Wp/blk/ကာႏလသွံပါꩻထွာအီဝွဋ်ဒုက္ခ

< Wp‎ | blkWp > blk > ကာႏလသွံပါꩻထွာအီဝွဋ်ဒုက္ခ

"ဒုတိယနိဒါနသုတ် (ကာႏလသွံပါꩻ ထာꩻမာꩻထွာအီ ဝွဋ်ဒုက္ခအထျꩻအထောင်ꩻ)"

ရဟန်ꩻသီးဖုံႏဟွေး- သꩻယူႏချာ ကခံႏစာꩻဗာႏဖို (အတိတ်-ကာႏမဂွုဏ်ႏ)နဝ်ꩻတဲင် 'ဆန္ဒရာဂ'ထွာ၊ ဆန္ဒရာႏဂနဝ်ꩻ ထွာအထျꩻ၊ ဆန္ဒရာႏဂနဝ်ꩻ အွဥ်ငါ၊ ကထွာလွဥ်ထာꩻမာꩻဖုံႏနဝ်ꩻ ဟဲ့ꩻ'အကုသိုလ်ႏ'ထာꩻမာꩻ၊ ထွာ 'သံယော်ꩻဇဥ်ႏ'တပါꩻ၊ ထွာတဖြွီꩻ အဝ်ႏစွိုင်ခါꩻတလီး၊ ပေါႏသံယော်ꩻဇဥ်ႏတဖြွီꩻနဝ်ꩻ အဝ်ႏစွိုင်ခါꩻနဝ်ꩻ တလꩻနွောင်ꩻတဝ်း မဂ်ဖိုလ်ႏနိဗ္ဗာန်ႏ၊ တထန်ႏနွောင်ꩻတဝ်း ဝွဋ်ဒုက္ခနောဝ်ꩻသွူ။ ရဟန်ꩻသီးဖုံႏဟွေး- သꩻယူႏငါလွေꩻ တွိုႏဆုဲင်ꩻဆုဲင်ꩻ၊ မဥ်ခံႏစာꩻထဲင်းယင်း (အနာႏဂတ်-ကာႏမဂွုဏ်ႏ)နဝ်ꩻတဲင် 'ဆန္ဒရာဂ'ထွာ၊ ဆန္ဒရာႏဂနဝ်ꩻ ထွာအထျꩻ၊ ဆန္ဒရာႏဂနဝ်ꩻအွဥ်ငါ၊ ကထွာလွဥ်ထာꩻမာꩻဖုံႏနဝ်ꩻ ဟဲ့ꩻ'အကုသိုလ်ႏ'ထာꩻမာꩻ၊ ထွာ'သံယော်ꩻဇဥ်ႏ'တပါꩻ၊ ထွာတဖြွီꩻ အောဝ်ႏစွိုင်ခါꩻတလီး၊ ပေါႏသံယော်ꩻဇဥ်ႏတဖြွီꩻနဝ်ꩻ အဝ်ႏစွိုင်ခါꩻနဝ်ꩻ တလꩻနွောင်ꩻတဝ်း မဂ်ဖိုလ်ႏနိဗ္ဗာန်ႏ၊ တထန်ႏနွောင်ꩻတဝ်း ဝွဋ်ဒုက္ခနောဝ်ꩻသွူ။ ရဟန်ꩻသီးဖုံႏဟွေး- သꩻယူႏကအဝ်ႏစာꩻ (ပစ္စုပ္ပန်ႏ-ကာႏမဂွုဏ်ႏ)ယိုခါတဲင် 'ဆန္ဒရာဂ'ထွာ၊ ဆန္ဒရာႏဂနဝ်ꩻ ထွာအထျꩻ၊ ဆန္ဒရာႏဂနဝ်ꩻအွဥ်ငါ၊ ကထွာလွဥ်ထာꩻမာꩻဖုံႏနဝ်ꩻ ဟဲ့ꩻ'အကုသိုလ်ႏ'ထာꩻမာꩻ၊ ထွာ'သံယော်ꩻဇဥ်ႏ'တပါꩻ၊ ထွာတဖြွီꩻ အဝ်ႏစွိုင်ခါꩻတလီး၊ ပေါႏသံယော်ꩻဇဥ်ႏတဖြွီꩻနဝ်ꩻ အဝ်ႏစွိုင်ခါꩻနဝ်ꩻ တလꩻနွောင်ꩻတဝ်း မဂ်ဖိုလ်ႏနိဗ္ဗာန်ႏ၊ တထန်ႏနွောင်ꩻတဝ်း