ခြုံꩻခြောင် (အဲင်းကလေတ်: Salween river) (မန်း: သံလွင်မြစ်) ယို မျန်မာခမ်းထီ အကို ထွာဒျာႏ အဆွာꩻသွတ်ꩻ ခြောင်တဖြုံႏသွူ။ နဝ်ꩻထွူတကာႏတောဝ်း ကမ္ဘာႏလောင်ႏ ထွာဒျာႏ သာႏယာႏသွတ်ꩻ တွမ်ႏ ထီခြောင် ထီထွတ်ꩻအကျမ်ꩻသွတ်ꩻ ခြောင်ဒျာႏသွူ။ အဝ်ႏပင်ႏလယ်ႏခိုႏဆကီꩻထိုꩻလွေꩻ မီတာ ၄၀၀၀ လွိုꩻတဲင် အဝ်ႏဒျာႏ ဟိမဝန္တာႏကောင်တန်အလောင်း တိဘက်ဒေႏသသူꩻ ထွတ်ꩻရွယ်ႏလင်ꩻဒျာႏသွူ။ ခြောင်ယိုနဝ်ꩻ ခယ်ႏခမ်းထီ၊ ယူနင်ခမ်းနယ်ႏ ကောင်ရွေꩻကအာဒါႏ ဒေႏသကိုတယောဝ်း၊ မျန်မာခမ်းထီကို ဖြဝ်ꩻခမ်းနယ်ႏ၊ စောက်ꩻတနျာႏခမ်းနယ်ႏ၊ စောက်ခမ်းနယ်ႏ တွမ်ႏ မဲင်ꩻခမ်းနယ်ႏ ဖုံႏ၊ ပါတွမ်ႏ ထုဲင်ႏခမ်းကို ခမ်းကူဟံႏနယ်ႏ ကီလိုမီတာ ၁၂၀ လွို တဆေ့ꩻပေႏဖုံႏလဲ့ပါပါ၊ အဝ်ႏကာႏထွတ်ꩻရွယ်ႏ လင်ꩻဒျာႏသွူ။ အဝ်ႏမျန်မာခမ်းထီ၊ မဲင်ꩻခမ်းနယ်ႏ ကို ဝေင်ꩻတန်မောႏလမျင်ႏထျꩻ မုတ္တမပင်ႏလယ်ႏအဲဉ်ႏ ထျꩻတဲင် ထွတ်ꩻနွို့သွော့ꩻဒျာႏ ဗဉ်းဂလားပင်ႏလယ်ႏ(အန်ဒမန်ပင်ႏလယ်ႏ) ကိုသွူ။ အဆွာꩻခြွဉ်းနဝ်ꩻအဝ်ႏ မဲင်ႏ ၁၇၄၉ (ကီလိုမီတာ ၂၈၁၅ ) တဲ့ အဝ်ႏမျန်မာခမ်းထီကို အဆွာꩻနဝ်ꩻ မဲင်ႏ ၆၅၀ လွုမ်ꩻသွူ။ ခြောင်ယိုနဝ်ꩻ ထွတ်ꩻရွယ်ႏကာႏဒင်ႏ တခမ်းထွူတခမ်းတဲ့ ခမ်းကွဉ်ႏနောဝ်အာသျꩻဒေႏသကိုယို မဲ့ခေါဝ်ႏခြောင်မိဉ်းထွူနဝ်ꩻ ဒုတိယ အဆွာꩻသွတ်ꩻခြောင်ဒျာႏသွူ။ နဝ်ꩻလွုမ်ꩻတကာႏတောဝ်း ခမ်းကွဉ်ႏနောဝ်အာသျꩻဒေႏသကိုယို ထီရဲးတွိုင်ꩻခါꩻထီလောင်ႏတန်ဖုံႏ အောဝ်ႏတဝ်းဒွုန်းတဲင် ခြောင်ယိုနောဝ်ꩻ အဝ်ႏထွတ်ꩻရွယ်ႏ သားယာႏဟောဝ်ငါႏဒျာႏသွူ။
| ခြုံꩻခြောင် | |
|---|---|
| Lua error in package.lua at line 80: module 'Module:Wp/blk/i18n' not found. | |
 ခြုံꩻခြောင်ထွတ်ꩻကာႏလင်ꩻပုင်ႏ | |
| ခမ်းထီ | ခယ်ႏခမ်းထီ၊ မျန်မာခမ်းထီ၊ ထုဲင်ꩻခမ်းထီ |
| ခယ်ႏ (PRC) | တိဗဲက်နမ်းပဲင်ႏအိုပ်ချုပ်ခွင်ꩻလꩻဒေႏသ၊ ယူနန်ခမ်းနယ်ႏ |
| မျန်မာ | ဖြဝ်ꩻခမ်းနယ်ႏ၊ စောက်ꩻတနျာႏခမ်းနယ်ႏ၊ စောက်ꩻခမ်းနယ်ႏ၊ မဲင်ꩻခမ်းနယ်ႏ |
| ထုဲင်ꩻ | မဲးဟောင်သွဉ်ခမ်းနယ်ႏ |
| အချက်လက်ဖုံႏ | |
| ထွတ်ꩻလင်ꩻစ | တောင်ကုလ ကောင်ရွေꩻခြောင်ႏ တိဗဲက်ဒေႏသ၊ ခယ်ႏခမ်းထီ |
| ထွတ်ꩻနွို့သော့ꩻ | အန်ဒမန်ပင်ႏလယ်ႏ မောႏလမဲင်ႏ၊ မျန်မာ |
| အဒွောင်ႏအဆွာꩻ | ၂၀၄၃.၆၉ မဲင်ႏ (၃၂၈၉ ကီလိုမီတာ) units? |
| ခြောင်ထွတ်ꩻလင်ꩻအသောင်ရင်ꩻထာꩻပြင်ႏ အချက်လက်ဖုံႏ | |
| စဲဉ်ႏဆက်ထင်ႏထိုမုꩻ | လဲဉ်းခြောင်၊ ပန်ခြောင်၊ တဲဉ်းခြောင်၊ ပေါင်ခြောင် |
| ခြောင်ဖြယ်ပေႏဖုံႏ | |
အာႏကွိုꩻEdit
- en.wikipedia.org
| en:Wikimedia Commonsကိုနဝ်ꩻ တောမ်ႏSalween Riverယို ကဆဲင်ႏဒါႏ မီဒီယာအဝ်ႏသြ။ |
- ↑ မြန်မာ့စွယ်စုံကျမ်း၊ အတွဲ(၁၃)