Wp/blk/ခွေမွိုးဖါ မိဉ်ႏအဝ်ႏနဝ်ꩻ

< Wp‎ | blkWp > blk > ခွေမွိုးဖါ မိဉ်ႏအဝ်ႏနဝ်ꩻ

ခွေမွိုးဖာ မဥ်ႏအဝ်ႏကဒွိုန်းနဝ်ꩻ တင်ꩻကျွစ်ဒဲဥ်ဟားလွုမ်ꩻမကာႏ အခိန်ႏတွိုင်ꩻ ခွေမဲဥ်ဖြော်ဆပ်ချာငါႏ ကေꩻဇူꩻဒျာႏ၊

ခွေမွိုးဖာ မဥ်ႏအဝ်ႏကဒွိုန်းနဝ်ꩻ အွီႏမုဲင်ꩻရာꩻ ယံမုဲင်ꩻရာꩻ ဆန်ꩻမုဲင်ꩻရာꩻ ခွေဖေႏအံႏသွူးသွူးစွဉ်ႏ မွိုးဖာဒျာႏ၊

ခွေမွိုးဖာ မဥ်ႏအဝ်ႏကဒွိုန်းနဝ်ꩻ အခွꩻအလျား ဖေႏကညီႏတဲင် လွောက်ဖက်ꩻရာꩻဥတုရာႏသီႏ ခွေဖေႏစွဉ်ႏဒျာႏ ဆဲင်ꩻခွမ်ꩻလာꩻ အစားဟဝ် အစားယံသေႏချာႏ၊

ခွေမွိုးဖာ မဥ်ႏအဝ်ႏကဒွိုန်းနဝ်ꩻ ဖြားသꩻဆွော့ꩻတာႏ ဖေႏကထွာ စွုမ်ႏနီꩻဟာ မဲဥ်ဟော်ꩻနယ်ငါႏ တရာꩻလိတ်စောင်ႏအမျိုꩻမျိုꩻဖုံႏ၊

ခွေမွိုး မဥ်ႏအဝ်ႏကဒွိုန်းနဝ်ꩻ ခွေဖာ မဥ်ႏအဝ်ႏကဒွိုန်းနဝ်ꩻ မွိုးဖာသီး သ့ꩻဆန်ဒအတွိုင်ꩻ မဲဥ်မာꩻဖေႏလို့လို့စွဥ်ႏဒျာႏ၊

ကွယ်ႏတွော့ꩻ နုဲင်းယိုခါ မွိုးဖာတအဝ်ႏတဝ်းဒွုမ် ပိုယိုအတာႏ မွိုးဖာကေꩻဇူꩻယို အာတတွာမုဲင်ꩻ တန်တတွာမုဲင်ꩻ အဝ်ႏသေဒျာႏလဲ့ ဆပ်ချာခွင်ꩻတအဝ်ႏဒွုမ် ဖြော်ချာခွင်ꩻတအဝ်ႏဒွုမ်သွူ၊

ပွိုးနုဲင်းယိုမꩻ ဖူးခိုဖူးမူႏပေႏသီးဖုံႏ မွိုက်ခွိုက် မွိုးဖာနီပါꩻ အဝ်ႏနေကတွင်ꩻ ဆပ်ချာလꩻလꩻသွော့ ကေꩻဇူꩻနေား ဖြော်ချာထွာထွာသွော့ ကေꩻဇူꩻနေား၊ မွိုးဖာသီးအလောင်း ကလိုႏလꩻထွိုက်ဒါႏ ကုသိုလ်ႏယို ထူႏလꩻလꩻသွော့နေား။[1]

အာႏကွိုꩻEdit

  1. မောင်ႏခွန်ဗွေႏ (ပညာႏယောင်ꩻဟေ့ꩻ) 19.10.2021