Wp/blk/ကာႏမဂွုဏ်ႏအွဉ်ႏကုဲင်

< Wp‎ | blk(Redirected from Wp/blk/ကာႏမဂွုဏ်ႏအွဥ်ႏကုဲင်)
Wp > blk > ကာႏမဂွုဏ်ႏအွဉ်ႏကုဲင်

"ကာမသုတ် (ကာႏမဂွုဏ်ႏအွဥ်ႏကုဲင် ထင်ႏဗုဲင်ရဟန်ꩻ)" ရဟန်ꩻသီးဖုံႏဟွေး- လိုꩻတဲ့နဝ်ꩻ၊ သတ္တဝါႏ (တိရစ္ဆာန်ႏ)ဖုံႏတဲ့နဝ်ꩻ ကဲဥ်းအာအာနဝ်ꩻ ပျောႏလွဥ်ꩻအာႏရွုံႏ၊ ဖဥ်းကာႏမဂွုဏ်ႏဖုံႏနောဝ်ꩻသွူ။ ရဲ့မီꩻထမ်ႏစာ၊ ခိုဗင်ႏသꩻဗွာ တဖြာꩻနဝ်ꩻ ဝေါင်းထိုꩻမွေးမွေးစွဥ်ႏ 'အတဖွူႏထမ်ႏ-အစန်'၊ တွူႏတရန်ကာႏမဂွုဏ်ႏ၊ အာႏရွုံႏငတ်ꩻတုဲင်၊ ထင်ႏဗုဲင်ရဟန်ꩻတဲင် ဝွေꩻယိုနဝ်ꩻ ရိုꩻဗာႏ'သဒ္ဓါပဗ္ဗဇိတ-နေးတွမ်ႏသဒ္ဓါႏ ဗုဲင်ဒျာႏရဟန်ꩻ'နောဝ်ꩻသွူ။ ကွပ်ပွိုးထမုဲင်ꩻ ဒေါ့ꩻနွောင်ꩻတွိုႏနုဲင်းနဝ်ꩻနဲတဲင်- လိုꩻအရန်းလသား ကခံႏစာꩻဒါႏ ကာႏမဂွုဏ်ႏ အညမ်းစားတဲ့နဝ်ꩻ၊ လိုꩻအရန်းထဝသား ကခံႏစာꩻဒါႏ ကာႏမဂွုဏ်ႏ တောႏတောႏတန်ႏတန်ႏစားတဲ့နဝ်ꩻ၊ လိုꩻအရန်းထို ခွန်ကွန်သီးဖုံႏ၊ လိုꩻခြွေရွဥ်သား လိုꩻကျွားသဌေꩻသီးဖုံႏ ကခံႏစာꩻဒါႏ ကာႏမဂွုဏ်ႏ အယံစားတဲ့နဝ်ꩻ ဟဲ့ꩻဗာႏငတ်ꩻပါꩻအာႏရွုံႏ-ကာႏမဂွုဏ်ႏလွဥ်းလွဥ်း၊ လိုꩻခိုဗင်ႏနုဲင်းဝွေꩻနောဝ်ꩻ မီႏမဥ်ခံႏစာꩻ ဆဲင်ႏရာꩻကာႏမဂွုဏ်ႏနဝ်ꩻ ခံႏစာꩻနွောင်ꩻဒျာႏ၊ အဝ်ႏခံႏစာꩻနွောင်ꩻဒျာႏသွူတဲ့ ကာႏမဂွုဏ်ႏအွဥ်ႏကုဲင် ကွပ်ပွိုးထင်ႏဗုဲင် ရဟန်ꩻတွော့ꩻ ဒေါ့ꩻနွောင်ꩻစွဥ်ႏဒျာႏ 'သဒ္ဓါႏပဗ္ဗဇိတ'နုဲင်းနဝ်ꩻသွူ။ ရဟန်ꩻသီးဖုံႏဟွေး- ပါꩻပေႏတဖြာꩻနဝ်ꩻ စဗေင်ႏတခို့ တအာဒါႏထာꩻလွုမ်ꩻ၊ ကနေးလိုꩻပေႏသားနဝ်ꩻ အုံဖွီထာꩻတဲင် ပါꩻပေႏနဝ်ꩻ မျောႏမာႏသေင်ႏစျꩻ တရိုꩻတဝ်း၊ ဖွိုင်ꩻခေါဝ်တရိုꩻတဝ်း အဝ်ႏခံအကထောင်ꩻတွော့ꩻ ငွိုးစွော့ꩻစွဥ်ႏထာꩻ။ ကနေးလိုꩻပေႏသားနဝ်ꩻ သဲစ်ကေသတဲ့ လောႏအွာထန်ႏ၊ အွာထန်ႏရိုꩻရိုꩻ၊ အွာထန်ႏယိုꩻယိုꩻ မဥ်ႏတလꩻတဝ်းနဝ်ꩻ တွမ်ႏစူပင်စေႏ-တေက်ꩻခါꩻအကတူႏ တွမ်ႏစူနုံပင်ထွေ စောင်ႏငါ-အွာထန်ႏဗာႏ။ ကအွာထန်ႏနုဲင်းနဝ်ꩻနဝ်ꩻ မာꩻဆာလိုꩻပေႏကထောင်ꩻ မွေးဒျာႏ၊ မွေးတဝ်း ခွေတရိုꩻတဝ်း၊ ကွဲႏတွော့ꩻ မာꩻထွိုက်မာꩻသင်ꩻ သညင်ꩻလိုꩻပေႏတဲင် (ငမ်းအဆာတဝ်၊ ငမ်းအသီထိုꩻတဲင်) မာꩻဗာႏနုဲင်းနဝ်ꩻဒျာႏရင်ꩻ။ ပါꩻပေႏနဝ်ꩻမဥ်ႏတန် မဥ်ႏသူႏသေသွူထာꩻနဝ်ꩻ နေးခရာႏလိုႏဒွုမ်၊ အဗွေႏနမ်းနမ်း ထိန်ꩻကမ်းချာဒါႏဒျာႏ၊ အမျိုꩻမျောႏဒွုမ် သေင်ႏစျꩻ-ဖွိုင်ꩻခေါဝ်မွေးတောဝ်း။ အနုဲင်းနောဝ်ꩻနေနေ ရဟန်ꩻနဝ်ꩻ ထာꩻယွုမ်းအံႏ-သဒ္ဓါႏ၊ ထာꩻဝင်ꩻသꩻ-ဟိရီ၊ ထာꩻငမ်း-ဩတ္တပ္ပ၊ ထာꩻကျိုꩻစာꩻ-ဝီရိယ၊ ထာꩻသေ-ပညာႏ၊ နေးတွမ်ႏတရာꩻဖုံႏနဝ်ꩻ မဥ်ႏတသေထိုမ်ႏတဝ်းဒွိုန်းတရာꩻ၊ မဥ်ႏတသေမာꩻတဝ်းဒွိုန်းကုသိုလ်ႏနဝ်ꩻ ခွေအဝ်ႏထွားဗာႏ၊ နုဲင်းပါꩻကနေး လိုꩻပေႏနောဝ်ꩻသွူ။ ရဟန်ꩻနဝ်ꩻ နေးတွမ်ႏ'သဒ္ဓါႏ၊ ဟိရီ၊ ဩတ္တပ္ပ၊ ဝီရိယ၊ ပညာႏ'မဥ်ႏသေအားထွုတ်ဒါႏသွူတရာꩻ၊ မဥ်ႏသေမာꩻသွူကုသိုလ်ႏ (မဥ်ႏထွာလꩻသွူ သောႏတာႏပန်ႏပုဂ္ဂိုလ်ႏ)နဝ်ꩻ ခွေထွားခရာႏ တလိုႏတောဝ်းဒွုမ်၊ အထိန်ꩻအနမ်း-အကမ်းအသꩻ ဒါႏလဲဥ်း၊ အမျိုꩻအုံဖွီထာꩻ မွေးတောဝ်းဒွုမ်နောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ပဥ္စကနိပါတ်၊ ကာမသုတ်)[1][2]

အာႏကွိုꩻEdit

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၁၇၁)