Wp/blk/ချင်ꩻချင်ꩻမရက်-အဝ်ႏဆီချက်

< Wp‎ | blkWp > blk > ချင်ꩻချင်ꩻမရက်-အဝ်ႏဆီချက်

"နပ္ပိယသုတ် (ချင်ꩻချင်ꩻမရပ်-အဝ်ႏဆီချက်)" ရဟန်ꩻသီးဖုံႏဟွေး- ၁။ ဣဓ ဘိက္ခု အဓိကရဏိကော ဟောတိ- သာႏသနာႏတောႏကိုယို ရဟန်ꩻနဝ်ꩻ ဒါႏအမာꩻတရေင်ထာꩻလွုမ်ꩻ၊ ထာꩻတရေင် ဖေႏကဖေ့ငိမ်ꩻနဝ်ꩻ မာꩻဒါႏတဝ်း၊ အံႏဖြာႏဒါႏတဝ်း ထာꩻဖေ့ငိမ်ꩻကေꩻဇူꩻ၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရက်လို့ဝင်ꩻ၊ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ တထွာတဝ်းနဝ်ꩻသွူ။ ၂။ ပုန စပရံ ဘိက္ခု န သိက္ခာကာမော ဟောတိ- ခꩻတမျိုꩻ- ရဟန်ꩻနဝ်ꩻ လိုႏတဝ်းသိက္ခာႏ၊ အံႏဖြာႏဒါႏတဝ်း သိက္ခာႏကေꩻဇူꩻ၊ ပေါႏထွာနုဲင်းနဝ်ꩻနဝ်ꩻ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရက်လို့ဝင်ꩻ၊ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ တထွာတဝ်းနဝ်ꩻသွူ။ ၃။ ပုန စပရံ ဘိက္ခု ပါပိစ္ဆော ဟောတိ- ခꩻတမျိုꩻ- ရဟန်ꩻနဝ်ꩻ လိုႏထာꩻယွုတ်၊ ပယ်ႏထိုꩻထာꩻယွုတ် အကျိုꩻကေꩻဇူꩻနဝ်ꩻ အံႏဖြာႏဒါႏတဝ်း၊ ပေါႏထွာနုဲင်းနောဝ်ꩻနောဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ တထွာတဝ်းနဝ်ꩻသွူ။ ၄။ ပုန စပရံ ဘိက္ခု ကောဓနော ဟောတိ- ခꩻတမျိုꩻ- ရဟန်ꩻနဝ်ꩻ 'ဒေါသထန်ႏ-သꩻလျားဒါႏထာꩻ'၊ ပယ်ႏထိုꩻဒေါသ အကျိုꩻကေꩻဇူꩻတရာꩻနဝ်ꩻ အံႏဖြာႏဒါႏတဝ်း၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ တထွာတဝ်းနဝ်ꩻသွူ။ ၅။ ပုန စပရံ ဘိက္ခု မက္ခီ ဟောတိ- ခꩻတမျိုꩻ- ရဟန်ꩻနဝ်ꩻ 'ယားဒါႏဝင်ꩻကေꩻဇူꩻ'၊ အံႏဖြာႏဒါႏတဝ်း ကေꩻဇူꩻတရာꩻ၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ တထွာတဝ်းနဝ်ꩻသွူ။ ၆။ ပုန စပရံ ဘိက္ခု သဌော ဟောတိ- ခꩻတမျိုꩻ- ရဟန်ꩻနဝ်ꩻ 