Wp/blk/ကွပ်ပွိုးသꩻလျားထာꩻတဲင်တွော့ꩻ

< Wp‎ | blkWp > blk > ကွပ်ပွိုးသꩻလျားထာꩻတဲင်တွော့ꩻ

"ကောဓနသုတ် (ကွပ်ပွိုးသꩻလျားထာꩻတဲင်တွော့ꩻ မဲဥ်ႏတနꩻသော့ꩻစွဥ်ႏဒျာႏ ရန်ႏသူႏထာꩻလိုႏနွုတ်ꩻစား)" ရဟန်ꩻသီးဖုံႏဟွေး- ကွပ်ပွိုးသꩻလျားထာꩻတဲင်တွော့ꩻ မဲဥ်ႏတနꩻသော့ꩻစွဥ်ႏဒျာႏ ရန်ႏသူႏထာꩻလိုႏနွုတ်ꩻစား၊ နွုတ်ꩻစားကရိုꩻနဝ်ꩻ- ၁။ ရန်ႏသူႏရိုꩻ- ပါꩻတတဲ့ꩻတဝ်းခွေသူꩻနဝ်ꩻ 'အလောင်းလွိုး မဥ်ႏတရေꩻတဝ်းနဝ်ꩻ ဟောဝ်ငါႏမွော့ဟွေး' ရန်ႏသူႏသꩻကိုနဝ်ꩻ မဥ်အွဥ်ႏထွာနုဲင်းနဝ်ꩻ၊ ရန်ႏသူႏကမဥ်ထွာအတွိုင်ꩻ ပါꩻတတဲ့ꩻတဝ်းဝွေꩻနဝ်ꩻ (မတော်မကာ) ဒေါႏသꩻနွို့ယား အသꩻလျားထာꩻ၊ လူးထီခြွိုင်းနမ်း မာꩻခန်းနုဲင်းနဝ်ꩻတဲ့ယောဝ်း 'အလောင်ႏလွိုး အဝ်ႏတကုဲင်ဒျာႏ'စွူစွူ၊ ကွပ်ပွိုးသꩻလျားထာꩻတဲင်တွော့ꩻ မဲဥ်ႏတနꩻသော့ꩻစွဥ်ႏဒျာႏ ရန်ႏသူႏ (ပထမ)ထာꩻလိုႏအတွိုင်ꩻ (လောင်ႏလွိုးတရေꩻတဝ်း)နောဝ်ꩻသွူ။ ၂။ ရန်ႏသူႏရိုꩻ- ပါꩻတတဲ့ꩻတဝ်းခွေသူꩻနဝ်ꩻ 'အဗေင်ႏထာꩻ မဥ်လꩻတဝ်းနဝ်ꩻ ဟောဝ်ငါႏမွော့ဟွေး'ရန်ႏသူႏသꩻကိုနဝ်ꩻ မဥ်အွဥ်ႏထွာနုဲင်းနဝ်ꩻ၊ ရန်ႏသူႏကမဥ်အွဥ်ႏထွာအတွိုင်ꩻ ပါꩻတထဲ့တဝ်းဝွေꩻနဝ်ꩻ (မတော်မကာ) ဒေါႏသꩻနွို့ယား အသꩻလျားထာꩻ၊ ဗေင်ႏသော့ꩻသွူ ထာꩻဒါတေင် ကောဇော်ꩻပြေချော်ꩻဆွဥ်ႏသား၊ ခင်ႏလမ်းဗေင်ႏသား အယံစားသွူတဲ့ မဲ့တဗေင်ႏတဝ်း၊ ဗင်ႏထာꩻလꩻတဝ်း၊ ကွပ်ပွိုးသꩻလျားထာꩻတဲင်တွော့ꩻ မဲဥ်ႏတနꩻသော့ꩻစွဥ်ႏဒျာႏ ရန်ႏသူႏ(ဒုတိယ)ထာꩻလိုႏအတွိုင်ꩻ (ဗေင်ႏထာꩻလꩻတဝ်း)နောဝ်ꩻသွူ။ ၃။ ရန်ႏသူႏရိုꩻ- ပါꩻတထဲ့တဝ်းခွေနဝ်ꩻ 'အစီꩻပွါꩻ မဥ်ႏတထွာတဝ်းနဝ်ꩻ ဟောဝ်ငါႏမွော့ဟွေး'၊ ရန်ႏသူႏသꩻကိုနောဝ်ꩻ မဥ်အွဥ်ထွာနုဲင်းနဝ်ꩻ၊ ရန်ႏသူႏကမဥ်အွဥ်ႏထွာအတွိုင်ꩻ 'အစီꩻပွါꩻ မဥ်ႏတထွာတဝ်းနဝ်ꩻ ဟောဝ်ငါႏမွော့ဟွေး'ရန်ႏသူꩻကိုနောဝ်ꩻ မဥ်အွဥ်ႏထွာနုဲင်းနဝ်ꩻ၊ ရန်ႏသူႏကမဥ်အွဥ်ႏထွာအတွိုင်ꩻ ပါꩻတထဲ့တဝ်းဝွေꩻနဝ်ꩻ (မတော်မကာ) ဒေါႏသꩻနွို့ယား အသꩻလျားထာꩻ၊ ကွပ်သꩻလျားထာꩻတဲင် မာꩻသွူထာꩻမာꩻ အကျိုꩻတအဲက်မျိုꩻတဲ့ ယူႏဒျာႏထာꩻမာꩻအကျိုꩻအဝ်ႏ၊ မာꩻသွူထာꩻမာꩻ အကျိုꩻအဝ်ႏတဲ့ ယူႏဒျာႏ ထာꩻမာꩻအကျိုꩻအဲဥ်ထဝ်း၊ ကွင်ကွင်ကယ်ကယ် စီꩻပွါꩻထွာတဝ်း၊ ကွပ်ပွိုးသꩻလျားထာꩻတဲင်တွော့ꩻ မဲဥ်ႏတနꩻသော့ꩻစွဥ်ႏဒျာႏ ရန်ႏသူႏ (တတိယ)ထာꩻလိုႏအတွိုင်ꩻ (စီꩻပွါꩻထွာတဝ်း)နောဝ်ꩻသွူ။ ၄။ ရန်ႏသူႏရိုꩻ- ပါꩻတထဲ့တဝ်းခွေသူꩻနဝ်ꩻ 'အတခြိုꩻဥစ္စာႏ မဥ်ႏသွုမ်ꩻခြေင်ထိုꩻနဝ်ꩻ ဟောဝ်ငါႏမွော့ဟွေး'ရန်ႏသူႏသꩻကိုနဝ်ꩻ မဥ်ႏအွဥ်ထွာနုဲင်းနဝ်ꩻ၊ ရန်ႏသူႏကမဥ်ထွာအတွိုင်ꩻ ပါꩻတထဲ့တဝ်းဝွေꩻနဝ်ꩻ (မတော်မကာ) ဒေါႏသꩻနွို့ယား အသꩻလျားထာꩻ၊ ကွပ်သꩻလျား ထာꩻမာꩻမာႏတဲင် သိုꩻလီးသိုꩻလူး နေးတွမ်ႏထာꩻတရာꩻ ခွုမ်မာꩻကလꩻ တခြိုꩻဥစ္စာႏဖုံႏနောဝ်ꩻ ခွန်ထူႏသီမ်ꩻခြေင်ထိုꩻခန်းဒျာႏတွော့ꩻ မဲဥ်ႏတနꩻသော့ꩻစွဥ်ႏဒျာႏ ရန်ႏသူႏ (စတုတ္ထ)ထာꩻလိုႏအတွိုင်ꩻ (တခြိုꩻဥစ္စာႏသွုမ်ꩻခြေင်)နောဝ်ꩻသွူ။ ၅။ ရန်ႏသူႏရိုꩻ- ပါꩻတတဲ့တဝ်းခွေသူꩻနဝ်ꩻ 'အချွေႏအရံႏ မဥ်ႏအဲဥ်ထဝ်းနောဝ်ꩻ ဟောဝ်ငါႏမွော့ဟွေး'ရန်ႏသူႏသꩻကိုနဝ်ꩻ မဥ်ႏအွဥ်ထွာနုဲင်းနဝ်ꩻ၊ ရန်ႏသူႏကမဥ်အွဥ်ႏထွာအတွိုင်ꩻ ပါꩻတတဲ့ꩻတဝ်းဝွေꩻနဝ်ꩻ (မတော်မကာ) ဒေါႏသꩻနွို့ယား အသꩻလျားထာꩻ၊ ကွပ်သꩻလျားထာꩻတဲင် (ထꩻထာꩻ၊ ဒိုႏပါꩻ၊ ခွန်းပါꩻ၊ ရိုꩻလျားပါꩻ၊ အချွေႏအရံႏ ထန်ႏထိုꩻလို့တွဗာ့ꩻ မဲဥ်ႏတနꩻသော့ꩻစွဥ်ႏဒျာႏ ရန်ႏသူႏ (ပဥ္စမ)ထာꩻလိုႏအတွိုင်ꩻ (အချွေႏအရံႏအဲဥ်ထောဝ်း)နောဝ်ꩻသွူ။ ၆။ ရန်ႏသူႏရိုꩻ- ပါꩻတတဲ့ꩻတဝ်းခွေသူꩻနဝ်ꩻ 'အသွꩻအခွမဥ်ႏအဲဥ်ထဝ်း၊ အဖူးအဝေး မဥ်ႏလဲ့ꩻဖုဲင်း မဥ်ႏသျောင်ႏညာꩻထိုꩻနောဝ်ꩻ ဟောဝ်ငါႏမွော့ဟွေး' ရန်ႏသူႏသꩻကိုနဝ်ꩻ မဥ်အွဥ်ႏထွာနုဲင်းနဝ်ꩻ။ ရန်ႏသူႏကမဥ်အွဥ်ႏထွာအတွိုင်ꩻ ပါꩻတထဲ့ꩻတဝ်းဝွေꩻနဝ်ꩻ (မတော်မကာ) ဒေါႏသꩻနွို့ယား