Wp/blk/ကိလေႏကင်ꩻညာꩻချမ်ꩻသာႏ

< Wp‎ | blkWp > blk > ကိလေႏကင်ꩻညာꩻချမ်ꩻသာႏ

"ဟတ္ထကသုတ် (ကိလေႏသာႏကင်ꩻညာꩻ ဗွေႏဘုရာꩻ အုံထာꩻချမ်ꩻသာႏသေႏ)"

အွိုးခꩻတလဲင်ႏ နီဗွေႏဘုရာꩻအဝ်ႏအုံ အာဠဝီခမ်း၊ တခြာကို၊ ဖိုးတဖူꩻကို၊ တွမ်သေင်ႏလာႏအွဥ်ႏခြပ်၊ သေင်ႏလာႏလောင်းနဝ်ꩻ ခေါက်သင်္ကန်ꩻကုဋ် အွဥ်ႏဒါလွဥ်ꩻ၊ အုံလင်ꩻတပန်းသော့ꩻနောဝ်ꩻကို။ အတွင်ꩻနဝ်ꩻ ခွန်ပိုဟတ္ထကအာဠာဝက (မင်ꩻသာꩻ)နဝ်ꩻ အဟွီဖေႏကဖြေႏ ထောင်တဖူꩻတွော့ꩻ လွေꩻမော့ꩻ နီဗွေႏဘုရာꩻ၊ ဝုဲင်ႏဘုရာꩻထွူခါ ရီပါနုဲင်းယို- "ဩဗွေႏ- နီဗွေႏနဝ်ꩻ အုံဗာႏချမ်ꩻချမ်ꩻသာႏသာႏ၊ ကိန်ꩻဗာႏအွီႏအွီႏနေဟောင်း ဗွေႏဩ" "တကာႏမင်ꩻသာꩻ- ခွေဘုရာꩻယိုနဝ်ꩻ အုံဗာႏချမ်ꩻချမ်ꩻသာႏသာႏ၊ ကိန်ꩻဗာႏအွီႏအွီႏဒျာႏ" "ဩဗွေႏ ဘုရာꩻမျတ်ဗွေႏဩ- ခွေသွဥ်းထွားနီဗွေႏနဝ်ꩻ တသံꩻထီလင်ꩻ သေင်ႏလာႏခြာ၊ ဒါကွို့ꩻသေင်ႏလာႏ၊ သင်္ကန်ꩻကုဋ်နဝ်ꩻ ဒါလွဥ်ꩻသေင်ႏလာႏလောင်း၊ သင်္ကန်ꩻကုဋ်တဲ့ခွꩻပါ၊ နီဗွေႏအုံဒါအုံဒင်ႏ၊ ထွားဟံႏတဲ့ ထွာဖိုးတဖူꩻ၊ ဖိုးခင်ႏအောင်ခြောင်ꩻ၊ ပူႏပူႏဗျို့ဗျို့၊ တဒွဥ်တဒန်တန်နောဝ်ꩻဗွေႏ။ ဩဗွေႏ ဘုရာꩻမျတ်ဗွေႏဩ- နီဗွေႏနဝ်ꩻ အဝ်ႏထွာခွန်တန်တပါꩻ ထွာလွဥ်ဘုရာꩻတဲင် ဟောဝ်မုဲင်ꩻရာꩻ လꩻနွောင်ꩻဒျာႏနောဝ်ꩻဗွေႏ၊ အုံပလင်ႏလောင်း၊ အုံကမ္ဗလာႏလောင်း၊ အုံတန်ꩻသွိုꩻကို၊ အုံထာꩻဒါဒွူန်ဒွူန်ကို လꩻဒျာႏနဝ်ꩻဗွေႏ၊ နီဗွေႏမအုံဒုက္ခတွိုႏထာꩻ နုဲင်းယိုနဝ်ꩻဗွေႏဩ" "တကာႏခွန်ပိုဟွေး- ခွေအီႏရီနာꩻယို၊ နာꩻကျွိုက်နုဲင်းမုဲင်ꩻတဲ့ ဖြေႏနော၊ လောကကိုယို ခွန်ပိုသဌေꩻဖုံႏနောဝ်ꩻ အုံသော့ꩻဟော်ဟောဝ်ကို၊ အုံသော့ꩻလမ်းဟောဝ်ဟောဝ်ကို၊ ထွိုင်ꩻပစ်ꩻခါꩻတခါꩻ၊ အုံဒါကောႏဇော်ꩻ အဆွဥ်ႏဆွာꩻစား၊ အုံဒါထာꩻဒါ အဟောဝ်စား၊ အုံဒါကမ္ဗလာႏ အတနျာႏစား။ အကဗေင်ႏဒင်ႏကူႏနဝ်ꩻတဲ့ စီႏတွမ်ႏပတ္တမျာꩻ၊ အမာနဝ်ꩻတဲ့ အဝ်ႏပဥ်လစ်ꩻဖြာꩻ၊ ဝွေꩻကျွိုက်မုဲင်ꩻရာꩻ အမာနင်ꩻလစ်ꩻဖြာꩻဖုံႏ မာꩻဖေႏ၊ စိမ်ႏဖေႏ၊ ဖြွꩻဖေႏ၊ ဗေင်ႏဖေါ့ဗာႏ အမာနင်ꩻယောင်ꩻဆင်ꩻတရေꩻ တဖြာꩻထွူတဖြာꩻ၊ ခွန်သဌေꩻဖုံႏနဝ်ꩻ အုံဗာႏချမ်ꩻချမ်ꩻသာႏသာႏ၊ ဗေင်ႏဗာႏအွီႏအွီႏနေထာꩻဟောင်း" "ဩဗွေႏ ဘုရာꩻမျတ်ဗွေႏဩ- ဝွေꩻဗွေႏသီးနဝ်ꩻ အုံဗာႏချမ်ꩻချမ်ꩻသာႏသာႏ၊ ဗေင်ႏဗွာႏအွီႏအွီႏအီဗွေႏ၊ ပေါႏစေꩻစိန်ႏခရာႏဟ လွိုဝွေꩻသီးအမျိုꩻအောဝ်ႏနဲ့ဗွေႏ" "တကာႏခွန်ပေႏ- အုံတွမ်ႏကိလေႏသာႏမေႏ၊ ဗေင်ႏဖေႏတွမ်ႏ တဏှာႏရာႏဂမေႏနဝ်ꩻဟွေး၊ ထာꩻချမ်ꩻသာႏ တမွေးတောဝ်း၊ (နာႏပသꩻတွတ်ꩻ-ယိန်းဟွတ်ꩻ ယိန်းဟောဝ်တန်ဒျာႏ) ကိလေႏသာႏကင်ꩻညာꩻ ဘုရာꩻခွေယိုမꩻ အုံဗာႏနုဲင်းမုဲင်ꩻမုဲင်ꩻ၊ ကိန်ꩻဗာႏနုဲင်းမုဲင်ꩻမုဲင်ꩻတဲ့ယဝ်း သꩻဒုက္ခအဲဥ်ထဝ်း၊ သꩻအဝ်ႏချမ်ꩻသာႏသေႏဒျာႏနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ တိကနိပါတ်၊ ဟတ္ထကသုတ်)[1][2]

အာႏကွိုꩻEdit

  1. လိတ်ဗွောင်မဲ့နား(၉၅)
  2. ဗွေႏဗွန်-ကောဝိဒ(သီႏသဲင်ႏ)