'သꩻတကဲင်ႏတန်'၊ ပယ်ႏထိုꩻသꩻတကဲင်ႏ အကျိုꩻကေꩻဇူꩻနဝ်ꩻ အံႏဖြာႏဒါႏတဝ်း၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ တထွာတဝ်းနဝ်ꩻသွူ။ ၇။ ပုန စပရံ ဘိက္ခု မာယာဝီ ဟောတိ- ခꩻတမျိုꩻ- ရဟန်ꩻနဝ်ꩻ 'အုံထာꩻအဝ်ႏမဥ်အံႏလဲဥ်စွဥ်ႏဝင်ꩻလူမ်ꩻ' ပယ်ႏထိုꩻသꩻမဥ်လဲဥ်အံႏဝင်ꩻ အကျိုꩻကေꩻဇူꩻနဝ်ꩻ အံႏဖြာႏဒါႏတဝ်း၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ တထွာတဝ်းနဝ်ꩻသွူ။ ၈။ ပုန စပရံ ဘိက္ခု ဓမ္မာနံ နိသာမကဇာတိကော ဟောတိ- ခꩻတမျိုꩻ- ရဟန်ꩻနဝ်ꩻ 'ဆောင်ႏခါꩻတဝ်းတရာꩻ'၊ ဆောင်ႏခါꩻတရာꩻကေꩻဇူꩻနဝ်ꩻ အံႏဖြာႏဒါႏတဝ်း၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ တထွာတဝ်းနဝ်ꩻသွူ။ ၉။ ပုန စပရံ ဘိက္ခု န ပဋိသလ္လီနော ဟောတိ- ခꩻတမျိုꩻ- ရဟန်ꩻနဝ်ꩻ 'အုံခေါ်ခေါ်တပါꩻဒါႏတဝ်း'၊ အုံခေါ်ခေါ်တပါꩻ အကျိုꩻကေꩻဇူꩻနဝ်ꩻ အံႏဖြာႏဒါႏတဝ်း၊ ပေါႏထွာနုဲင်းနောဝ်ꩻနဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ တထွာတဝ်းနဝ်ꩻသွူ။ ၁၀။ ပုန စပရံ ဘိက္ခု သဗြဟ္မစာရီနံ န ပဋိသန္ထာရကော ဟောတိ- ခꩻတမျိုꩻ- ရဟန်ꩻနဝ်ꩻ 'တွမ်ႏသမဂ္ဂချင်ꩻချင်ꩻ ဒေါ့ꩻရီလို့ဝင်ꩻဒါႏတဝ်း'၊ (အဆင်ႏပြေႏတဝ်း)၊ တွမ်ႏသမဂ္ဂချင်ꩻချင်ꩻ ဒေါ့ꩻရီလို့ဝင်ꩻဒါႏ (အဆင်ႏပြေႏ)ငါႏ အကျိုꩻကေꩻဇူꩻနဝ်ꩻ အံႏဖြာႏဒါႏတဝ်း၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ တထွာတဝ်းနဝ်ꩻသွူ။ ဥပမာႏ- သေထီးယွုတ်တဗာႏနဝ်ꩻ (အသꩻကို မဥ်အွဥ်ႏထွာနုဲင်းယို)၊ "လိုႏသီးဖုံႏ မဥ်ႏအွဥ်ႏထွာခွေ 'သေထီးအာႏဇာႏနီႏ'နဝ်ꩻ ယံငါႏဟွေး၊ မဥ်ႏဗွူႏခွေအဆာႏ နုဲင်းသေအာႏဇာႏနီႏ၊ မဥ်ႏဖြွꩻခွေနမ်း၊ မဥ်ႏပွစ်ခွေငင်း နုဲင်းသေအာႏဇာႏနီႏနဝ်ꩻ ယံငါႏဟွေး"အသꩻကို မဥ်အွဥ်ႏထွာနုဲင်းနောဝ်ꩻ။ ကွဲႏတွော့ꩻ သေထီးနဝ်ꩻနဝ်ꩻ 'သေထီးယွုတ်တန်'ကရိုꩻနဝ်ꩻ လိုꩻဖုံႏအဝ်ႏသေ ပငါပရာꩻတဲင် ဝင်ꩻတမတ်တဝ်း သေအာႏဇာႏနီႏ၊ ဝင်ꩻတအွဥ်ႏထွာတဝ်း သေအာႏဇာႏနီႏ၊ ဝင်ꩻတဗွူႏတဝ်းအဆာႏ နုဲင်းသေအာႏဇာႏနီႏ၊ ဝင်ꩻတဖြွꩻတဝ်းအနမ်း၊ ဝင်ꩻတပွစ်တဝ်းအငင်း နုဲင်းသေအာႏဇာႏနီႏနောဝ်ꩻသွူ။ အနုဲင်းနဝ်ꩻနေနေ ရဟန်ꩻနောဝ်ꩻ (အသꩻကိုနဝ်ꩻ ဝွေꩻမဥ်အွဥ်ႏထွာတေ့ꩻနုဲင်းယို) "သမဂ္ဂသွꩻချင်ꩻဖုံႏ 'မဥ်ႏရိုႏသေႏခွေ၊ မဥ်ႏဖေႏရေꩻခွေ၊ မဥ်ႏဟွူန်ဟောဝ်ခွေ၊ မဥ်ႏပူႏဇောႏခွေ'နဝ်ꩻ ဟောဝ်ငါႏဟွေး"အသꩻကို မဥ်အွဥ်ႏထွာနုဲင်းနဝ်ꩻ။ ကွဲႏတွော့ꩻ 'ဝွေꩻနဝ်ꩻ တပယ်ႏထိုꩻတဝ်းဒွိုန်း အကုသိုလ်ႏ အယွုတ်အညမ်း'ကရိုနဝ်ꩻ ဝင်ꩻအဝ်ႏသေ ပငါပရာꩻတဲင် သမဂ္ဂသွꩻချင်ꩻဖုံႏ တရိုႏသေႏတဝ်းဝွေꩻ၊ တဖေႏရေꩻတဝ်းဝွေꩻ၊ တဟွူန်ဟဝ်တဝ်းဝွေꩻ၊ တပူႏဇောႏတဝ်းဝွေꩻနောဝ်ꩻသွူ။ ဝွေꩻမဥ်ႏပယ်ႏထိုꩻ အကုသိုလ်ႏ အယွုတ်အညမ်းနဝ်ꩻ သမဂ္ဂသွꩻချင်ꩻဖုံႏ အီႏရိုႏသေႏဝွေꩻ၊ အီႏဖေႏရေꩻဝွေꩻ၊ အီႏဟွူန်ဟောဝ်ဝွေꩻ၊ အီႏပူႏဇောႏဝွေꩻနောဝ်ꩻသွူ။ ရဟန်ꩻသီးဖုံႏဟွေး- ၁။ ဣဓ ဘိက္ခု န အဓိကရဏိကော ဟောတိ- သာႏသနာႏတောႏကိုယို ရဟန်ꩻနဝ်ꩻ မာꩻတရေင်ဒါႏတဝ်းထာꩻ၊ အံႏဖြာႏဒျာႏ ထာꩻဖေ့ငိမ်ꩻကေꩻဇူꩻ၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရက်လို့ဝင်ꩻ၊ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ ထွာနွောင်ꩻဒျာႏနဝ်ꩻသွူ။ ၂။ ပုန စပရံ ဘိက္ခု သိက္ခာကာမော ဟောတိ- ခꩻတမျိုꩻ- ရဟန်ꩻနဝ်ꩻ လိုႏဒျာႏသိက္ခာႏ၊ အံႏဖြာႏဒါႏဒျာႏ သိက္ခာႏကေꩻဇူꩻ၊ ပေါႏထွာနုဲင်းနဝ်ꩻနဝ်ꩻ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရက်လို့ဝင်ꩻ၊ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ ထွာနွောင်ꩻဒျာႏနဝ်ꩻသွူ။ ၃။ ပုန စပရံ ဘိက္ခု အပ္ပိစ္ဆော