Wp/blk/ကွပ်ဒါႏနတဲင်ထွာ

< Wp‎ | blkWp > blk > ကွပ်ဒါႏနတဲင်ထွာ

"ဒါနူပပတ္တိသုတ် (ဒါန+ဥပပတ္တိ-ကွပ်ဒါႏနတဲင်ထွာ)" ရဟန်ꩻသီးဖုံႏဟွေး- ကွပ်ပွိုး 'လူႏထာꩻ-မာꩻဒါႏန'တဲင်တွော့ꩻ ကတွိုႏလိုꩻခမ်း၊ လူꩻခမ်း၊ ဗျဟ္မာႏခမ်းနဝ်ꩻ အကျောင်ꩻအောဝ်ႏသွစ်ꩻမျိုꩻ၊ သွစ်ꩻမျိုꩻကရိုꩻနောဝ်ꩻ- ၁။ လောကကိုယို လိုꩻယင်ဟန်ႏနဝ်ꩻ 'ထီႏဗာႏ-ခွန်သီး၊ ပုဏ္ဏာꩻသီး၊ လိုꩻခြွေသီး ပျောႏလွဥ်ꩻ မဲ့အာႏရွုံႏ-ထာꩻတရေꩻ၊ ပျောႏလွဥ်ꩻ နားအာႏရွုံႏ-ထာꩻတလေ့၊ ပျောႏလွဥ်ꩻ နေ့ꩻဖူအာႏရွုံႏ-ထာꩻနွုမ်ꩻဟွမ်၊ ပျောႏလွဥ်ꩻ ဖြေꩻအာႏရွုံႏ-အွီႏနွိုးအရသာႏ၊ ပျောႏလွဥ်ꩻ နမ်းအာႏရွုံႏ-ချော်ꩻပြေခွေါင်းရွ'နုဲင်းနဝ်ꩻတဲင် တွိုႏဘဝငါသူꩻနဝ်ꩻ မဥ်လꩻတဝ်းဒွိုန်း မဂ်ဖိုလ်ႏနိဗ္ဗာန်ႏ၊ ဝွေꩻကထီႏဗာႏအတွိုင်ꩻ ဝွေꩻမဥ်စံႏစာꩻနုဲင်းနုဲင်းဒျာႏ ကာႏမဂွုဏ်ႏ အာႏရွုံႏငတ်ꩻပါꩻတွော့ꩻ 'လူႏသင်္ကန်ꩻ၊ လူႏသွမ်ꩻ၊ လူႏကျောင်ꩻ'စတဲင်နုဲင်းနောဝ်ꩻ၊ ကွီဆုꩻလိုꩻချမ်ꩻသာႏ။ ကွပ်ပွိုးလူႏထာꩻ၊ မာꩻဒါႏနကုသိုလ်ႏတွော့ꩻ သဲင်ꩻထွာမွေး (ခွန်၊ ပုဏ္ဏာꩻ)လိုꩻခြွေတမျိုꩻမျိုꩻ၊ အကျိုꩻကဖေႏမွေးနုဲင်းနဝ်ꩻနဝ်ꩻ ကွပ်ပွိုး လူႏလိုꩻသီႏလအဝ်ႏမꩻ လꩻနွောင်ꩻလိုꩻချမ်ꩻသႏနုဲင်းနဝ်ꩻ၊ ပေါႏလူႏလိုꩻသီႏလ တအဲဥ်ထဝ်းနဝ်ꩻ တလꩻနွောင်ꩻတဝ်း လိုꩻချမ်ꩻသာႏနောဝ်ꩻသွူ။ ရဟန်ꩻသီးဖုံႏဟွေး- ၂။ လိုꩻယင်ဟန်ႏနဝ်ꩻ မဥ်လꩻတောဝ်း မဂ်ဖိုလ်ႏနိဗ္ဗာန်ႏ၊ ဝွေꩻဟွူန်ဗာႏဖို 'လူꩻစာတုမဟာရာဇ်သီးနောဝ်ꩻ သက်ဆွာꩻနာႏ-တဲ့၊ ယောင်ꩻရေꩻနာႏ-တဲ့၊ ချမ်ꩻသာႏငါႏ-တဲ့'ဟွူန်ဗာႏဖိုနုဲင်းနဝ်ꩻ၊ ကဟွူန်အတွိုင်ꩻ ဝွေꩻမဥ်ထွာတဲင် လူႏထာꩻ-မာꩻဒါႏန၊ ကွီဆုꩻတွော့ꩻ ဝွေꩻထွိုင်ႏသီနဝ်ꩻ ဝွေꩻကကွီအတွိုင်ꩻထွာမွေး-လူꩻစာတုမဟာရာဇ်။ ၃။ လိုꩻယင်ဟန်ႏနဝ်ꩻ မဥ်လꩻတဝ်း မဂ်ဖိုလ်ႏနိဗ္ဗာန်ႏ၊ ဝွေꩻဟွူန်ဖို 'လူꩻတာဝတိံသာႏ'ခရာႏ၊ မဥ်ထွာနုဲင်းနုဲင်းတဲင် လူႏထာꩻ-မာꩻဒါႏန၊ ကွီဆုꩻတွော့ꩻ ဝွေꩻထွိုင်ႏသီနဝ်ꩻ ဝွေꩻကကွီအတွိုင်ꩻ ထွာမွေး-လူꩻတာႏဝတိံသာႏ။ ၄။ လိုꩻယင်ဟန်ႏနဝ်ꩻ မဥ်လꩻတဝ်း မဂ်ဖိုလ်ႏနိဗ္ဗာန်ႏ၊ ဝွေꩻဟွူန်ဖို လူꩻ'ယာႏမာႏ'ခရာႏ၊ မဥ်ထွာနုဲင်းနုဲင်းတဲင် လူႏထာꩻ-မာꩻဒါႏန၊ ကွီဆုꩻတွော့ꩻ ဝွေꩻထွိုင်ႏသီနဝ်ꩻ ကကွီအတွိုင်ꩻ ထွာမွေး-လူꩻယာႏမာႏ။ ၅။ လိုꩻယင်ဟန်ႏနဝ်ꩻ မဥ်လꩻတဝ်း မဂ်ဖိုလ်ႏနိဗ္ဗာန်ႏ၊ ဝွေꩻဟွူန်ဖို လူꩻ'တုသီႏတာႏ'ခရာႏ၊ မဥ်ထွာနုဲင်းနုဲင်းတဲင် လူႏထာꩻ-မာꩻဒါႏန၊ ကွီဆုꩻတွော့ꩻ ဝွေꩻထွိုင်ႏသီနဝ်ꩻ ကကွီအတွိုင်ꩻ ထွာမွေး-လူꩻတုသီႏတာႏ။ ၆။ လိုꩻယင်ဟန်ႏနဝ်ꩻ မဥ်လꩻတဝ်း မဂ်ဖိုလ်ႏနိဗ္ဗာန်ႏ၊ ဝွေꩻဟွူန်ဖို လူꩻ'နိမ္မာနရတိ'ခရာႏ၊ မဥ်ထွာနုဲင်းနုဲင်းတဲင် လူႏထာꩻ-မာꩻဒါႏန၊ ကွီဆုꩻတွော့ꩻ ဝွေꩻထွိုင်ႏသီနဝ်ꩻ ကကွီအတွိုင်ꩻ ထွာမွေး-နိမ္မာနရတိ။ ၇။ လိုꩻယင်ဟန်ႏနဝ်ꩻ မဥ်လꩻတဝ်း မဂ်ဖိုလ်ႏနိဗ္ဗာန်ႏ၊ ဝွေꩻဟွူန်ဖို လူꩻ'ပရနိမ္မိတဝသဝတ္တီႏ'ခရာႏ၊ မဥ်ထွာနုဲင်းနုဲင်းတဲင် လူႏထာꩻ-မာꩻဒါႏန၊ ကွီဆုꩻတွော့ꩻ ဝွေꩻထွိုင်ႏသီနဝ်ꩻ ကကွီအတွိုင်ꩻ ထွာမွေး-လူꩻပရနိမ္မိတဝသဝတ္တီႏ။ ၈။ လိုꩻယင်ဟန်ႏနဝ်ꩻ မဥ်လꩻတဝ်း မဂ်ဖိုလ်ႏနိဗ္ဗာန်ႏ၊ ဝွေꩻဟွူန်ဖို လူꩻ'ဗျဟ္မာႏ'ခရာႏ၊ မဥ်ထွာနုဲင်းနုဲင်းတဲင် လူႏထာꩻ-မာꩻဒါႏန၊ ကွီဆုꩻတွော့ꩻ ဝွေꩻထွိုင်ႏသီနဝ်ꩻ ကကွီအတွိုင်ꩻ ထွာမွေး-ဗျဟ္မာႏ။ ရဟန်ꩻသီးဖုံႏဟွေး- လူႏလိုꩻသီႏလအဝ်ႏမꩻ ထွာလꩻနုဲင်းနဝ်ꩻ၊ လူႏလိုꩻသီႏလ တအဲဥ်ထဝ်းနဝ်ꩻ တထွာနွောင်ꩻတဝ်း နုဲင်းနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ အဋ္ဌကနိပါတ်၊ ဒါနူပပတ္တိသုတ်)[1][2]

အာႏကွိုꩻEdit

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၂၉၄)