Wp/blk/ကောကထွီႏမုဆိုꩻ

< Wp‎ | blkWp > blk > ကောကထွီႏမုဆိုꩻ

"ကောကထွီႏမုဆိုꩻဝတ္ထု"

၁၂၅။ ဂါႏထာႏပြန်ႏပအိုဝ်ႏခြေင်ခြေင်- တပဲစ်မာႏဒါႏတဝ်းဝင်ꩻ၊ အပဲစ်မထွာ စင်ဗွာပေႏဒျာႏ၊ ကိလေႏသာႏလို့ခြူႏ လောင်ꩻလူႏထွိုက်ကပ် လိုꩻမျတ်တပါꩻယို ပါꩻမုဲင်ꩻရိုꩻတဝ်း လွေꩻပဲစ်မာႏဗာႏ၊ ထာꩻအီႏဖွန်ႏနဝ်ꩻ မဥ်ႏဖြေ့ꩻဆန်တလီꩻ တလီꩻအီနွိုချာအမဲ့၊ ပီပဲ့ဗွန်နဝ်ꩻ ဝွေꩻထာꩻမာႏ အကုသိုလ်ႏနဝ်ꩻ အသဲင်ꩻဗာႏချာဒျာႏ ကပဲစ်မာႏသားနောဝ်ꩻသွူ။

ဟော်ꩻထွားသွဥ်ဗာႏ "ကောကထွီႏမုဆိုꩻ"ဝတ္ထုယိုတဲင် "လꩻဗဟုသုတ၊ လꩻသတိꩻနုဲင်းယို"

၁။ ထွာထိုꩻလာဘ်ပိတ် အတိတ်နိမိတ်ဟဝ်တဝ်းကရိုꩻငေါဝ်းနဝ်ꩻ မွေးတောဝ်း-

၂။ ပါႏဒျာႏ ဝွေꩻရာႏရာႏ ပဲစ်မာႏတောဝင်ꩻနောဝ်ꩻ တလဲင်ႏချင်ꩻမော့ꩻထာꩻဒုက္ခ-

၃။ ပေါႏတရေႏမာꩻသီတဝ်းဝင်ꩻနဝ်ꩻ အပဲစ်ကင်ꩻဒျာႏ-စတဲင်နုဲင်းနဝ်ꩻ သေထွꩻ လꩻအီသတိꩻအာတန်သွူ။

"မဏိကာရ ကုလူဂပတိဿမထေရ်ႏဝတ္ထု"

၁၂၆။ ဂါႏထာႏပြန်ႏပအိုဝ်ႏခြေင်ခြေင်- ယင်ဟန်ႏသားနဝ်ꩻ သဲင်ꩻအုံသန္ဓေႏ မွိုးဗွေႏဟို့ꩻကိုဖုံႏသွူ၊ ယင်ဟန်ႏသားနဝ်ꩻ ကွပ်မာꩻအကုသိုလ်ႏတဲင် လင်ꩻထဲ့ငါးရုဲင်ꩻဖုံႏသွူ၊ ကမာꩻကုသိုလ်ႏသားနဝ်ꩻ တွိုႏထင်ႏလူꩻခမ်းဖုံႏသွူ၊ ရဟန္တာႏသီးဖုံႏနဝ်ꩻ ကူꩻလွနိဗ္ဗာန်ႏဖုံႏသွူ။

ဟော်ꩻထွားသွဥ်ဗာႏ "မဏိကာရကုလူပဂတိဿမထေရ်ႏ"ဝတ္ထုယိုတဲင် "လꩻဗဟုသုတ၊ လꩻသတိꩻနုဲင်းယို"

၁။ ရဟန္တာႏသီးနဝ်ꩻ ခံႏဒျာႏနမ်းသီ၊ မာꩻသီတောဝ်းဝင်ꩻ-

၂။ ထင်းတမွိုꩻဝင်ꩻ စွတ်စွယ်ꩻဝင်ꩻနဝ်ꩻ မာႏယော့ဒါႏထာꩻ-

၃။ ပေါႏမာꩻအကုသိုလ်ႏနဝ်ꩻ လင်ꩻထဲ့ငါးရုဲင်ꩻ-

၄။ ပေါႏမာꩻကုသိုလ်ႏနဝ်ꩻ တွိုႏထင်ႏလူꩻခမ်း-

၅။ ရဟန္တာႏနဝ်ꩻ ကူꩻလꩻနိဗ္ဗာန်ႏ၊ ထန်ႏတငါဝွဋ်ဒုက္ခ-စတဲင်နုဲင်းနဝ်ꩻ သေထွꩻ လꩻအီသတိꩻအာတန်သွူ။[1][2][3]

အာႏကွိုꩻEdit

  1. ပအိုဝ်ႏလိတ်လုဲင်ꩻစွစ်ꩻလီတာႏဗဟိုႏသံဃာႏစွိုꩻ
  2. ဗွေႏဗွန်ကောဝိဒ(ဇဝနာရာမ)
  3. ဓမ္မပဒအမုဲင်(၉)