Wp/blk/ကြောင်းစင်သွံမျိုꩻ-လိုꩻမျတ်ရိုꩻ

< Wp‎ | blkWp > blk > ကြောင်းစင်သွံမျိုꩻ-လိုꩻမျတ်ရိုꩻ

"ဒုတိယ-သောစေယျသုတ် (ကြောင်းစင်သွံမျိုꩻ-လိုꩻမျတ်ရိုꩻ)"

ရဟန်ꩻသီးဖုံႏဟွေး- ၁။ ကာယသောစေယျံ- နမ်းကြောင်းစင် ၂။ ဝစီသောစေယျံ - ဖြောင်းကြောင်းစင် ၃။ မနော သောစေယျံ - သꩻကြောင်းစင် ကြောင်းစင်ကရိုꩻ အဝ်ႏသွံမျိုꩻနုဲင်းနောဝ်ꩻသွူ။ ရဟန်ꩻသီးဖုံႏဟွေး- မာꩻသီတဝ်းဝင်ꩻသက်၊ တခွန်ꩻတဝ်းဝင်ꩻတခြိုꩻ၊ အဗြဟ္မစရိယ-ပဲ့စ်မာႏတဝ်း (ကျင်ꩻတဝ်းအကျင်ꩻမူႏခို) ယိုသွံမျိုꩻနဝ်ꩻ ဟဲ့ꩻ'နမ်းကြောင်းစင်'နောဝ်ꩻသွူ။ ဒေါ့ꩻလဲဥ်တဝ်းထာꩻ၊ ဒေါ့ꩻတဝ်းငေါဝ်းသွေꩻကုဲင်၊ ဒေါ့ꩻတဝ်းငေါဝ်းကျံꩻထံꩻ၊ ဒေါ့ꩻတဝ်းငေါဝ်းသိုႏဖျင်ꩻ၊ ယိုလစ်ꩻမျိုꩻနဝ်ꩻ ဟဲ့ꩻ'ဖြောင်းကြောင်းစင်'နောဝ်ꩻသွူ။ ခွေသꩻကိုယို 'ကာမစ္ဆန္ဒ'(လောႏဘꩻထာꩻမဥ်လꩻ ကာႏမဂွုဏ်ႏ)အဝ်ႏနဝ်ꩻတဲ့ သေချာဒျာႏ၊ ကာမစ္ဆန္ဒအဲဥ်ထောဝ်းနောဝ်ꩻတဲ့ သေချာဒျာႏ၊ ကာမစ္ဆန္ဒ ကထွာအီအကျောင်ꩻနဝ်ꩻတဲ့ သေဒျာႏ၊ ကာမစ္ဆန္ဒ ဖေႏကထွာမွုန်းအကျောင်ꩻနဝ်ꩻတဲ့ သေဒျာႏ။ ခွေသꩻကိုယို 'ဗျာပါဒ'(ဒေါႏသꩻကျံႏမာꩻသီပါꩻ)အဝ်ႏနဝ်ꩻတဲ့ သေချာဒျာႏ၊ ဗျာပါဒအဲဥ်းထဝ်းအကျောင်ꩻနဝ်ꩻတဲ့ သေချာဒျာႏ၊ ဗျာပါဒ ကထွာအီအကျောင်ꩻနဝ်ꩻတဲ့ သေဒျာႏ၊ ဗျာပါဒ ဖေႏကထွာမွုန်း အကျောင်ꩻနောဝ်ꩻတဲ့ သေဒျာႏ။ ခွေသꩻကိုယို 'ထိနမိဒ္ဓ'(သꩻထွူႏဆွို့၊ သꩻလွꩻတခေင်ꩻထာꩻ)အဝ်ႏနဝ်ꩻတဲ့ သေချာဒျာႏ၊ ထိနမိဒ္ဓအဲဥ်ထဝ်းကျောင်ꩻနဝ်ꩻတဲ့ သေချာဒျာႏ၊ ထိနမိဒ္ဓ ကထွာအီအကျောင်ꩻနဝ်ꩻတဲ့ သေဒျာႏ၊ ထိိနမိဒ္ဓ ဖေႏကထွာမွန်ုးအကျောင်ꩻနဝ်ꩻတဲ့ သေဒျာႏ။ ခွေသꩻကိုယို 'ဥဒ္ဓစ္စ ကုက္ကုစ္စ'(သꩻလော်လယ်၊ သꩻကော့ꩻမာႏ)အဝ်ႏနဝ်ꩻတဲ့ သေချာဒျာႏ၊ ဥဒ္ဓစ္စ ကုက္ကုစ္စ အဲဥ်ထဝ်းကျောင်ꩻနဝ်ꩻတဲ့ သေချာဒျာႏ၊ ဥဒ္ဓစ္စ ကုက္ကုစ္စ ကထွာအီအကျောင်ꩻနဝ်ꩻတဲ့ သေဒျာႏ၊ ဥဒ္ဓစ္စ ကုက္ကုစ္စ ဖေႏကထွာမွုန်းအကျောင်ꩻနဝ်ꩻတဲ့ သေဒျာႏ။ ခွေသꩻကိုယို 'ဝိစိကိစ္ဆာႏ'(ဘုရာꩻမွေးဟောင်းနဲ-မွေးတဝ်းဟောင်းနဲးစတဲင် သꩻသံသယ)အဝ်ႏနဝ်ꩻတဲ့ သေချာဒျာႏ၊ ဝိစိကိစ္ဆာႏ အဲဥ်ထဝ်းကျောင်ꩻနဝ်ꩻတဲ့ သေချာဒျာႏ၊ ဝိစိကိစ္ဆာႏ ကထွာအီအကျောင်ꩻနဝ်ꩻတဲ့ သေဒျာႏ၊ ဝိစိကိစ္ဆာႏ ဖေႏကထွာမွုန်းအကျောင်ꩻနဝ်ꩻတဲ့ သေဒျာႏနောဝ်ꩻသွူ။ ရဟန်ꩻသီးဖုံႏဟွေး- 'လောဘ ဒေါသ ထိနမိဒ္ဓ ဥဒ္ဓစ္စ ကုက္ကုစ္စ ဝိစိကိစ္ဆာႏ'အကုသိုလ်ႏယိုနွုတ်ꩻပါꩻ မဥ်ႏအဝ်ႏသော့ꩻသꩻကိုနဝ်ꩻ ထွာသꩻတဗော့ꩻ၊ ထွာꩻသꩻကြောင်းတဝ်း၊ ထွာသꩻရောင်းတဝ်း၊ အကုသိုလ်ႏနဝ်ꩻနွုတ်ꩻပါꩻ မဥ်ႏအဲဥ်ထဝ်းသꩻကိုနဝ်ꩻ ထွာသꩻကြောင်းစင်၊ ထွာသꩻရောင်းဖျင်၊ 'နမ်းကြောင်းစင်၊ ဖြောင်းကြောင်းစင်၊ သꩻကြောင်းစင်'သွံမျိုꩻနဝ်ꩻ 'နမ်းနဝ်ꩻပွစ်ကြောင်း၊ ဖြောင်းနဝ်ꩻပသေလꩻ၊ သꩻမာꩻဗွာဖို' ထွာ'လိုꩻမျတ်'တပါꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ တိကနိပါတ်၊ ဒုတိယ-သောစေယျသုတ်)[1][2]

အာႏကွိုꩻEdit

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၁၁၃)