Wp/blk/ခွိုꩻနွယ်ႏထုင်ꩻစံႏ ယံထိုꩻမားမွုန်းအတာႏ

< Wp‎ | blkWp > blk > ခွိုꩻနွယ်ႏထုင်ꩻစံႏ ယံထိုꩻမားမွုန်းအတာႏ

ခမ်းဖာႏလောင်းကီ လိုꩻမျိုꩻတွိုင်ꩻ လိုꩻမျိုꩻလက္ခဏာႏ အဝ်ႏလွ ပငါပရာꩻနဝ်ꩻသွူ။

လိတ်လုဲင်ꩻ/ငဝ်းငွါ ကွဉ်က့ꩻခွမ်ꩻလာꩻ/ယိုꩻယာႏဓလေ့ထွုံꩻစံႏဖုံႏယို ထွာလိုꩻမျိုꩻနဝ်ꩻတမျိုꩻ အလက္ခဏာႏနဝ်ꩻသွူ။

လက္ခဏာႏတစွိုးတမျိုꩻ မဉ်ႏပြဲ့ꩻစွုမ်ႏတဝ်းနဝ်ꩻ ကခံႏထူႏဒါႏ လိုꩻမျိုꩻနဝ်ꩻတမျိုꩻ အမဉ်ꩻနဝ်ꩻခ့ꩻလသား လိုꩻဖုံႏယို မဲ့ငါပေႏဗာႏနဝ်ꩻသွူ။

နဝ်ꩻမꩻ ဝင်ꩻကတယ်ႏထောင်ႏဒါႏ လိုꩻမျိုꩻတမျိုꩻနဝ်ꩻ လိုꩻမြိုꩻလက်ခဏာႏ ဖေႏကပြဲ့ꩻစွုမ်ႏအီအတာႏ နမ်းပဲင်ႏငဝ်းငွါ ဖေႏကအဝ်ႏ နမ်းပဲင်ႏလိတ်လုဲင်ꩻ ဖေႏကအဝ်ႏ နမ်းပဲင်ႏခွမ်ꩻလာꩻ ဖေႏကအဝ်ႏ နမ်းပဲင်ႏထွုံꩻစံႏ ဖေႏကအဝ်ႏ နမ်းပဲင်ႏယိုꩻယာႏ ဖေႏကအဝ်ႏနဝ်ꩻ လိုꩻဖြားစခါ ဝင်ꩻအွဉ်ႏကုဲင်သေꩻခါꩻဖေႏ နီနာꩻသီးအတာႏနဝ်ꩻသွူ။

ဥပမာႏ(လိုꩻတဖြာꩻ တယ်ႏကလွူးလင်ꩻစ စူလက္ခဏာႏ ပါတဝ်းမွိုင် ခင်ႏလက္ခဏာႏ ပါတဝ်းမွိုင် စူတပွတ်ꩻ/ခင်ႏထို့မွိုင် မဉ်ႏတန်တနီꩻခါ မဉ်ႏနွို့အမျာꩻခြာ မဲ့ငါပေႏတခွိုင်းမုဲင်ꩻ သ့ꩻပေႏတခွိုင်းမုဲင်ꩻ ကရိုꩻနဝ်ꩻ လိုꩻသီးသဘာဝအလ့ꩻ ရံꩻဆလꩻစွဥ်ႏနဝ်ꩻသွူ။) ယိုတဲ့နုဲင်းနဝ်ꩻနေနေ ဝင်ꩻခြာသူꩻ ခွိုꩻနွယ်ႏမဲ့ငါဖေႏကပေႏဗာႏမွိုန်းနဝ်ꩻ ငဝ်းငွါ/လိတ်လုဲင်ꩻ/ကွဉ်ကꩻ/ထုင်ꩻစံႏဖုံႏယို အဝ်ႏလိုႏထိန်ꩻသိမ်ꩻဒါႏဒါႏ နီမဉ်ႏတထိန်ꩻသိမ်ꩻ သေꩻခါꩻတဝ်း တနီꩻခါ ပိုစိုးလီꩻစိုးသူꩻ မဲ့ငါအီႏပေႏဗာႏထာꩻနဝ်ꩻသွူ။

နမ်းပဲင်ႏငဝ်းငွါ အဝ်ႏဒျာႏလဲ့ ထိန်ꩻသိမ်ꩻတဝ်း ဟွိုန်အွီႏတဝ်း လွေꩻထိန်ꩻသိမ်ꩻဖေႏတေားဒျာႏ ဝင်ꩻငဝ်းငွါ ဦးဦး ဒေါ်ဒေါ်မကောင် မမ ဦးလေး အန်တီမကောင်... အလင်တဲ့ အာတန်ဒျာႏနဝ်ꩻသွူ။ နဝ်ꩻမꩻလိုꩻမျိုꩻတမျိုꩻ ထွုံꩻစံႏဖုံႏယို လိုꩻဖြားစိုးနဝ်ꩻ ဝင်ꩻထိန်ꩻသိမ်ꩻဖေႏလဲဉ်း အဝ်ႏကုဲင်နီခွိုꩻသွုပ်စိုးယို နီမဉ်ႏထိန်ꩻသိမ်ꩻတဝ်းနဝ်ꩻ တွိုႏပိုစိုးလီꩻစိုးမဲ့ꩻ လွေꩻထူႏလဗာႏယင်း ဝင်ꩻငဝ်းငွါ ဦးဦး ဒေါ်ဒေါ် ဖုံႏနေား။ တွိုႏခိန်ႏနဝ်ꩻမ့ꩻ လိုꩻမျိုꩻငဝ်းငွါ အထိုꩻမားထိုꩻ ခွိုꩻသွုပ်အစိုးမုဲင်ꩻနဲး ဝင်ꩻမိဉ်ႏထောင်ချာ တရာꩻခံႏမဲ့ꩻ နီယိုဖေႏကထွာမွိုန်းသွော့ တရာꩻခံႏနဝ်ꩻ အဝ်ႏလိုႏသေနမ်းနဝ်ꩻသွူ။[1]

အာႏကွိုꩻEdit

  1. ဖြားဒဲဉ်ဖို့ꩻ၊ ခွန်ဗိုလ်ဥတ် နဟပ