ဝွဋ်ဒုက္ခနောဝ်ꩻသွူ။ ရဟန်ꩻသီးဖုံႏဟွေး- သꩻယူႏချာ ကခံႏစာꩻဗာႏဖို (အတိတ်-ကာႏမဂွုဏ်ႏ)နဝ်ꩻတဲင် ထွာဆန္ဒရာႏဂ၊ ထွာအကုသိုလ်ႏ၊ အီႏခံႏဗာႏအပဲ့စ်၊ သေယူႏလꩻနုဲင်းနဝ်ꩻတွော့ꩻ ဖေႏကခံႏဗာႏမွုန်း အပဲ့စ်နဝ်ꩻ မဥ်ခံႏစာꩻတဝ်း ကာႏမဂွုဏ်ႏ၊ ဆန္ဒရာႏဂထွာတောဝ်း။ သꩻယူႏငါလွေꩻ မဥ်ခံႏစာꩻထဲင်းယင်း (အနာဂတ်-ကာႏမဂွုဏ်ႏ)နဝ်ꩻတဲင် ထွာဆန္ဒရာႏဂ၊ ထွာအကုသိုလ်ႏ၊ အီႏခံႏဗာႏအပဲ့စ်၊ သေယူႏလꩻနုဲင်းနဝ်ꩻတွော့ꩻ ဖေႏကခံႏဗာႏမွုန်း အပဲစ်နောဝ်ꩻ မဥ်ခံႏစာꩻတဝ်းကာႏမဂွုဏ်ႏ၊ ဆန္ဒရာႏဂထွာတောဝ်း။ သꩻယူႏကအဝ်ႏခံႏစာꩻ (ပစ္စုပ္ပန်ႏ-ကာႏမဂွုဏ်ႏ)ယိုခါတဲင် ထွာဆန္ဒရာႏဂ၊ ထွာအကုသိုလ်ႏ၊ အီႏခံႏဗာႏအပဲ့စ်၊ သေယူႏလꩻနုဲင်းနဝ်ꩻတွော့ꩻ ဖေႏကခံႏဗာႏမွုန်းအပဲ့စ်နဝ်ꩻ မဥ်ခံႏစာꩻတဝ်း ကာႏမဂွုဏ်ႏ၊ ဆန္ဒရာႏဂ ထွာတောဝ်းနောဝ်ꩻသွူ။ ရဟန်ꩻသီးဖုံႏဟွေး- အတိတ်ဆန္ဒရာႏဂတဲ့ ထွာတဝ်း၊ အနာႏဂတ်ဆန္ဒရာႏဂတဲ့ ထွာတဝ်း၊ ပစ္စုပ္ပန်ႏဆန္ဒရာႏဂတဲ့ ထွာတဝ်း၊ သꩻဆန္ဒရာႏဂမွေးတဝ်း၊ ထွာဒျာႏ သꩻကြောင်းသꩻဗွာ၊ သꩻကြောင်းအွဥ်ငါ၊ သꩻဗွာထွာအထျꩻ၊ ကထွာလွဥ် ထာꩻမာꩻဖုံႏနဝ်ꩻ ဟဲ့ꩻ'ကုသိုလ်ႏ'ထာꩻမာꩻ၊ ထွာတဝ်း သံယော်ꩻဇဥ်ႏတပါꩻပါꩻ၊ ထွာတဝ်းတဖြွီꩻ အဝ်ႏစွိုင်ခါꩻတလီးလီး ပေါႏသံယော်ꩻဇဥ်ႏတဖြွီꩻ တအဝ်ႏစွိုင်ခါꩻတဝ်းနဝ်ꩻ လꩻနွောင်ꩻဒျာႏ မဂ်ဖိုလ်ႏနိဗ္ဗာန်ႏ၊ ထန်ႏနွောင်ꩻဒျာႏ ဝွဋ်ဒုက္ခနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ တိကနိပါတ်၊ ဒုတိယနိဒါနသုတ်)[1][2]

အာႏကွိုꩻEdit

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၁၁၁)