ဟောတိ- ခꩻတမျိုꩻ- ရဟန်ꩻနဝ်ꩻ လောဘဆေ့ꩻ၊ လိုႏတဝ်းထာꩻယွုတ်၊ အံႏဖြာႏဒါႏ ပယ်ႏထိုꩻထာꩻယွုတ်ကေꩻဇူꩻ၊ ပေါႏထွာနုဲင်းနောဝ်ꩻနောဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ ထွာနွောင်ꩻဒျာႏနဝ်ꩻသွူ။ ၄။ ပုန စပရံ ဘိက္ခု အက္ကောဓနော ဟောတိ- ခꩻတမျိုꩻ- ရဟန်ꩻနဝ်ꩻ 'ဒေါသထန်ႏတဝ်း-သꩻလျားဒါႏတဝ်းထာꩻ'၊ အံႏဖြာႏဒါႏ ပယ်ႏထိုꩻဒေါသကေꩻဇူꩻ အံႏဖြာႏဒါႏတဝ်း၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ ထွာနွောင်ꩻဒျာႏနဝ်ꩻသွူ။ ၅။ ပုန စပရံ ဘိက္ခု မက္ခီ ဟောတိ- ခꩻတမျိုꩻ- ရဟန်ꩻနဝ်ꩻ 'ယားဒါႏတဝ်း ဝင်ꩻကေꩻဇူꩻ၊ အံႏဖြာႏဒါႏတဝ်း ကေꩻဇူꩻတရာꩻ၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ ထွာနွောင်ꩻဒျာႏနဝ်ꩻသွူ။ ၆။ ပုန စပရံ ဘိက္ခု အသဌော ဟောတိ- ခꩻတမျိုꩻ- ရဟန်ꩻနဝ်ꩻ သꩻတကဲင်ႏတဝ်း၊ လိုꩻစွို့ꩻစွဥ်ႏဒျာႏ၊ အံႏဖြာႏဒါႏ သꩻတကဲင်ႏကေꩻဇူꩻ၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ ထွာနွောင်ꩻဒျာႏနဝ်ꩻသွူ။ ၇။ ပုန စပရံ ဘိက္ခု အမာယာဝီ ဟောတိ- ခꩻတမျိုꩻ- ရဟန်ꩻနဝ်ꩻ 'အုံထာꩻမဥ်လဲဥ်အံႏတဝ်းဝင်ꩻ'၊ အံႏဖြာႏဒါႏ ပယ်ႏထိုꩻလꩻ သꩻမဥ်လဲဥ်အံႏဝင်ꩻကေꩻဇူꩻ၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ ထွာနွောင်ꩻဒျာႏနဝ်ꩻသွူ။ ၈။ ပုန စပရံ ဘိက္ခု ဓမ္မာနံ နိသာမကဇာတိကော ဟောတိ- ခꩻတမျိုꩻ- ရဟန်ꩻနဝ်ꩻ 'ဆောင်ႏခါꩻတရာꩻ'၊ အံႏဖြာႏဒါႏတဝ်း ဆောင်ႏခါꩻတရာꩻကေꩻဇူꩻ၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ ထွာနွောင်ꩻဒျာႏနဝ်ꩻသွူ။ ၉။ ပုန စပရံ ဘိက္ခု ပဋိသလ္လီနော ဟောတိ- ခꩻတမျိုꩻ- ရဟန်ꩻနဝ်ꩻ 'အုံခေါ်ခေါ်ဒျာႏတပါꩻ'၊ အံႏဖြာႏဒါႏ အုံခေါ်ခေါ်တပါꩻကေꩻဇူꩻ၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ ထွာနွောင်ꩻဒျာႏနဝ်ꩻသွူ။ ၁၀။ ပုန စပရံ ဘိက္ခု သဗြဟ္မစာရီနံ ပဋိသန္ထာရကော ဟောတိ- ခꩻတမျိုꩻ- ရဟန်ꩻနဝ်ꩻ 'တွမ်ႏသမဂ္ဂချင်ꩻချင်ꩻ ဒေါ့ꩻရီလို့ဝင်ꩻဒါႏ'၊ (အဆင်ႏပြေႏ)၊ အံႏဖြာႏဒါႏ တွမ်ႏသမဂ္ဂချင်ꩻချင်ꩻ ဒေါ့ꩻရီလို့ဝင်ꩻဒါႏ (အဆင်ႏပြေႏငါႏ) အကျိုꩻကေꩻဇူꩻ၊ ပေါႏထွာနုဲင်းနဝ်ꩻနဝ်ꩻ တပါꩻတွမ်ႏတပါꩻ ဖေႏကရိုႏသေႏလို့ဝင်ꩻ၊ ဖေႏကအားထွုတ်ဗာႏတရာꩻ၊ ဖေႏကလꩻတရာꩻ၊ ဖေႏကထွာတလွောင်ႏတဗူႏချင်ႏနဝ်ꩻ တထွာတဝ်းနဝ်ꩻသွူ။ ဥပမာႏ- သေထီးယွုတ်တဗာႏနဝ်ꩻ "လိုႏသီးဖုံႏ မဥ်ႏအွဥ်ႏထွာခွေ 'သေထီးအာႏဇာႏနီႏ'နဝ်ꩻ ယံငါႏဟွေး၊ မဥ်ႏဗွူႏခွေအဆာႏ နုဲင်းသေအာႏဇာႏနီႏ၊ မဥ်ႏဖြွꩻခွေနမ်း၊ မဥ်ႏပွစ်ခွေငင်း နုဲင်းသေအာႏဇာႏနီႏနဝ်ꩻ ယံငါႏဟွေး"အသꩻကို တယူႏတဝ်း နုဲင်းနဝ်ꩻစွဥ်ႏတဲ့ 'ဝင်ꩻအွက်ႏထွာဒျာႏ သေအာႏဇာႏနီႏ၊ ဝင်ꩻဗွူႏဒျာႏ သေအာႏဇာႏနီႏဆာႏ၊ ဝင်ꩻဖြွꩻဒျာႏအနမ်း၊ ဝင်ꩻပွစ်ဒျာႏအငင်း'နောဝ်ꩻသွူ။ ကွပ်ထမုဲင်ꩻနဲတဲင် သေထီးနဝ်ꩻနဝ်ꩻ ပယ်ႏထိုꩻလဲဥ်းထာꩻလဲဥ်၊ ထာꩻတကောင်ႏ၊ ထာꩻတကဲင်ႏ၊ ထာꩻတို့ပ်ꩻကရိုꩻနဝ်ꩻ လိုꩻဖုံႏအဝ်ႏသေ ပငါပရာꩻနောဝ်ꩻသွူ။ အနုဲင်းနဝ်ꩻနေနေ ရဟန်ꩻနဝ်ꩻ "သမဂ္ဂသွꩻချင်ꩻဖုံႏ မဥ်ႏရိုႏသေႏခွေ၊ မဥ်ႏဖေႏရေꩻခွေ၊ မဥ်ႏဟွူန်ဟောဝ်ခွေ၊ မဥ်ႏပူႏဇောႏခွန်နဝ်ꩻ ဟောဝ်ငါႏဟွေး"အသꩻကို တယူႏတဝ်းနုဲင်းနဝ်ꩻစွဥ်ႏတဲ့၊ ဝွေꩻဗွေႏနဝ်ꩻ 'သမဂ္ဂသွꩻချင်ꩻ ရိုႏသေႏဒျာႏ၊ ဖေႏရေꩻဒျာႏ၊ ဟွူန်ဟောဝ်ဒျာႏ၊ ပူႏဇောႏဒျာႏ'နဝ်ꩻသွူ။ ပွိုးထမုဲင်ꩻနဲတဲင် ဝွေꩻဗွေႏနဝ်ꩻ 'ပယ်ႏထိုꩻလဲဥ်း အကုသိုလ်ႏ အယွုတ်အညမ်း'ကရိုꩻနဝ်ꩻ ဝင်ꩻအဝ်ႏသေ ပငါပရာꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဒသကနိပါတ်၊ နပ္ပိယသုတ်)[1][2]

အာႏကွိုꩻEdit

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၃၄၉/၃၅၂)