Wp/blk/ခွန်တန်ဗိမ္ဗိသာရ

< Wp‎ | blkWp > blk > ခွန်တန်ဗိမ္ဗိသာရ

"လိတ်ဗွောင်မဲ့နား-ဟောဝ်ဟော်ꩻထွား အမုဲင်(၂)"

နီဗွေႏဘုရာꩻတွမ်ႏ တပဲ့ꩻရဟန်ꩻဖုံႏ ဖျော်လွဥ်ဝေင်ꩻရာႏဇဂျိုဟ်ႏ အုံသတင်ꩻသွုံꩻ ခြုံႏမွူးဆန်ဆလ၊ လိုꩻအာမရမက လွဥ်ဝုဲင်ႏလွ နီဗွေႏဘုရာꩻ၊ ခွန်တန်ဗိမ္ဗိသာရ လောဝ်းဗွေႏဘုရာꩻနုဲင်းယို-

"ဘုရာꩻဗွေႏမျတ် ဗွေႏဩ -

၁။ ခွေသွဥ်း ခါးလားကထွာခွန်နဝ်ꩻ "ခွေမဥ်ႏထွာဗာႏခွန်နဝ်ꩻ ယံဟောဝ်ငါႏဟွေး" ကော့ꩻမောင်ꩻဖိုနုဲင်းနဝ်ꩻ၊ ယိုခါ ထွာဗာႏလဲဥ်းခွန်၊ ဆန္ဒဗွေလဲဥ်း။

၂။ ခွေမဥ်ႏထွာထွူခွန်နဝ်ꩻ "ဗွေႏဘုရာꩻ မဥ်ႏကျွꩻလွဥ်နောဝ်ꩻ ယံဟောဝ်ငါႏဟွေး" ကော့ꩻမောင်ꩻဖိုနုဲင်းနဝ်ꩻ၊ ယိုခါ ဗွေႏဘုရာꩻကျွꩻလဲဥ်း၊ ဆန္ဒဗွေလဲဥ်း။

၃။ "ခွေမဥ်ႏလွေꩻထေ့ မဥ်ႏတရေ့ဆယ်ꩻကပ်ဗာႏ ဗွေႏဘုရာꩻနဝ်ꩻ ယံဟောဝ်ငါႏဟွေး"ကော့ꩻမောင်ꩻဖိုနုဲင်းနဝ်ꩻ၊ ယိုခါ လွဥ်ထေ့ဗာႏလဲဥ်း ဗွေႏဘုရာꩻ၊ ဆယ်ꩻကပ်ဗာႏလဲဥ်း ဗွေႏဘုရာꩻ၊ ဆန္ဒဗွေလဲဥ်း။

၄။ "ဗွေႏဘုရာꩻ မဥ်ႏဟော်ꩻဖေႏခွေတရာꩻနဝ်ꩻ ယံဟောဝ်ငါႏဟွေး"ကော့ꩻမောင်ꩻဖိုနုဲင်းနောဝ်ꩻ၊ ယိုခါ ဗွေႏဘုရာꩻ ဟော်ꩻဖေႏလဲဥ်းတရာꩻ၊ ဆန္ဒဗွေလဲဥ်း။

၅။ "ဗွေႏဘုရာꩻ ကဟော်ꩻဖေႏဒါႏ တရာꩻယာႏယို ခွေမဥ်ႏသေနာႏနဝ်ꩻ ယံဟောဝ်ငါႏဟွေး" ကော့ꩻမောင်ꩻဖိုနုဲင်းနဝ်ꩻ၊ ယိုခါ ခွေသွဥ်းဆန္ဒဗွေလဲဥ်းသွူ ဗွေႏဩ" လောဝ်းနီဗွေႏဘုရာꩻ နုဲင်းနောဝ်ꩻသွူ။

နုဲင်းမွူးရောဝ်ꩻ ပင်ꩻသွုံꩻသွမ်ꩻဟော်ကို၊ သွုံꩻသွမ်ꩻထွူ အီႏနာႏသွူတရာꩻ၊ ခွန်တန်စဥ်ꩻစာꩻယူႏနုဲင်းယို- "ခွေဝေဠုဝွန်ႏဥယျာဥ်ႏခြံသူꩻနဝ်ꩻ တွမ်ႏဒုံတဲ့ တဗော့ꩻငါႏတဝ်း၊ တညာꩻငါႏတဝ်း၊ တဖူꩻလွေꩻသဲင်ꩻတဲ့ရော့ꩻဒျာႏ၊ လိုꩻကမဥ်လွေꩻဝုဲင်ႏဘုရာꩻသားတာႏတဲ့ လွေꩻသဲင်ꩻယိုꩻဒျာႏ၊ မွူးယာခိုႏတဲ့ တွမ်ႏလိုꩻလမ်း တရော်ꩻရယ်ꩻတဝ်း၊ မွူးဟာခိုႏတဲ့ လိုꩻငေါဝ်းယေန်ဒျာႏ၊ ဟွုန်တဝ်း လိုꩻဝေင်ꩻလိုꩻဒုံရောင်ထာꩻ၊ နွုမ်ꩻတဝ်းလိုꩻသီးဖုံႏအလွီး၊ အုံဗဥ်ႏဗဥ်ႏဗꩻဗꩻထာꩻ (အားထွုတ်တေ့ꩻတရာꩻ)ဟောဝ်ငါႏ၊ ဗွေႏဘုရာꩻ' ဗွေႏသံဃာႏသီး အုံသတင်ꩻသွုံꩻသော့ꩻ ရော့ꩻဟောဝ်မွေးစွဥ်ႏထာꩻ၊ ခွေဝေဠုဝွန်ႏဥယျာဥ်ႏသူꩻ ခွေမဥ်ႏလူႏဗာႏ ဗွေႏဘုရာꩻအွဥ်ငါ ပါတွမ်ႏသံဃာႏနဝ်ꩻ ယံဟောဝ်ငါႏမွော့ဟွေး"ယူႏစွေးတေ့ꩻနုဲင်းနဝ်ꩻ။

ယူႏနုဲင်းနောဝ်ꩻထွူတွော့ꩻ ခွန်တန်ဗိမ္ဗိသာရနောဝ်ꩻ ထူႏထီဆျာꩻတာႏ လောဝ်းစွဥ်ႏဒျာႏ နီဗွေႏဘုရာꩻနုဲင်းယို- "ဩဗွေႏ - ခွေသွဥ်း ဝေဠုဝွန်ႏဥယျာဥ်ႏခြံသူꩻနောဝ်ꩻ အဝ်ႏလူႏဒျာႏဗွေႏဘုရာꩻ တွမ်ႏ ဗွေႏသံဃာႏသီး ဗွေႏဩ" လောဝ်းနုဲင်းနဝ်ꩻထွူတဲင် နီဗွေႏဘုရာꩻတဲ့ လက်ခံႏ၊ ဟော်ꩻဖေႏကျောင်ꩻကျိုꩻ၊ လူꩻလိုꩻယံလꩻပီပီ ဆျာထီဖန်းဖေႏ ကုသိုလ်ႏနောဝ်ꩻသွူ။ (၀ိနယ၊ မဟာ၀ဂ္ဂပါဠိတောႏ၊ မဟာခန္ဓက) [1][2]

အာႏကွိုꩻEdit

  1. လိတ်ဗွောင်မဲ့နားအမုဲင်(၂)
  2. ဗွေႏဗွန်-ကော၀ိဒ၊ ဇ၀နာရာမသီႏသဲင်ႏ