အသꩻလျားထာꩻ၊ ကွပ်သꩻလျားထꩻတဲင် (ထꩻထာꩻ၊ ဒိုႏပါꩻ၊ ခွန်းပါꩻ၊ ရိုꩻလျားပါꩻ၊ အသွꩻအခွထိုꩻညာꩻ၊ အဖူးအဝေး လဲ့ꩻဖုဲင်းသျောင်ႏညာꩻတွော့ꩻ) မဲဥ်ႏတနꩻသော့ꩻစွဥ်ႏဒျာႏ ရန်ႏသူႏ (ပဥ္စမ) ထာꩻလိုႏအတွိုင်ꩻ (သွꩻခွအဲဥ်ထဝ်း၊ ဖူးဝွေးလဲ့ꩻညာꩻထိုꩻ)နောဝ်ꩻသွူ။ ၇။ ရန်ႏသူႏရိုꩻ- ပါꩻတတဲ့ꩻတဝ်းခွေသူꩻနဝ်ꩻ 'ဝွေꩻခန္ဓာႏကုဲင်လီ အမဥ်ႏသီတွိုႏဆုဲင်ꩻ အမဥ်ႏလင်ꩻထဲ့ငါးရုဲင်ꩻနဝ်ꩻ ဟောဝ်ငါႏမွော့ဟွေး' ရန်ႏသူႏသꩻကိုနောဝ်ꩻ မဥ်အွဥ်ႏထွာနုဲင်းနဝ်ꩻ၊ ရန်ႏသူႏကမဥ်အွဥ်ႏထွာအတွိုင်ꩻ ပါꩻတထဲ့တဝ်းဝွေꩻနဝ်ꩻ (မတော်မကာ) ဒေါႏသꩻနွို့ယား အသꩻလျားထာꩻ၊ ကွပ်သꩻလျားထာꩻတဲင် (မာꩻသီဝင်ꩻသက်၊ ထူႏတခွန်ꩻဝင်ꩻခြိုꩻ၊ ပဲစ်မာႏဝင်ꩻပိုမာ) မာꩻမာႏစွဥ်ႏဒျာႏ ကာယဒုစရဲက်သွံပါꩻ၊ ပွိုးဒေါႏသꩻနိစ္စက်တွော့ꩻ (ဒေါ့ꩻလဲဥ်ထာꩻ၊ ဒေါ့ꩻလျားပါꩻ၊ အံႏစာဝင်ꩻမဥ်ꩻ၊ ဒေါ့ꩻငါငီထာꩻ) ဒေါ့ꩻမာႏစွဥ်ႏဒျာႏ ဝစီဒုစရဲက်နဝ်ꩻလစ်ꩻပါꩻ၊ ကွပ်ပွိုးဒေါႏသအဲင်ႏစောက်ꩻ သꩻအောက်ꩻထာꩻတဲင်တွော့ꩻ (ကျံႏသိမ်ꩻခြေင်စွဥ်ႏ ဝင်ꩻတခြိုꩻ၊ ကျံႏမာꩻသီစွဥ်ႏပါꩻ၊ ကျံႏနက် ကျံႏနိစ္စက်စွဥ်ႏပါꩻ) မနော်ꩻဒုစရဲက် သိုမ်ပါꩻဖုံႏနဝ်ꩻ ထွာစွဥ်ႏဒျာႏအသꩻကို၊ ယူႏမာႏစွဥ်ႏဒျာႏထာꩻ။ ကွပ်သꩻလျားထာꩻတဲင် နမ်းမာꩻမာႏ ကာယဒုစရဲက်၊ ဖြောင်းဒေါ့ꩻမာႏ ဝစီꩻဒုစရဲက်၊ သꩻယူႏမာႏ မနော်ꩻဒုစရဲက်၊ ပွိုးဒုစရဲက်တွော့ꩻ လင်ꩻထဲ့ငါးရုဲင်ꩻ၊ မဲဥ်ႏတနꩻသော့ꩻစွဥ်ႏဒျာႏ ရန်ႏသူႏ (သတ္တမ)ထာꩻလိုႏအတွိုင်ꩻ (ဖေႏကထဲ့ငါးရုဲင်ꩻ)နောဝ်ꩻသွူ။ အမူႏတရိုꩻတဝ်း၊ အခိုတရိုꩻတဝ်း ပေါႏသꩻလျားထာꩻနဝ်ꩻ မာမာႏ၊ ဒေါ့ꩻမာႏ၊ ကျံႏမာႏတဲင်တွော့ꩻ မဲဥ်ႏတနꩻသော့ꩻစွဥ်ႏ ရန်ႏသူႏထာꩻလိုႏ နွုတ်ꩻမျိုꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ သတ္တကနိပါတ်၊ ကောဓနသုတ်)[1][2]

အာႏကွိုꩻEdit

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၂၆၇/၈)