာႏယို၊ တန်ထိုလꩻပိုႏ၊ ကုသိုလ်ႏယိုနဝ်ꩻ၊ အွဥ်ႏသဝ်ꩻအနွုမ်ꩻကုဲင်၊ ယားပြုဲင်အနွုမ်ꩻသူႏ၊ ထူႏဒွုမ်အွဥ်ႏချꩻ၊ ငိမ်ꩻခွꩻငိုꩻတန်ႏ၊ (နိဗ္ဗာန်ႏချံꩻသာႏ၊ ယံလꩻဗာႏဗွေႏဩ) ( နိဗ္ဗာန်ႏဟွမ်သာႏ၊ ယံဒင်ႏဗာႏဗွေႏဩ)။

ကပ်ငီꩻလို့ဝင်ꩻ တလဲင်ႏချင်ꩻEdit

ဂုဏ်ႏတောႏကွတ်ꩻစွိုး၊ စာင်ဖြွိုးလꩻခါꩻ၊ ဗွေႏဘုရာꩻယို၊ သꩻကိုရေႏမတ်၊ ယံမျတ်ဟောဝ်ငါႏ၊ ရသာႏမျိုꩻအွီႏ၊ စွုမ်ႏစီႏအာစား၊ ကားသွမ်ꩻတောႏယိုႏ။ ရသာႏစုံခွꩻ၊ ထီအွꩻဖုံႏယို။ ယောင်ꩻဆင်ꩻဖုဲင်ႏထွား၊ ခွုင်းကားကဝ်ႏယို။ ယံကျလေဖေႏ၊ မေႏတေန်ꩻဖုံႏယို။ ဟွမ်မျတ်ဟဝ်ငါႏ၊ မေႏနံႏသာႏယို၊ သန်ထိုစေႏတနာႏ၊ သဒ္ဓါႏကြောင်းဗွာ၊ ယောင်းငါလူႏကပ်၊ ဘုရာꩻမျတ်ဗွေႏဩ။ ယံခေါသေႏချာႏ၊ လူႏဗာႏနုဲင်းယို၊ တန်ထိုလꩻပိုႏ၊ ကုသိုလ်ႏယိုနဝ်ꩻ၊ အွဥ်ႏသဝ်ꩻလောဘ၊ ငိမ်ꩻခွꩻငိုꩻတန်ႏ၊ နိဗ္ဗာန်ႏချံꩻသာႏ၊ ယံလꩻဗာႏဗွေႏဩ။

ဖန်းဖေႏကုသိုလ်ႏEdit

ကမာꩻကျိုꩻလိုႏ၊ ကုသိုလ်ႏပွန်းဆꩻ၊ ယံလꩻတွာတွာ၊ မွိုးဖါဆရာႏ၊ ယိုꩻယာႏဖူးဝေး၊ ပွေါးမွေးနီနမ်း၊ ကမ်းဖေႏနီဒုံ၊ ပွေါးအုံနီရပ်၊ လူꩻမျတ်တနံ၊ လူꩻတန်လစ်ꩻဖြာꩻ၊ နီနာꩻထိန်ꩻတီ၊ လူꩻထီလူꩻဟံႏ၊ အဝ်ႏခံႏမို့ꩻနာ၊ ပွေါးတခြာသေင်ႏဝါႏ၊ လူꩻဒါႏလူꩻမျတ်၊ အရပ်လစ်ꩻဖဲင်ႏ၊ အစဲင်ႏလစ်ꩻနား၊ ခွုင်းကားကီလ၊ ဒေသဗော့ꩻညာꩻ၊ သီကျာꩻဗြဟ္မာႏ၊ ဒေဝါႏယက္ခ၊ ယမခွန််ဖီ၊ သွံဆီတဒုံ၊ အဝ်ႏအုံသော့ꩻဒါႏ၊ သတ္တဝါႏလူꩻလိုꩻ၊ နီကကျိုꩻလိုႏ၊ ကုသိုလ်ႏပွန်းဆꩻ၊ ယံလꩻတွာတွာ၊ ဖန်းပါဖေႏယောင်း၊ အင်ဖြောင်းသာႏဓု၊ စုစုဗူႏဗူႏ၊ မူႏမူႏခိုခို၊ ထူႏတွာတွာသွော့၊ ကုသိုလ်ႏယိုနေား ဗွေႏသီးဩ။ ၁၃၄၄-ဗာႏ၊ လာတင်ꩻကျွစ်ဆန်ꩻ (၁၁)နီꩻ၊ (၂၈-၁၀-၈၂) [1]

အာႏကွိုꩻEdit

  1. ဘုရာꩻလောင်ꩻမျတ် ခွန်သီႏထတ်လိတ်ဖွူꩻ (စင်ꩻတန်-သီႏသဲင်ႏတဲမ်း)