Wp/blk/ကိုꩻကွယ်ႏအမျတ်သွတ်ꩻ

< Wp‎ | blkWp > blk > ကိုꩻကွယ်ႏအမျတ်သွတ်ꩻ

"စုန္ဒီသုတ် (ကိုꩻကွယ်ႏအမျတ်သွတ်ꩻ၊ လꩻအကျိုꩻအမျတ်သွတ်ꩻ)" အွိုးခꩻတလဲင်ႏ- ဗွေႏဘုရာꩻအဝ်ႏအုံ ရာႏဇဂျိုဟ်ႏခမ်း၊ ကျောင်ꩻဝေဠုဝွန်ႏကိုအတွင်ꩻ 'နင်ꩻစုန္ဒီ'နဝ်ꩻ တွမ်ႏအသွꩻမူႏဖုံႏ ထင်ႏထေ့နီဗွေႏဘုရာꩻ၊ လောဝ်းနီဗွေႏဘုရာꩻနုဲင်းယို- "ဩဗွေႏ- ခွေသွဥ်းဖူးခို 'စုန္ဒ'နဝ်ꩻရိုꩻ- လိုꩻမူႏတရိုꩻတဝ်း၊ လိုꩻခိုတရိုꩻတဝ်း 'ကိုꩻကွယ်ႏဆယ်ꩻကပ် ဘုရာꩻ တရာꩻ သံဃာႏ ရတနာႏသွံပါꩻ၊ မာꩻသီတဝ်းဝင်ꩻသက်၊ ထူႏတခွန်ꩻတဝ်းဝင်ꩻတခြိုꩻ၊ ပဲ့စ်မာႏတဝ်းဝင်ꩻပိုမာ၊ ဒေါ့ꩻလိန်ႏလဲဥ်တဝ်းထာꩻ၊ အွꩻတဝ်းဒေါဝ်'၊ ဝွေꩻနဝ်ꩻ မဥ်ႏသီနဝ်ꩻ တွိုႏဒျာႏ'သုဂတိဘွုံႏ-ဘွုံႏဟောဝ်'ဘွုံႏဒါႏလွုမ်ꩻ၊ 'ဒုဂ္ဂတိဘွုံႏ-ဘွုံႏကုဲင်'(အပါယ်ႏခမ်း)နဝ်ꩻ တွိုႏနွောင်ꩻတဝ်း ဝွေꩻရိုꩻနုဲင်းနဝ်ꩻ ဗွေႏဩ။ ဩဗွေႏ- ခွေသွဥ်း မဥ်ရီစဲင်းစဲင်းနုဲင်းယို၊ လိုꩻကေႏညိုႏဘုရာꩻနုဲင်းမုဲင်ꩻတဲင် တွိုႏဗာႏဘွုံႏဟောဝ်၊ တွိုႏတောဝ်းဘွုံႏကုဲင်၊ လိုꩻကေႏညိုႏတရာꩻနုဲင်းမုဲင်ꩻတွော့ꩻ တွိုႏဒျာႏဘွုံႏဟောဝ် တွိုႏတဝ်းဘွုံႏကုဲင်၊ လိုꩻကေႏညိုႏသံဃာႏနုဲင်းမုဲင်ꩻတဲင် တွိုႏဒျာႏဘွုံႏဟောဝ်၊ တွိုႏတဝ်းဘွုံႏကုဲင်၊ လိုꩻဆောက်တဲႏနေးထူႏသီႏလနုဲင်းမုဲင်ꩻတွော့ꩻ တွိုႏဒျာႏဘွုံႏဟောဝ်၊ တွိုႏတဝ်းဘွုံႏကုဲင်ဟောင်းဗွေႏ" နင်ꩻစုန္ဒီလောဝ်းရီ နီဗွေႏဘုရာꩻနုဲင်းနောဝ်ꩻသွူ။ နီဗွေႏဘုရာꩻရိုꩻ- "နင်ꩻစုန္ဒီဟွေး- သတ္တဝါႏအခင်ႏအဲဥ်ထဝ်းမျိုꩻ၊ သတ္တဝါႏအခင်ႏနီပင်မျိုꩻ၊ သတ္တဝါႏအခင်ႏလစ်ꩻပင်မျိုꩻ၊ သတ္တဝါႏထီႏအနမ်း၊ သတ္တဝါႏတထီႏတဝ်းအနမ်း-စတဲင် သꩻသားကားကအဝ်ႏ(တဖြာꩻတောႏ)ကိုနောဝ်ꩻ ဗွေႏဘုရꩻနဝ်ꩻ ထွာအမျတ်သွတ်ꩻ၊ ပေါႏကေႏညိုႏ အမျတ်သွတ်ꩻတဲ့ လꩻအကျိုꩻအမျတ်သွတ်ꩻနောဝ်ꩻသွူ။ ကံႏ၊ သꩻ၊ ဥတု၊ အာဟာႏရ-နေးတွမ်ႏ အကျောင်ꩻတရာꩻယိုလစ်ꩻပါꩻ ကခံႏဗာႏ အမွဥ်းအဖျင် (ကခံႏဗာႏအပျုအပျင်ႏ) 'သင်္ခတတရာꩻ'ကားကအဝ်ႏကိုနဝ်ꩻ မဂ္ဂင်ႏတရာꩻ သွစ်ꩻပါꩻနဝ်ꩻ ထွာအမျတ်သွတ်ꩻ၊ 'အသင်္ခတတရာꩻ'ကိုနဝ်ꩻ 'နိဗ္ဗာန်ႏ'နဝ်ꩻ အမျတ်သွတ်ꩻ။ တထာဂတသာဝက ဘုရာꩻတပဲ့ꩻသံဃာႏ လစ်ꩻခိုမ်ꩻသွစ်ꩻမျိုꩻ ကရိုꩻအရိယာႏ သံဃာႏနောဝ်ꩻ ထွာအမျတ်သွတ်ꩻ။ ခွုင်းကားတဲင် သီႏလကိုနဝ်ꩻ သီႏလထို့တဝ်း၊ သီႏလတိုတဝ်း၊ သီလတဖြဲ့က်တဝ်း၊ လွစ်လꩻတဏှာႏ ပညာႏသား လိုꩻဟောဝ်သီးဖုံႏ အံႏဖြာႏ၊ ထွာအီဒါႏ သမာႏဓိ၊ အရိယာႏသီးနစ်သက်၊ လꩻအီဒါႏမဂ်ဖိုလ်ႏ-သီႏလအမျိုꩻနဝ်ꩻနဝ်ꩻ ထွာသီႏလအမျတ်သွတ်ꩻ။ လိုႏပေါႏကေႏညိုႏ ဘုရာꩻအမျတ်သွတ်ꩻ၊ တရာꩻအမျတ်သွတ်ꩻ၊ သံဃာႏအမျတ်သွတ်ꩻ၊ သီႏလအမျတ်သွတ်ꩻတဲ့ လꩻအကျိုꩻအမျတ်သွတ်ꩻနောဝ်ꩻသွူ"။ (သုတ္တန်ႏပိဋကတ်၊ အင်္ဂုတ္တရပါဠိ၊ ပဥ္စကနိပါတ်၊ စုန္ဒီသုတ်)[1][2]

အာႏကွိုꩻEdit

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၁၇၆)