Wp/blk/ခမ်းလစ်ꩻမျိုꩻ-လိုꩻလစ်ꩻစား

< Wp‎ | blkWp > blk > ခမ်းလစ်ꩻမျိုꩻ-လိုꩻလစ်ꩻစား

"ဝလာဟကသုတ် (ခမ်းလစ်ꩻမျိုꩻ-လိုꩻလစ်ꩻစား)" နီဗွေႏဘုရာꩻဟော်ꩻဖေႏ ရဟန်ꩻသီးဖုံႏ တရာꩻနုဲင်းယို- "ရဟန်ꩻသီးဖုံႏဟွေး- ၁။ ဂဇ္ဇိတာ နော ဝဿိတာ- ခြွိုင်ꩻနေးလွုမ်ꩻ လော့တဝ်း ၂။ ဝဿိတာ နော ဂဇ္ဇိတာ- လော့နေးလွုမ်ꩻ ခြွိုင်ꩻတဝ်း ၃။ နေဝ ဂဇ္ဇိတာ နော ဝဿိတာ- ခြွိုင်ꩻတဲ့ခြွိုင်ꩻတဝ်း၊ လော့တဲ့လော့တဝ်း ၄။ ဂဇ္ဇိတာ စ ဝဿိတာ စ- ခြွိုင်ꩻတဲ့ခြွိုင်ꩻ၊ လော့တဲ့လော့ ခမ်းအဝ်ႏလစ်ꩻမျိုꩻနုဲင်းနောဝ်ꩻသွူ။ ရဟန်ꩻသီးဖုံႏဟွေး- လိုꩻတဲ့ ဗွန်ပီခမ်းနဝ်ꩻနေနေ၊ လိုꩻအဝ်ႏလစ်ꩻမျိုꩻ၊ လစ်ꩻမျိုꩻကရိုꩻနဝ်ꩻ- ၁။ လောကကိုယို လိုꩻယင်ဟန်ႏနဝ်ꩻ 'ဒါႏကွို့ꩻအဒေါ့ꩻလွုမ်ꩻ၊ တမာꩻတဝ်းထာꩻမာꩻ'၊ ယင်ဟန်ႏသားနဝ်ꩻ လိတ်နဝ်ꩻ သွဥ်ဗာႏဒျာႏ၊ ကွဲႏတွော့ꩻ (ကျင်ꩻလွဥ်ꩻတဝ်း) သေတဝ်းတရာꩻ၊ လိုꩻယိုစားဖုံႏနဝ်ꩻ 'ဒါႏအဒေါ့ꩻလွုမ်ꩻ၊ တမာꩻတဝ်း၊ တကျင်ꩻတဝ်း၊ တသေတဝ်း'တဲင် ထွမ်ႏခမ်း'ခြွိုင်ꩻနေးလွုမ်ꩻ လော့တဝ်း'နဝ်ꩻ ဗွန်ဝင်ꩻနဝ်ꩻသွူ။ ရဟန်ꩻသီးဖုံႏဟွေး- ၂။ လောကကိုယို လိုꩻယင်ဟန်ႏနဝ်ꩻ 'မာꩻဒျာႏတေ့ꩻတေ့ꩻ၊ တဒေါ့ꩻတဒꩻတဝ်းပါꩻ'၊ လိုꩻယင်ဟန်ႏနောဝ်ꩻ ကျင်ꩻလွဥ်ꩻမွေးတရာꩻ၊ သေတရာꩻ၊ သေသစ္စာႏ၊ ကွဲႏတွော့ꩻ လိတ်သွဥ်ဗာႏတဝ်း၊ ဒေါ့ꩻဟော်ꩻဒါႏတဝ်း၊ လိုꩻယိုစားဖုံႏနဝ်ꩻ 'ဒါႏအမာꩻမွေးလွုမ်ꩻ၊ တဒေါꩻတဝ်းပါꩻ၊ တဟော်ꩻဒါႏတဝ်း'တဲင် တွမ်ႏခမ်း'လော့နေးလွုမ်ꩻ၊ တခြွိုင်ꩻတဝ်း'နဝ်ꩻ ပီဝင်ꩻနောဝ်ꩻသွူ။ ရဟန်ꩻသီးဖုံႏဟွေး- ၃။ လောကကိုယို လိုꩻယင်ဟန်ႏနဝ်ꩻ 'ဒေါ့ꩻတဲ့တဒေါ့ꩻတဝ်းပါꩻ၊ မာꩻတဲ့ တမာꩻတဝ်းထာꩻမာꩻ'၊ လိုꩻယင်ဟန်ႏနဝ်ꩻ လိတ်တဲ့ တသွဥ်ဗာႏတဝ်း၊ (ဒေါ့ꩻဟော်ꩻတဲ့ တဒါႏတဝ်း)၊ ကျင်ꩻတဲ့ တကျင်ꩻတဝ်း၊ သေတဲ့ တသေတဝ်းတရာꩻ၊ လိုꩻယိုစားဖုံႏနဝ်ꩻ 'ဒေါ့ꩻတဲ့တဒေါ့ꩻတဝ်း၊ မာꩻတဲ့ တမာꩻတဝ်း'တဲင် တွမ်ႏခမ်း 'ခြွိုင်ꩻတဲ့ တခြွိုင်ꩻတဝ်း၊ လော့တဲ့ တလော့တဝ်း'နဝ်ꩻ ဗွန်ပီဝင်ꩻနဝ်ꩻသွူ။ ရဟန်ꩻသီးဖုံႏဟွေး- ၄။ လောကကိုယို လိုꩻယင်ဟန်ႏနဝ်ꩻ 'ဒေါ့ꩻတဲ့ ဒေါ့ꩻဒါႏ၊ မာꩻတဲ့မာꩻဒျာႏ'၊ လိုꩻယင်ဟန်ႏနဝ်ꩻ လိတ်တဲ့ သွဥ်ဗာႏဒျာႏ၊ လိတ်တဲ့ ဒါႏဒျာႏ၊ ဒေါ့ꩻဟော်ꩻတဲ့ဒါႏဒျာႏ၊ ကျင်ꩻတဲ့ ကျင်ꩻလွဥ်ꩻဒျာႏ၊ သေတဲ့ သေဒျာႏတရာꩻ၊ ယိုနဝ်ꩻ - ဒုက္ခသစ္စာႏ (ဒုက္ခအမွေးအမဲဥ်ႏ) ယိုနဝ်ꩻ - သမုဒယသစ္စာႏ (ထွာအီဒုက္ခ အမွေးအမဲဥ်ႏ) ယိုနဝ်ꩻ - နိရောဓသစ္စာႏ (ဒုက္ခဖေ့ငိမ်ꩻအီ အမွေးအမဲဥ်ႏ) ယိုနဝ်ꩻ - မဂ္ဂသစ္စာႏ (မဂ္ဂင်ႏသွစ်ꩻပါꩻ တရာꩻတွိုႏအီနိဗ္ဗာန်ႏ အမွေးအမဲဥ်ႏ) သေသစ္စာႏတရꩻလစ်ꩻပါꩻနုဲင်းနဝ်ꩻ၊ လိုꩻယိုစားနဝ်ꩻ 'ဒေါ့ꩻတဲ့ဒေါ့ꩻ၊ မာꩻတဲ့မာꩻ'တဲင် တွမ်ႏခမ်း 'ခြွိုင်ꩻတဲ့ခြွိုင်ꩻ-လော့တဲ့လော့'နဝ်ꩻ ဗွန်ပီလို့ဝင်ꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ ဝလာဟကသုတ်)[1][2]

အာႏကွိုꩻEdit

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၁၄၂)