Wp/blk/ကုက္ကုဋမိတ္တ

< Wp‎ | blkWp > blk > ကုက္ကုဋမိတ္တ

"ကုက္ကုဋမိတ္တဝတ္ထု"

၁၂၄။ ဂါႏထာႏပြန်ႏပအိုဝ်ႏခြေင်ခြေင်- စူꩻယာꩻကို အဆာမဥ်ႏအဲဥ်ထောဝ်းနဝ်ꩻ တွမ်ႏစူ ခွုမ်ခန်းအစွူႏတဲ့ယောဝ်း အဆာအဲဥ်ထဝ်းစူယို အစွူႏနောဝ်ꩻ တစိꩻတစျꩻငါတဲ့ယောဝ်း တခိုးလꩻတဝ်းစူယာꩻ၊ ကွပ်အကုသိုလ်ႏ စေႏတနာႏအဲဥ်ထဝ်းတဲင် ထူႏဖေႏလွုမ်ꩻအီ ရေႏမာꩻသီတဝ်းဝင်ꩻ (မုဆိုꩻမာနင်ꩻ)နဝ်ꩻ အကုသိုလ်ႏအဲဥ်ထဝ်း (အကုသိုလ်ႏထွာတောဝ်း။)

ပုဗ္ဗေဝ သန္နိဝါသေန-ဂါႏထာႏပြန်ႏပအိုဝ်ႏခြေင်ခြေင်- ထီကိုသူꩻ ကဒေါ့ꩻဒါႏ ဥပ္ပလဗိုမျိုꩻတဲ့နောဝ်ꩻ၊ လွိုလိုကတုဲင် ကအောဝ်ႏကုဲင်ဗိုမျိုꩻတဲ့နောဝ်ꩻ ထီတွမ်ႏဟံႏဗော့ꩻ ကွပ်မော့ꩻလို့ဝင်ꩻ အကျောင်ꩻရင်ꩻနီမျိုꩻနဝ်ꩻတဲင် ဗိုကရိုꩻနဝ်ꩻ ဒေါ့ꩻလွဥ်၊ ဥပမာႏဗွန်ပီနုဲင်းနဝ်ꩻနေနေ၊ ထာꩻရက်မေတ္တာႏ ကထွာဗာႏနဝ်ꩻတဲ့ ဇာတ်ကရီးပန်အွဥ်သူꩻ စွုမ်ႏဟာစွုမ်ႏနီꩻ ကွပ်အုံညီꩻဖိုလို့ဝင်ꩻတရိုꩻတဝ်း၊ ဘဝယိုခါ စင်ဗွာမေတ္တာႏ မာꩻဖေႏဗာႏလို့ဝင်ꩻအကျိုꩻတရိုꩻတဝ်း အကျောင်ꩻတရာꩻယိုနီပါꩻတွော့ꩻ သဲစ်ကထီႏတဲ့ သꩻကိုခွိုက်လောႏ ထာꩻကျွိုက်ပေါႏစွဥ်ႏနဝ်ꩻသွူ။

ဟော်ꩻထွားသွဥ်ဗာႏ "ကုက္ကုဋမိတ္တ"ဝတ္ထုယိုတဲင် "လꩻဗဟုသုတ၊ လꩻသတိꩻနုဲင်းယို"

၁။ ဇာတ်ကရီးပန်အွဥ် ပေါႏအုံညီꩻဗာႏဖိုလို့ဝင်ꩻ၊ ပေါႏမာꩻညီꩻဗာႏဖိုလို့ဝင်ꩻ ကုသိုလ်ႏနဝ်ꩻ ဘဝယိုတဲ့ မော့ꩻခွဲးယင်းလို့ဝင်ꩻ၊ အုံညီꩻဗာႏယင်းလို့ဝင်ꩻ-

၂။ လꩻတမဂ်တဖိုလ်ႏ ထွာသောႏတာႏပန်ႏပုဂ္ဂိုလ်ႏငါတဲ့ယောဝ်း မာꩻသီတဝ်းဒွုမ်ဝင်ꩻသက်၊ သီႏလငတ်ꩻပါꩻတဥ်ႏလဲဥ်း၊ ကုဲင်နွောင်ꩻတဝ်းဒွုမ်-

၃။ အရိယာႏပုဂ္ဂိုလ်ႏသီးနဝ်ꩻ အကုသိုလ်ႏစေႏတနာႏအဲဥ်ထဝ်း၊ မာꩻသီတဝ်းဝင်ꩻသက်တဲင် ထူႏဖေႏဗာႏ လက်နက်ခြီႏပြာႏတဲ့ယဝ်း အကုသိုလ်ႏထွာတဝ်း-

၄။ သောႏတာႏပန်ႏပုဂ္ဂိုလ်ႏခန်းတဲ့ယဝ်း လောဘတလို့တဝ်းဒွိုန်းတဲင် တောႏလမ်းတောႏပါႏဒျာႏနေက-စတဲင်နုဲင်းနဝ်ꩻ သေထွꩻ လꩻအီသတိꩻအာတန်သွူ။[1][2][3]

အာႏကွိုꩻEdit

  1. ပအိုဝ်ႏလိတ်လုဲင်ꩻစွစ်ꩻလီတာႏဗဟိုႏသံဃာႏစွိုꩻ
  2. ဗွေႏဗွန်ကောဝိဒ(ဇဝနာရာမ)
  3. ဓမ္မပဒအမုဲင်(၉)