Wp/blk/ကရီဗာႏသပိတ်သင်္ကန်ꩻ

< Wp‎ | blkWp > blk > ကရီဗာႏသပိတ်သင်္ကန်ꩻ

"ပရိပုဏ္ဏံ တေ ပတ္တစီဝရံ-နာꩻသပိတ်သင်္ကန်ꩻ အဝ်ႏစွုမ်ႏလဲဥ်းနဲ့"ကရီဗာႏနုဲင်းနဝ်ꩻအကျောင်ꩻ

အွိုးခꩻတလဲင်ႏ ပါꩻတဖြာꩻနဝ်ꩻ သမ်းမဥ်ဗုဲင်စင်ꩻ၊ "သပိတ်အဲဥ်ထဝ်း-ဗုဲင်စင်ꩻလꩻတဝ်း"တဲင် ကွီလနေးဝင်ꩻသပိတ်ဗုဲင်စင်ꩻ၊ ဗုဲင်စင်ꩻထွူ ဝင်ꩻထူႏချာခန်းဒျာႏ ဝင်ꩻသပိတ်၊ ဝွေꩻဗွေႏနဝ်ꩻ လွေꩻတွုံꩻသွမ်ꩻတဲ့ သပိတ်ပါတဝ်း၊ တွိုႏတကာႏ လောင်ꩻသွမ်ꩻသားငါ၊ အွဥ်ႏတအာအစူယာꩻ၊ မာꩻဗွန်နုဲင်း တိတ္ထိတက္ကတွဥ်ꩻသီး၊ "ဝင်ꩻလောင်ꩻတစောတာႏ၊ ဝင်ꩻလောင်ꩻငွါ"အံႏစွဥ်ႏဒျာႏ တကာႏငါနုဲင်းနဝ်ꩻ။ "နီဗွေႏနဝ်ꩻ မဥ်ႏရိုꩻတိတ္ထိတက္ကတွဥ်ꩻတဲ့ သမ်းရွုံႏဒျာႏတွမ်ႏသင်္ကန်ꩻ၊ မဥ်ႏရိုꩻဘုရာꩻတပဲ့ꩻတဲ့ သပိတ်သမ်းတပါတဝ်း၊ ထမုဲင်ꩻခရာႏအီဗွေႏ"တကာႏဖုံႏ ရီနုဲင်းနဝ်ꩻတဲင် ဝွေꩻဗွေႏရိုꩻ- "ခွေနဝ်ꩻ ဘုရာꩻတပဲ့ꩻစဲစ်စဲစ်ဒျာႏ၊ ကွီလဝင်ꩻသပိတ် ဗုဲင်စင်ꩻတဲင် ဗုဲင်စင်ꩻထွူ ဝင်ꩻသပိတ်နောဝ်ꩻ ဝင်ꩻဗွေႏထူႏထိုꩻချာဒျာႏ၊ ကွပ်နဝ်ꩻမꩻ မာꩻဗာႏနုဲင်းယိုသနယ်" ဝွေꩻဗွေႏခြုဲင်းနယ်နုဲင်းနဝ်ꩻ။ တကာႏဖုံႏ သွမ်ꩻသဲ့ꩻကဲ့ꩻရဲ့ꩻ လိုꩻအာထင်ႏလောဝ်းဗွေႏဘုရာꩻ၊ ဗွေႏဘုရာꩻရိုꩻ- "လိုꩻသပိတ်တအဲဥ်ထဝ်းနဝ်ꩻ အွဥ်ႏဗုဲင်စင်ꩻ အပ်တဝ်း၊ ပေါႏအွဥ်ႏဗုဲင်နဝ်ꩻ 'ဒုက္ကဋ်အာပတ်ဗာႏ"မိန်းစွဥ်ႏဒျာႏနုဲင်းနဝ်ꩻသွူ။ အွိုးခꩻတလဲင်ႏ ပါꩻတဖြာꩻနဝ်ꩻ သမ်းမဥ်ဗုဲင်စင်ꩻ "သင်္ကန်ꩻအဲဥ်ထဝ်း-ဗုဲင်စင်ꩻလꩻတဝ်း"တဲင် ကွီလနေးဝင်ꩻသင်္ကန်ꩻဗုဲင်စင်ꩻ၊ ဗုဲင်စင်ꩻထွူ ဝင်ꩻထူႏချာခန်းဒျာႏ ဝင်ꩻသင်္ကန်ꩻ၊ ဝွေꩻဗွေႏနဝ်ꩻ လွေꩻတွုံꩻသွမ်ꩻတဲ့ လွေꩻတလီꩻလီꩻစွဥ်ႏနုဲင်းနဝ်ꩻ။ တကာႏဖုံႏရိုꩻ- "နီဗွေႏနဝ်ꩻ မဥ်ႏရိုꩻတိတ္ထိတက္ကတွဥ်ꩻတဲ့ သမ်းဖင်ꩻတွမ်ႏသပိတ်၊ မဥ်ႏရိုꩻဘုရာꩻတပဲ့ꩻတဲ့ သင်္ကန်ꩻသမ်းတပါတဝ်း၊ မဥ်ႏထွာဘုရာꩻတပဲ့ꩻတဲ့ သပိတ်ပါ၊ သင်္ကန်ꩻပါဒျာႏ၊ မဥ်ႏထွာတိတ္ထိတက္ကတွဥ်ꩻတဲ့ သပိတ်ပါတဝ်း၊ သင်္ကန်ꩻပါတဝ်း၊ တွိုႏနီဗွေႏနဝ်ꩻ မဆန်ꩻငါႏအီ၊ ပါဒျာႏသပိတ်လွုမ်ꩻ၊ သင်္ကန်ꩻသမ်းတပါတဝ်း နုဲင်းမုဲင်ꩻအီ" "တကာႏခွန်နင်ꩻသီးဖုံႏဟွေး- ခွေနဝ်ꩻ တိတ္ထိတက္ကတွဥ်ꩻမွေးတဝ်း၊ ဘုရာꩻတပဲ့ꩻစဲစ်စဲစ်ဒျာႏ၊ ခွေမဥ်ဗုဲင်ငါႏစင်ꩻတဲင် ကွီလနေးဝင်ꩻသင်္ကန်ꩻ ဗုဲင်စင်ꩻ၊ ဗုဲင်စင်ꩻထွူ ဝင်ꩻသမ်းထူႏချာထိုꩻခန်းဒျာႏ ဝင်ꩻသင်္ကန်ꩻဖုံႏတွော့ꩻ အုံမသမ်းတဒါႏတဝ်း၊ ဝင်ꩻသꩻတဲ့ မာꩻရာꩻဒါႏဒွုမ်၊ လွေꩻတလီꩻလီꩻဗာႏစွဥ်ႏဒျာႏ နုဲင်းယိုတန်သနယ်တကာႏ"။ ဒေါ့ꩻနယ်ဖေႏ တကာႏနုဲင်းနဝ်ꩻတဲ့ တကာႏခွန်နင်ꩻနဝ်ꩻရိုꩻ "ယားကုဲင်ပါ နီဗွေႏသျင်ႏ နီဗွေႏစင်ꩻသီးဂုဏ်ႏသိက္ခာႏ၊ ကေႏညိုႏခရာႏအဲဥ်ထဝ်း" ထီႏဖွီသွမ်ꩻသဲ့ꩻ ကဲ့ꩻရဲ့ꩻလိုꩻအာ၊ ထင်းလောဝ်းပါဗွေႏဘုရာꩻ၊ ဗွေႏဘုရာꩻရိုꩻ- "ရဟန်ꩻသီးဖုံႏဟွေး- လိုꩻသင်္ကန်ꩻ တအဲဥ်ထဝ်းသားနဝ်ꩻ အွဥ်ႏဗုဲင်ဖေႏစင်ꩻအပ်တဝ်း၊ ပေါႏအွဥ်ႏဗုဲင်နဝ်ꩻ 'ဒုက္ကဋ်အာပတ်ဗာႏ"မိန်းစွဥ်ႏဒျာႏနုဲင်းနောဝ်ꩻသွူ။ (ဝိနယ၊ မဟာဝဂ္ဂပါဠိ၊ မဟာခန္ဓက)[1][2]

အာႏကွိုꩻEdit

  1. လိတ်ဗွောင်မဲ့နား(၁၁)
  2. ဗွေႏဗွန်-ကောဝိဒ(သီႏသဲင်ႏ)