Wp/blk/ခွင်ꩻဒျာႏဆို့ꩻကျောင်ꩻတာႏ

< Wp‎ | blkWp > blk > ခွင်ꩻဒျာႏဆို့ꩻကျောင်ꩻတာႏ

"၀ိဟာရ+အနုဇာနန"-ဗွေႏမျတ်ခွင်ꩻဒျာႏ ဆို့ꩻကျောင်ꩻတာႏ"

နီဗွေႏဘုရာꩻ အဝ်ႏအုံရာႏဇဂျိုဟ်ႏခမ်း၊ ကျောင်ꩻဝေဠုဝွန်ႏကိုအတွင်ꩻ ဗွေႏစင်ꩻဗွေႏသံဃာႏတာႏ ကျောင်ꩻဝိဟာႏ "ပညတ်ဗာႏဒွိုန်း-ဖေႏခွင်ꩻဗာႏဒွိုန်း"နောဝ်ꩻသွူ။ ကွပ်နဝ်ꩻမꩻ ဗွေႏရဟန်ꩻဖုံႏနဝ်ꩻ- အုံဒျာႏသေင်ႏဆလတဲ့အဝ်ႏ၊ အုံဒျာႏခြောက်ꩻကိုတဲ့အဝ်ႏ၊ အုံဒျာႏထမ်းကိုတဲ့အဝ်ႏ၊ အုံဒျာသင်ႏခဲင်ꩻကိုတဲ့အဝ်ႏ၊ အုံဒျာႏဗေဖူပွုမ်ႏကိုတဲ့နဝ်ႏ၊ ဖုဲင်ႏရာꩻအုံသော့ꩻ-ရောꩻ့ရာꩻအုံလင်ꩻ ဗွေႏစင်ꩻသီးဖုံႏ အုံသော့ꩻဗာႏတဝ်း ခင်ႏလမ်းဟောဝ်ဟောဝ်ကို၊ ကိန်ꩻသော့ꩻဗာႏတဝ်း ခင်ႏလမ်းဟောဝ်ဟောဝ်ကိုနောဝ်ꩻသွူ။ တွိုႏတရော၀်ꩻ စောဝ်းစောဝ်းအခိန်ႏခါႏ- ရာႏဇဂျိုဟ်ႏသဌေꩻ လွေꩻစောဝ်းဥယျာဥ်ႏခြံ၊ တဖူꩻလောင်းနဝ်ꩻ ထီႏခန်း ဗွေႏသံဃာႏသီး အဝ်ႏသေင်ႏဆလ ထွိုင်ႏလွဥ်၊ အဝ်ႏသဲင်ႏခဲင်ꩻကိုထန်ႏလွဥ်၊ အဝ်ႏဗေဖူပွုမ်ႏကိုထန်ႏလွဥ်-ထီႏဗာႏစနဲင်းနဝ်ꩻဖုံႏ၊ ဗွေႏသံဃာႏသီးဖုံႏနဝ်ꩻ ကသမ်းယေန်ႏကေႏ၊ ဣန္ဒြေႏကသမ်းဟောဝ်တွော့ꩻ ရာႏဇဂျိုဟ်ႏသဌေꩻ သဲစ်ကထီႏဗာႏတဲ့ စေႏတနာႏသဒ္ဓါႏတရာꩻထွာလွဥ်၊ သꩻထာꩻကေႏညိုႏပေါႏလွဥ်ထွူစွဥ်ႏတဲင် လွေꩻထေ့ ဗွေႏသံဃာႏသီးထျꩻ လောဝ်းရီနုဲင်းယို- "တကာႏခွေသွဥ်း မဥ်ႏဆို့ꩻလူႏ နီဗွေႏသီးကျောင်ꩻနဝ်ꩻ နီဗွေႏသီး အီႏအုံသော့ꩻနေဟောင်း ဗွေႏဩ" "အုံသော့ꩻဒါႏမကောင်၊ ဒါႏတောဝ်းမကောင် ဆရာႏဗွေႏဘုရာꩻ ဖေႏခွင်ꩻခါꩻတဝ်းဒွိုန်း ဗွေႏစင်ꩻသီးယို" "ပေါႏနဝ်ꩻတဲ့ နီဗွေႏသီး လောဝ်းဗွေႏဘုရာꩻနဝ်ꩻလုဲင်းဗွေႏ၊ ဗွေႏဘုရာꩻ မဥ်ႏဖေႏခွင်ꩻဒျာႏတဲ့ ဒေါ့ꩻနယ်ယင်းခွေသွဥ်းဟုဲင်း ဗွေႏဩ" ဝွေꩻဗွေႏသီး လွေꩻလောဝ်း ဗွေႏဘုရာꩻ၊ ဗွေႏဘုရာꩻ ဖေႏခွင်ꩻဒျာႏတဲင် ဝွေꩻဗွေႏသီး သဲင်ꩻဒေါ့ꩻနယ်ယင်း ရာႏဇဂျိုဟ်ႏသဌေꩻ၊ သꩻရောင်းသꩻရေꩻ ရာႏဇဂျိုလ်ႏသဌေꩻ ဟဲ့ꩻတွမ်ႏလိုꩻခူꩻလိုꩻဝေင်ꩻ လိုꩻဒုံဖုံႏတွော့ꩻ တပါꩻအုံသော့ꩻတာႏ ကျောင်ꩻဝါႏသꩻမီꩻ၊ တနီꩻချင်ꩻ ထွူစွဥ်ႏ အဖြုံႏသူဆီနောဝ်ꩻသွူ။ မွူးရောဝ်ꩻ အီႏနာႏကျောင်ꩻကျိုꩻ၊ ပင်ꩻဗွေႏဘုရာꩻတွမ်ႏ ဗွေႏသံဃာႏ၊ ရာႏဇဂျိုဟ်ႏသဌေꩻ ကပ်သွမ်ꩻဝွေꩻလမ်း၊ ကပ်သွမ်ꩻထွူ အီႏနာႏသွူတရာꩻ၊ ရာႏဇဂျိုဟ်ႏသဌေꩻလောဝ်း ဗွေႏစောဝ်းဘုရာꩻနုဲင်းယို- "ကထာဟ့ ဘန္တေ တေသု ဝိဟာရေသု ပဋပဇ္ဇာမိ- ကျောင်ꩻဖုံႏနဝ်ꩻအတွက်တာႏ အီႏလူႏဗာႏ အပွုံႏအနယ်ꩻမုဲင်ꩻ ဗွေႏဩ" "အာဂတာ နာဂတဿ စာတုဒ္ဒိသဿ သံဃဿ ပတိဋ္ဌာပေဟိ- ယိုခါဆုဲင်ꩻတာႏ လူႏသံဃာႏ တွို့ꩻကွဥ်ႏနောဝ်ထင်ꩻနောဝ်ꩻဟုဲင်း" နီဗွေႏဘုရာꩻနမ်းနမ်း ဟော်ꩻဖေႏကျောင်ꩻကျိုꩻ လူꩻလိုꩻသာႏဓု၊ တဲႏနဝ်ꩻမာꩻငါ ဗꩻစွဥ်ႏယိုခါ ဗွေႏသံဃာႏသီး အုံဗာႏချမ်ꩻချမ်ꩻသာႏသာႏ ကျောင်ꩻကိုနောဝ်ꩻသွူ။(ဝိနယ်ꩻပိဋကတ်၊ စူဠဝဂ္ဂပါဠိတောႏ၊ သေနာသနက္ခန္ဓက)[1][2]

အာႏကွိုꩻEdit

  1. လိတ်ဗွောင်မဲ့နား(၂၂)
  2. ဗွေႏဗွန်-ကောဝိဒ(သီႏသဲင်ႏ)