Wp/blk/ကုဏ္ဍလကေသီထေရီ

< Wp‎ | blkWp > blk > ကုဏ္ဍလကေသီထေရီ

"ကုဏ္ဍလကေသီထေရီ"

၁၀၂။ ဂါႏထာႏပြန်ႏပအိုဝ်ႏခြေင်ခြေင်- ပါꩻမုဲင်ꩻတဲ့ တရိုꩻတဝ်း ပွိုင်းဝွို့တွမ်ႏအကျိုꩻတအဲဥ်ထဝ်း ငေါဝ်းဂါႏထာႏတရာꩻ တရျာꩻပဥ်ယို ရိုꩻခန်းအရွစ်ရိုꩻမွိုင်၊ ပါꩻနဝ်ꩻ အကရွစ်ဒါႏ ငေါဝ်းဂါႏထာႏနဝ်ꩻနဝ်ꩻ တမျတ်တဝ်းခြာ၊ ငေါဝ်းတရာꩻယာႏ ဂါႏထာႏအပွုဒ်မုဲင်ꩻတဲ့ယဝ်း ဟွုန်ဗာႏထွူတဲင် ရာႏဂစဒျာႏ ကိလေႏသာႏခိုးလျား ထိုꩻမားခွꩻလို့၊ ငေါဝ်းတရာꩻယာႏ ဂါႏထာႏအပွုဒ်နဝ်ꩻနဝ်ꩻ တဂါႏထာႏပေႏငါတဲ့ယဝ်း မျတ်ငါႏနဝ်ꩻသွူ။

၁၀၃။ တရာꩻဂါႏထာႏ ပြန်ႏပအိုဝ်ႏခြေင်ခြေင်- စဲ့ꩻသားအဖြာꩻမုဲင်ꩻရိုꩻတဝ်း တွိုက်ꩻခꩻရုဲင်းဟန် စဲ့ꩻပွယ်ꩻတန်ကိုနဝ်ꩻ တွိုက်ꩻခꩻနွောင်ꩻထိုꩻ ပါꩻလိုꩻဖုံႏယို အလဲင်ႏတသဲဥ်ဗွေဗွေစွဥ်ႏ၊ ကရိုꩻပါꩻတဲးဝါး စဲ့ꩻသားနဝ်ꩻနဝ်ꩻ တွိုက်ꩻပွယ်ꩻယံယဲ့ꩻ အောင်ႏစဲ့ꩻပွယ်ꩻတန် လိုꩻခိုယံမွေးမွေးနဝ်ꩻ တထွာတဝ်းဒွိုန်းသွူ။ စဲ့ꩻသားအဖြာꩻမုဲင်ꩻတရိုꩻတဝ်း သꩻကိုနမ်းကီ စဲ့ꩻကိလေႏသာႏတဆီယို နေးတွမ်ႏဝိပဿနာႏဉာဏ်ႏ တွိုက်ꩻထန်ႏနွောင်ꩻတလဲင်ႏပေႏငါတဲ့ယဝ်း ကိလေႏသာႏတွိုက်ꩻဖေါဝ်ꩻ ပါꩻနဝ်ꩻနဝ်ꩻမꩻ တွိုက်ꩻပွယ်ꩻယံယဲ့ꩻ အောင်ႏစဲ့ꩻကိလေႏသာႏ ဟဲ့ꩻဗာႏပိုႏတန် လိုꩻခိုယံနဝ်ꩻ ထွာမွေးမွေးစွဥ်ႏသွူ။

ဟော်ꩻထွားသွဥ်ဗာႏ "ကုဏ္ဍလကေသီထေရီ"ဝတ္ထုယိုတဲင် "လꩻဗဟုသုတ၊ လꩻသတိꩻနုဲင်းယို"

၁။ လွောက်ꩻမဲ့အလိုႏတဲင် သဲစ်ကထီႏတဲ့ ကျွိုက်ထွူစွဥ်ႏနဝ်ꩻ မာႏယော့ဆုဲင်ꩻဒါႏထာꩻ-

၂။ လိုꩻမွိုက်သီးနဝ်ꩻ အုံဗာႏသွူ ခင်ႏလမ်းဟဝ်တဲ့ အုံတဝ်းဗွီႏဗွီႏ၊ အံႏဗာႏသွူအွီႏအွီႏတဲ့ အုံတဝ်းစွူစွူ မဥ်မွိုက်တွူဒျာႏလီꩻလီꩻ-

၃။ လိုꩻမွိုက်သီးနဝ်ꩻ မာꩻဟဝ်ဟဝ်ဖေႏခန်းတဲ့ယဝ်း တသေတောဝ်းကေꩻဇူꩻ-

၄။ ပေါႏကျံႏတကုဲင်ဝင်ꩻနဝ်ꩻ ဗာႏချာဒါႏနမ်း၊ နမ်းမော့ꩻရီးဒါႏ ထာꩻဒုက္ခ-

၅။ ထီႏဖွီလိုꩻမူႏလꩻတဝ်း၊ လိုꩻမူႏတဲ့ ထာꩻယူႏဒါႏဒျာႏနေနေ-

၆။ "ဟံႏဗော့ꩻကို-ဗိုတုဲင်"နဝ်ꩻအတွိုင်ꩻ မာꩻထာꩻကုဲင်တဲ့ ထွာတောထာꩻဟဝ်တဲ့အဝ်ႏ၊ အရိယာႏသီးနဝ်ꩻ အဝ်ႏဒျာႏပုထုဇဥ်ႏဘဝ ထွာလွဥ်လွဥ်းလွဥ်း-

၇။ ပညာႏမဥ်ႏလုမ်းနမ်းနဝ်ꩻ ငမ်းဗာႏတဝ်းပါꩻ-စတဲင်နုဲင်းနဝ်ꩻ သေထွꩻ လꩻအီသတိꩻအာတန်သွူ။[1][2][3]

အာႏကွိုꩻ=Edit

  1. ပအိုဝ်ႏလိတ်လုဲင်ꩻစွစ်ꩻလီတာႏဗဟိုႏသံဃာႏစွိုꩻ
  2. ဗွေႏဗွန်ကောဝိဒ(ဇဝနာရာမ)
  3. ဓမ္မပဒအမုဲင်(၈)