Wp/blk/ကျိုꩻစာꩻမာꩻမွေးအဝ်ႏလစ်ꩻမျိုꩻ

< Wp‎ | blkWp > blk > ကျိုꩻစာꩻမာꩻမွေးအဝ်ႏလစ်ꩻမျိုꩻ

"ပဓာနသုတ် (ကျိုꩻစာꩻမာꩻမွေး အဝ်ႏလစ်ꩻမျိုꩻ)" နီဗွေႏဘုရာꩻဟော်ꩻဖေႏ ဗွေႏရဟန်ꩻသီးဖုံႏ တရာꩻနုဲင်းယို- ရဟန်ꩻသီးဖုံႏဟွေး- 'ကျိုꩻစာꩻ-မာꩻမွေး'နဝ်ꩻ အဝ်ႏလစ်ꩻမျိုꩻ၊ လစ်ꩻမျိုꩻကရိုꩻနဝ်ꩻ- ၁။ သံဝရပ္ပဓါနံ - ကျိုꩻစာꩻမာꩻ ပေ့ꩻရဲတာႏ ၂။ ပဟာနပ္ပဓါနံ - ကျိုꩻစာꩻမာꩻ ပယ်ႏထိုꩻတာႏ ၃။ ဘာဝနာပ္ပဓါနံ - ကျိုꩻစာꩻမာꩻ ပွါꩻမျာꩻတာႏ ၄။ အနုရက္ခဏာပ္ပဓါနံ - ကျိုꩻစာꩻမာꩻ ပွေါထိန်ꩻတာႏ၊ အဝ်ႏလစ်ꩻမျိုꩻနုဲင်းနောဝ်ꩻသွူ။ ၁။ 'ကျိုꩻစာꩻမာꩻ ပေ့ꩻရဲတာႏ'ကရိုꩻနဝ်ꩻ နုဲင်းမုဲင်ꩻနဲတဲင်- အနုပ္ပန္နာနံ ပါပကာနံ အနုပ္ပါဒါယ ဝါယမတိ- တလꩻထွာဒွိုန်း ထာꩻယွုတ်ညမ်း အကုသိုလ်ႏဖုံႏနဝ်ꩻ (ငမ်းအထွာလꩻ သꩻကိုတဲင်) ကျိုꩻစာꩻမာꩻ ပေ့ꩻရဲခါꩻ၊ မဥ်ဖေႏထွာတဝ်း၊ ခံႏထွာတဝ်း၊ အွဥ်ႏသꩻနုဲင်းနဝ်ꩻ၊ ကကျိုꩻစာꩻ မꩻမွေးနုဲင်းနဝ်ꩻနဝ်ꩻ ရိုꩻဗာႏ'ကျိုꩻစာꩻမာꩻ ပေ့ꩻရဲတာႏ'နောဝ်ꩻသွူ။

၂။ 'ကျိုꩻစာꩻမာꩻ ပယ်ႏထိုꩻတာႏ'ကရိုꩻနဝ်ꩻ နုဲင်းမုဲင်ꩻနဲတဲင်- ဥပ္ပန္နာနံ ပါပကာနံ ပဟာနာယ ဝါယမတိ- ကထွာလဲဥ်းဒျာႏ ထာꩻယွုတ်ညမ်း အကုသိုလ်ႏဖုံႏနဝ်ꩻ (အဝ်ႏသꩻကိုယို ဖေႏကထန်ႏထိုꩻတဲင်) ကျိုꩻစာꩻမာꩻပယ်ႏထိုꩻ၊ မဥ်အွဥ်ႏခံတဝ်းသꩻကို၊ ခံႏအဝ်ႏခံတဝ်းသꩻကို၊ အွဥ်ႏသꩻနုဲင်းနဝ်ꩻ ကကျိုꩻစာꩻမာꩻမွေးနုဲင်းနဝ်ꩻနဝ်ꩻ ရိုꩻဗာႏ'ကျိုꩻစာꩻမာꩻ ပယ်ႏထိုꩻတာႏ'နောဝ်ꩻသွူ။

၃။ 'ကျိုꩻစာꩻမာꩻ ပွါꩻမျာꩻတာႏ'ကရိုꩻနဝ်ꩻ နုဲင်းမုဲင်ꩻနဲတဲင်- အနုပ္ပန္နာနံ ကုသလာနံ ဥပ္ပါဒါယ ဝါယမတိ- တလꩻထွာဒွိုန်း ကုသိုလ်ႏတရာꩻဖုံႏနဝ်ꩻ ဖေႏကထွာလွဥ်၊ မဥ်အွဥ်ႏထွာလွဥ်၊ ခံႏထွာလွဥ်ဗာႏ အွဥ်ႏသꩻနုဲင်းနဝ်ꩻ၊ ကကျိုꩻစာꩻ မာꩻမွေးနုဲင်းနဝ်ꩻနဝ်ꩻ ရိုꩻဗာႏ'ကျိုꩻစာꩻမာꩻ ပွါꩻမျာꩻတာႏ'နောဝ်ꩻသွူ။

၄။ 'ကျိုꩻစာꩻမာꩻ ပွေါထိန်ꩻတာႏ'ကရိုꩻနဝ်ꩻ နုဲင်းမုဲင်ꩻတဲင်- ဥပ္ပန္နာနံ ကုသလာနံ ဘိယျောဘာဝါယ ဝါယမတိ- ကထွာလွဥ်လဲဥ်း ကုသိုလ်ႏနဝ်ꩻ ဖေႏနေးကယိန်းထွာအာအာ၊ မဥ်ထွာအာအာထဲင်း၊ ခံႏထွာအာအာထဲင်း၊ ခံႏယွမ်ꩻထိုꩻတဝ်း၊ အွဥ်ႏသꩻနုဲင်းနဝ်ꩻ၊ ကကျိုꩻစာꩻ မာꩻမွေးနုဲင်းနဝ်ꩻနဝ်ꩻ ရိုꩻဗာႏ'ကျိုꩻစာꩻမာꩻ ပွေါထိန်ꩻတာႏ'နောဝ်ꩻသွူ။

"လင်္ကာႏ - ပအိုဝ်ႏ + မန်း နီဘာႏသာႏ" ၁။ လꩻထွာဒွိုန်းဒျာႏ ၊ ထာꩻမာꩻမာႏ ၊ သျောင်ႏဗာႏ ယိုခါခါ ။ ၂။ ကထွာလဲဥ်းဒျာႏ ၊ ထာꩻမာꩻမာႏ ၊ ပယ်ႏဗာႏ ယိုခါခါ ။ ၃။ လꩻထွာဒွိုန်းဒျာႏ ၊ ထာꩻဟောဝ်ဒါႏ ၊ မာꩻဗာႏ ယိုခါခါ ။ ၄။ ကထွာလဲဥ်းဒျာႏ ၊ ထာꩻဟောဝ်ဒါႏ ၊ မာꩻဗာႏ ယိန်းအာအာ ။

၁။ မဖြစ်သေးဆို ၊ အကုသိုလ် ၊ မလို ရှောင်လိုက်ပါ ။ ၂။ ဖြစ်ပြီးထိုထို ၊ အကုသိုလ် ၊ မလို ပယ်လိုက်ပါ ။ ၃။ မဖြစ်သေးဆို ၊ မြတ်ကုသိုလ် ၊ ရလို ကြိုးစားပါ ။ ၄။ ဖြစ်ပြီးထိုထို ၊ မြတ်ကုသိုလ် ၊ ပိုမို ကြိုးစားပါ။ (သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ ပဓါနသုတ်)[1][2]

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၁၃၅)